LPA, namataan sa Surigao del Norte — PAGASA

ni Lolet Abania | October 21, 2021

Namataan ang isang low pressure area (LPA) sa bahagi ng Surigao del Norte kasabay ng nararanasang intertropical convergence zone (ITCZ) na nakakaapekto naman sa Palawan, Visayas, at Mindanao, ayon sa PAGASA ngayong Huwebes.

Sa daily weather bulletin ng PAGASA, bandang alas-3:00 ng hapon ngayong Huwebes namataan ang LPA na nasa layong 825 kilometro silangan ng Surigao City, Surigao del Norte. “It is embedded along ITCZ affecting Palawan, Visayas and Mindanao,” pahayag pa ng weather bureau.

Ayon sa PAGASA, makararanas ng maulap na papawirin na may kalat-kalat na mga pag-ulan at thunderstorms sa buong Caraga dahil ito sa ITCZ at LPA.

Pinapayuhan ng PAGASA ang mga residente sa naturang lugar na maghanda sa posibleng flash floods o landslides dahil sa severe thunderstorms.

Ang Metro Manila at ang natitirang bahagi ng bansa ay makararanas naman ng bahagyang maulap hanggang sa maulap na papawirin na may pulo-pulong pagbuhos ng ulan o thunderstorms dahil sa ITCZ at localized thunderstorms.

Ayon pa sa PAGASA, posibleng magdulot ito ng mga pagbaha o landslides dahil na rin sa severe thunderstorms.

Samantala, ang Batanes at ang Babuyan Islands ay makararanas ng bahagyang maulap hanggang sa maulap na papawirin na may kasamang pulo-pulo at mahinang pagbuhos ng ulan dahil sa tinatawag na northeasterly surface windflow.

Gayundin, katamtaman hanggang sa malakas na bugso ng hangin at katamtaman hanggang sa matinding coastal water conditions ang mararanasan sa buong Northern Luzon, habang mahina hanggang sa katamtamang bugso ng hangin at mahina hanggang sa moderate waters ang mararanasan naman sa natitirang bahagi ng bansa.

Signal No. 1 itinaas sa 23 lugar bunsod ng Bagyong Lanie

ni Jasmin Joy Evangelista | October 4, 2021

Isa nang ganap na bagyo ang low pressure area sa silangan ng Surigao City. Tatawagin itong Bagyong Lanie, ayon sa PAGASA.

Itinaas ang Tropical Cyclone Wind Signal (TCWS) No. 1 sa 23 lugar sa bansa ngayong Lunes:

1. the southern portion of Masbate (Pio V. Corpuz, Cataingan, Palanas, Dimasalang, Uson, Mobo, Milagros, Mandaon, Esperanza, Placer, Cawayan, Balud)

2. the southern portion of Romblon (Cajidiocan, San Fernando, Magdiwang, Santa Maria, Odiongan, Alcantara, Ferrol, Looc, Santa Fe, San Jose)

3. the southern portion of Oriental Mindoro (Roxas, Mansalay, Bulalacao, Bongabong)

4. the southern portion of Occidental Mindoro (Sablayan, Calintaan, Rizal, San Jose, Magsaysay)

5. the northern portion of Palawan (El Nido, Taytay, Dumaran, Araceli) including Calamian and Cuyo Islands

6. Eastern Samar

7. Samar

8. Biliran

9. Leyte

10. Southern Leyte

11. Capiz

12. Aklan

13. Antique

14. Iloilo

15. Guimaras

16. Negros Occidental

17. the northern and central portions of Negros Oriental (Bais City, Mabinay, City of Bayawan, Basay, City of Tanjay, Manjuyod, Bindoy, Ayungon, Tayasan, Jimalalud, La Libertad, City of Guihulngan, Vallehermoso, Canlaon City)

18. Cebu

19. Bohol

20. Surigao del Norte

21. Dinagat Islands

22. the northern portion of Agusan del Norte (Magallanes, Remedios T. Romualdez, City of Cabadbaran, Tubay, Santiago, Jabonga, Kitcharao, Butuan City)

23. the northern portion of Agusan del Sur (Sibagat, City of Bayugan, Prosperidad); and the northern portion of Surigao del Sur (San Miguel, Marihatag, San Agustin, Cagwait, Bayabas, Tago, City of Tandag, Cortes, Lanuza, Carmen, Madrid, Cantilan, Carrascal, Lianga)

Bagyong Lannie, papasok sa ‘Pinas

ni Lolet Abania | September 24, 2021

Mainit na hangin mula sa Pacific Ocean na tinatawag na easterlies ang nakakaapekto ngayon sa Luzon, batay sa anunsiyo ng PAGASA ngayong Biyernes nang hapon.

Sa 24-hour forecast ng weather agency, bahagyang maulap hanggang sa maulap na papawirin na may kasamang kalat-kalat na pag-ulan ang inaasahang mararanasan sa buong Metro Manila at natitirang bahagi ng bansa dahil sa easterlies at localized thunderstorms.

Babala ng PAGASA, posibleng magdulot ito ng mga pagbaha o landslides habang nararanasan ang severe thunderstorms. Base sa 11:00AM tropical cyclone advisory ng weather bureau, isang severe tropical storm na tinawag na Mindulle na tinatayang nasa labas pa ng Philippine Area of Responsibility (PAR) ay namataan sa layong 1,905 kilometro silangan ng Southern Luzon.

Kumikilos ito patungong west-northwestward sa bilis na 20 kph na may kasamang maximum sustained winds na 95 kph malapit sa sentro at may pabugsong aabot sa 115 kph.

Inaasahang papasok sa PAR ang Mindulle sa Linggo o Lunes, habang tatawagin naman itong Bagyong Lannie.