P-Duterte sa Omicron variant: “Gusto kong patayin ‘yan!”

ni Jasmin Joy Evangelista | November 30, 2021

Ipinahayag ni Pangulong Rodrigo Duterte na nais niyang patayin ang Omicron variant upang tuluyan na itong mawala.

"Gusto kong patayin ‘yan kaya lang hindi ko malaman kung saan ko—gusto kong barilin ‘yan buang na ‘yan," ani Duterte sa kanyang meeting kasama ang National Task Force Against COVID-19.

Hindi rin aniya magdadadalawang-isip ang pangulo na magpatupad ng paghihigpit sa bansa sakaling makapasok sa bansa ang Omicron variant.

Matatandaang maraming mga bansa na kabilang ang Pilipinas ang naghigpit sa flights lalo na sa mga biyahero na galing sa South Africa kung saan unang nadiskubre ang Omicron.

Imbestigasyon sa pres’l bet na nagko-cocaine, gumugulong na — PNP

ni Lolet Abania | November 22, 2021

Sinimulan na ng Philippine National Police (PNP) ang imbestigasyon hingggil sa pahayag ni Pangulong Rodrigo Duterte na isang kandidato na tatakbo sa pagka-pangulo sa 2022 elections ay gumagamit aniya ng cocaine.

Inatasan ng PNP ang kanilang anti-narcotics units na umpisahan ang pag-iimbestiga sa naturang usapin, kung saan naging signal ang komento ng Pangulo upang maisagawa nila ang malalimang pagsisiyasat.

“At the end of the day, may privilege, presidential information ‘yan. Ang effort namin is to be able to validate. After validation makita natin kung this can be a subject of an operation and then kung validated ‘yan tinitingnan natin,” ani PNP chief Dionardo Carlos sa isang interview.

Ayon kay Carlos, nakikipag-ugnayan na sila sa Philippine Drug Enforcement Agency (PDEA) para imbestigahan ang pahayag ng Pangulo.

Matatandaan na nitong Huwebes, kinuwestiyon ni Pangulong Duterte ang kuwalipikasyon ng isang presidential aspirant, kung saan sinabi niyang isang illegal drug user.

“There’s even a presidential candidate na nag-cocaine... May kandidato tayo na nagko-cocaine ‘yan, mga anak ng mayaman,” sabi ni P-Duterte sa isang speech sa harap ng anti-insurgency task force.

Sinabi pa ng Pangulo patungkol sa naturang presidential aspirant, “Kaya nga nagtaka ako, anong nagawa, anong nagawa ‘yung taong ‘yan? I’m just asking. What contribution has he made para sa Pilipinas?”

Sa interview kay Carlos, hinimok nito ang mga kandidato para sa 2022 national at local elections na sumailalim sa drug testing.

Gayunman, ayon sa PNP chief, hindi nila maaaring pilitin ang mga kandidato na magpa-drug test dahil hindi ito isinasaad sa batas. Subalit, hinikayat pa rin niya ang mga ito para sa tinatawag na interest of transparency.

“At the end of the day it would show ‘yung these candidates are free from drugs. Again iba ho ‘yung encourage sa the PNP dares. We did not dare them. Iba ‘yung dating nu’n eh. How do you translate that to Tagalog? Hinihikayat. It’s their free will,” sabi ni Carlos.

Samantala, sina presidential aspirant Senador Panfilo Lacson at kanyang running mate Senate President Vicente Sotto III ay boluntaryong sumailalim sa drug testing ngayong Lunes.

Ayon kay Sotto, silang dalawa ay nagpa-test sa opisina ng Philippine Drug Enforcement Agency.

“What we underwent was not the ordinary testing. PDEA uses a multidrug testing kit. It can check all types of illegal drugs encompassing holistic drug test,” ani Sotto sa mga reporters.

“Ordinary testing only checks marijuana and shabu,” sabi pa ni Sotto.

Ilang araw matapos ang insidente sa Ayungin Shoal… P-Duterte dadalo sa ASEAN-China Special Summit

ni Jasmin Joy Evangelista | November 21, 2021

Nakatakdang dumalo si Pang. Rodrigo Duterte sa ASEAN-China Special Summit bukas, November 22, sa pamamagitan ng video conference bilang paggunita sa ika-30th anibersaryo ng dialogue relations.

Sa payahag ng Department of Foreign Affairs (DFA), dadalo ang Pangulo sa nasabing event kung saan tatalakayin ang mga naging achievements ng ASEAN-China Dialogue Relations.

“Upon the invitation of President Xi Jinping of the People’s Republic of China, the President will join his ASEAN counterparts to take stock of the achievements of ASEAN-China Dialogue Relations over the past three decades and chart the future of the partnership for the next 30 years,” pahayag ng Department of Foreign Affairs (DFA).

Kabilang sa mga tatalakayin sa summit ay ang Philippines’ position on key areas of cooperation and regional issues.

Si President Xi ng China ang co-chairman ng summit kasama si His Majesty Sultan Haji Hassanal Bolkiah ng Brunei Darussalam, ang ASEAN Chairman for 2021.

Gaganapin ang summit ilang araw matapos paulanan ng water canon ng Chinese Coast Guard ang dalawang barko ng Pilipinas na nagdadala ng supplies para sa mga sundalong naka-deploy sa Ayungin Shoal.