Ibinulgar, anak-mayaman daw… May presidential candidate na nagko-cocaine — Duterte

ni Jasmin Joy Evangelista | November 19, 2021

Ibinunyag ni Pangulong Rodrigo Duterte na mayroong isang kandidato sa pagkapangulo para sa 2022 elections ang gumagamit ng iligal na droga partikular na ang cocaine.

Sa kanyang talumpati sa Calapan City, Mindoro, sinabi ni Pres. Duterte na may isang presidential candidate na gumagamit umano ng cocaine.

"There's even a presidential candidate na nag-cocaine... May kandidato tayo na nagko-cocaine 'yan, 'yang mga anak ng mayaman," ayon sa Pangulo.

"Bahala kayo kung ano'ng gusto ninyo na tao. Inyo 'yan. Ang akin lang, pagdating ng panahon, basta sinabi ko sa inyo, and he is a very weak leader, ang character niyan, except for the name, pero ang tatay. Pero siya, ano'ng ginawa niya? He might win hands down, okay. If that is what the Philippines wants, go ahead, basta alam ninyo,” dagdag niya.

Hindi pinangalanan ng pangulo ang kanyang tinutukoy.

Utos sa NCR mayors... ‘Di pa bakunadong bata, ‘wag payagan sa malls – P-Du30

ni Lolet Abania | November 16, 2021

Nakatakdang magpulong ang isang technical working group (TWG) na binubuo ng mga health officials sa Metro Manila ngayong Martes ng hapon upang talakayin ang age restrictions para sa mga menor-de-edad na papasok sa mga malls, ayon sa Metropolitan Manila Development Authority (MMDA).

Sa isang interview kay MMDA chairman Benhur Abalos ngayong Martes, sinabi nitong posibleng sa Miyerkules ay ipiprisinta ng TWG ang kanilang rekomendasyon sa mga mayors para sa kanilang pag-apruba hinggil dito.

“Kung matapos kami mamaya, baka bukas magpulong na ang mga mayor,” sabi ni Abalos.

“The earlier, the better for everyone,” dagdag pa niya.

Ayon kay Abalos, ginawa ang pulong matapos mai-report na isang 2-taong-gulang na batang lalaki ang nagpositibo sa test sa COVID-19 tatlong araw matapos na dalhin siya ng mga magulang sa mall.

Nauna nang nagbigay ng direktiba si Pangulong Rodrigo Duterte, sa kanyang Talk to the People nitong Lunes ng gabi, sa mga local government units (LGU) na gumawa ng isang ordinansa hinggil sa pagre-restrict sa mga kabataan na nasa edad 11 at pababa na pumunta sa mga malls.

Gayundin, sinabi ng Pangulo na agad na aksiyunan ng mga LGUs ang pagpapatupad ng travel restrictions sa mga bata na hindi pa bakunado.

“On this note, I am calling all LGUs to consider passing ordinances for age restriction against minors who can be allowed in going to mall. We cannot allow those below 12 years old or those unvaccinated to be exposed to the risk of COVID-19 in public places,” sabi ni P-Duterte.

Umapela rin ang Punong Ehekutibo sa mga magulang na higpitan ang kanilang mga anak sa paglabas ng bahay dahil ang mga unvaccinated na mga bata ayon sa Pangulo, “no defense mechanism against the virus.”

“Alam ko kayong mga magulang, gustung-gusto ninyo ipasyal ang anak ninyo after staying at home due to lockdown pero kung isipin ninyo, kung maliliit pa ang anak ninyo at ‘di pa bakunado, do not expose them to the virus,” sabi pa ng Pangulo.

Ayon naman kay Abalos, susubukan ng mga Metro Manila mayors na makabuo ng isang uniform ordinance na lamang.

“’Yun ang usapan naming mga mayor dahil very porous ang mga border namin,” saad ni Abalos.

“’Yung magulang, ‘yung parental responsibility niya ipasok niya. Bilang mga magulang dapat manggaling na rin sa atin ,” apela pa ni Abalos.

Karlo Nograles, itinalaga ni P-Duterte bilang Acting Presidential Spokesperson

ni Jasmin Joy Evangelista | November 16, 2021

Inatasan ni Pangulong Rodrigo Duterte si Cabinet Secretary Karlo Nograles bilang Acting Presidential Spokesperson.

Ito ay matapos mag-file ni Harry Roque sa pagka-senador.

Sa kanyang pre-recorded Talk to the People, tinalakay ni Pangulong Duterte kay Nograles ang tungkol sa kandidatura ni Roque.

"Alam mo once you file your certificate of candidacy, automatic 'yan out ka na sa gobyerno. No other formal ritual is needed," ani Duterte.

"So kung maari, ikaw (Nograles) na lang sana ang acting na muna until we find a replacement. I don't want to burden you with so much. Alam ko ang paper work dadaan sayo," sabi ni Duterte kay Nograles.

Kahapon ay nag-file si Roque ng COC sa pagka-senador sa ilalim ng partidong Peoples' Reform Party (PRP). Pinalitan niya si Paolo Martelino.