P-Du30, sinopla sa hirit na arestuhin ang mga ayaw magpaturok… 'Pinas, kulang sa suplay ng bakuna —

Binay

ni Ronalyn Seminiano Reonico | June 22, 2021

Matapos magbabala ni Pangulong Rodrigo Duterte na ipaaaresto niya ang mga ayaw magpabakuna, sinabi ni Senator Nancy Binay na ang suplay ng vaccines ang “biggest problem” kaya marami pa rin ang hindi nababakunahan.

Sa isang panayam, saad ni Binay, “May problema tayo sa supply. It’s not as if ayaw ng mga kababayan nating magpabakuna.”

Sinabi rin ni Binay na maraming Pilipino na maagang nagpupunta sa mga vaccination centers para lang makahabol sa cut-off.

Aniya, “Madaling-araw pa lang pumipila na sila ru’n sa vaccination centers para ‘di sila abutan ng cut-off.

“So at this point, I think vaccine hesitancy is not the problem, vaccine supply is the biggest problem so we need to arrest that.”

Gayunpaman, aniya ay mayroon talagang mga indibidwal na nag-aalinlangang magpabakuna.

Ngunit ayon kay Binay, ang kakulangan sa suplay ng bakuna ang dapat binibigyang-pansin ng pamahalaan bago ang pagpapaaresto sa mga Pilipinong ayaw magpabakuna.

Aniya pa, “At this point, nandiyan pa rin ‘yung vaccine hesitancy but for me, ‘yung urgent need right now is to have more supply of the vaccine.”

Kung 'di raw lalayas ng 'Pinas... Mga ayaw magpabakuna, arestuhin! — P-Duterte

ni Ronalyn Seminiano Reonico | June 22, 2021

Nagbabala si Pangulong Rodrigo Duterte sa mga ayaw magpabakuna laban sa COVID-19 sa kanyang public address noong Lunes at aniya, ipaaaresto niya ang mga ito.

Saad ng pangulo, "Itong mga g*go na ayaw magpabakuna, and they are really carriers and they, you know, traveling from one place to another, carrying the virus, and then contaminating other people.

"Itong ayaw magpabakuna, kayong ayaw magpabakuna, ang ipapabakuna ko sa inyo, 'yung bakuna sa baboy, 'yung Ivermectin, 'yun ang ibakuna ko sa kanila. Ang titigas ng ulo, eh.

"Don't get me wrong. There is a crisis being faced in this country. There is a national emergency. Kung ayaw mong magpabakuna, ipaaresto kita. At ang bakuna, itusok ko sa puwet mo. Put*ng n. Buwisit kayo.”

Aniya pa, kung sinuman ang ayaw magpabakuna ay dapat umalis sa Pilipinas.

Saad pa ng pangulo, “Don’t force my hand into it. Kung hindi kayo magpabakuna, umalis kayo sa Pilipinas. Go to India if you want or to America. But as long as you are here and you are a human being who can carry the virus, eh, magpabakuna ka. Otherwise, I will order all the barangay captains to have a tally of the people who refuse to be vaccinated. Kasi ‘pag hindi, ‘yung Ivermectin na para sa baboy ang patira ko sa ‘yo. Ayun, patay talaga, pati ikaw.”

Aniya pa, "Mamili kayo, magpabakuna kayo o ipakulong ko kayo sa selda."

War on drugs, iimbestigahan... ICC, minura ni P-Du30

ni Ronalyn Seminiano Reonico | June 22, 2021

Muling binanatan ni Pangulong Rodrigo Duterte ang International Criminal Court (ICC) sa kanyang weekly address noong Lunes kaugnay ng laban ng pamahalaan kontra droga.

Noong nakaraang linggo, nais ni ICC Chief Prosecutor Fatou Bensouda na magsagawa ng imbestigasyon sa madugong war on drugs sa Pilipinas.

Saad ni P-Duterte, "Itong ICC, bullsh*t itong... I would not... Why would I defend or face an accusation before white people? You must be crazy.

"'Yung mga colonizers ito noon, they have not atoned for their sins against the countries that they invaded, including the Philippines. Tapos ito ngayon sila, they're trying to set up a court outside our country and making us liable to face them.

"Our laws are different. Our criminal procedures are very different. How are you supposed to get justice there?"

Saad pa ni P-Duterte, “‘Di ba sinabi ko sa inyo, do not destroy my country because I will really kill you.

“Do not destroy the youth of our land because I will kill you, period.”

Aniya, matagal nang nakikipaglaban ang bansa sa droga at patuloy pa rin ang mga transaksiyon kahit nakakakumpiska pa ang pamahalaan ng bilyong halaga nito.

Saad pa ng pangulo, "Itong droga, matagal na ito. Maraming mayor ang namamatay na and yet it goes on and on everyday, transactions there, transactions there and we are able to seize in bulk. Minsan umaabot nang bilyon. Kaya gusto ko minsan sampalin ang mga judges na ‘yan. Loko-loko pala kayo. You want my country to go down the drain.”