Kahulugan ng snow storm

ni Maestra Estrellia de Luna @Panaginip Gabay ng Buhay | September 1, 2024

Analisahin natin ang panaginip na ipinadala ni Jennifer ng Candaba, Pampanga.

Dear Maestra,

Madalas kong mapanaginipan ang barko. Ano ang ibig sabihin nito?

Naghihintay,

Jennifer

---

Sa iyo, Romy, 

Ang ibig sabihin ng panaginip mo na umulan ng snow d’yan sa inyo ay kasaganahan at kaligayahan. Pero ang sabi mo ay naging snow storm, ito ay babala na may kakaharapin kang mabigat na problema, subalit ‘wag kang mag-alala dahil malalampasan mo rin ito.

Samantala, ang naligo ka agad pag-uwi mo ay nangangahulugan na labis kang mag-aalala sa bagay na hindi pa naman nagaganap, pero iniisip mo na agad ang kalalabasan. 

Matapat na sumasaiyo,

Maestra Estrellia de Luna

Kahulugan ng barko

ni Maestra Estrellia de Luna @Panaginip Gabay ng Buhay | August 31, 2024

Analisahin natin ang panaginip na ipinadala ni Jennifer ng Candaba, Pampanga.

Dear Maestra,

Madalas kong mapanaginipan ang barko. Ano ang ibig sabihin nito?

Naghihintay,

Jennifer

---

Sa iyo, Jennifer,

Kung sa panaginip mo ay may nakita kang barko ito ay nangangahulugan ng paglalakbay. May posibilidad na makapangibang-bansa ka. 

Kung ang barko ay luma at hindi na magandang tingnan,  ito ay nagpapahiwatig na hindi magiging maganda ang paglalakbay mo. Maraming nakakainis na bagay ang mararanasan mo. Kung may asawa ka na, ito ay senyales na madaragdagan pa ang iyong anak, at muli kang magkakaanak ng lalaki.

Samantala, kung malinaw ang tubig habang sakay ka ng barko, ito ay simbolo ng kasaganahan at magandang pamumuhay. Kung malabo naman ang tubig, ito ay nagbabadya ng masamang kapalaran.

Matapat na sumasaiyo,

Maestra Estrellia de Luna

Kahulugan ng anino at satanas

ni Maestra Estrellia de Luna @Panaginip Gabay ng Buhay | August 29, 2024

Analisahin natin ang panaginip na ipinadala ni Roberto ng Masbate.

Dear Maestra,

Napanaginipan ko na may anino akong nakita sa loob ng kuwarto ko. Natakot ako dahil kamukha iyon ni Satanas. 

Muntik na akong bangungutin, mabuti na lang ay nagising ako. 

Ano ang ibig sabihin ng panaginip ko?

Naghihintay,

Roberto

---

Sa iyo, Roberto,

Ang ibig sabihin ng panaginip mo na may nakita kang anino sa loob ng kuwarto mo ay magkakaroon kayo ng ‘di pagkakaunawaan ng bestfriend mo, hanggang sa mauwi ito sa away. Ito rin ay nangangahulugan na mapipilitan kang  mangutang ka sa lending app dahil sa kagipitan mo sa pera.

Samantala, ang natakot ka dahil kamukha iyon ni Satanas ay babala na masasangkot ka sa kaguluhan, dahil sa iyong bisyo at hindi magandang pag-uugali. Matuto kang magtimpi at ilagay sa tama ang iyong mga kilos upang ‘di ka mapahamak.

Matapat na sumasaiyo,

Maestra Estrellia de Luna