ICI, gusto pang kalampagin ng mga Pinoy bago ibukas ang imbestigasyon ng flood control projects scam

ni Pablo Hernandez @Prangkahan | October 10, 2025

PARANG GUSTONG MANGYARI NI SEN. CAYETANO FLOOD CONTROL PROJECTS LANG MULA YEAR 2024-2025 ANG IMBESTIGAHAN AT HUWAG NA ANG YEAR 2019-2020 SA PANAHONG SIYA ANG SPEAKER OF THE HOUSE -- Pinutakti na naman ng pamba-bash sa social media si Sen. Alan Cayetano sa statement niya na dapat daw tumbukin na agad sa imbestigasyon ang mastermind sa flood control projects scam na naganap sa year 2024 hanggang 2025.

Maba-bash talaga siya dahil mismong si Sarah Discaya na ang nagsabi sa Senate Blue Ribbon Committee na year 2016 onwards daw sila nag-umpisang makakuha ng bilyun-bilyong pisong flood control projects sa Dept. of Public Works and Highways (DPWH), tapos ang gusto lang ni Sen. Cayetano ay year 2024 hanggang year 2025 ang imbestigahan.

Masyado siyang halatain na iniiwas niya sa isyu ng flood control projects scam ang mula year 2016 hanggang year 2022, kung saan sa panahon ng Duterte administration ay naging Speaker of the House din siya mula July 22, 2019 hanggang October 12, 2020 na namuno sa pagbalangkas sa year 2020 na P4.1 trillion national budget na ang P580.886 billion dito napunta sa DPWH at pagbalangkas sa year 2021 na P4.5T national budget, na ang P694.8B dito ay napunta sa DPWH.

Kumbaga, parang gusto niyang mangyari ay huwag nang isama sa imbestigasyon ang mga flood control project ng DPWH sa panahon ng Duterte admin, kung saan minsan siyang naging Speaker of the House, boom!

XXX

GUSTO YATA NG ICI KALAMPAGIN SILA NG MILYUN-MILYONG PINOY BAGO MAGDESISYONG I-OPEN SA PUBLIC ANG IMBESTIGASYON SA FLOOD CONTROL PROJECTS SCAM -- Magkakasunod na nanawagan ang Catholic Bishops Conference of the Philippines (CBCP), Iglesia ni Cristo (INC) at mga civil society groups sa Independent Commission for Infrastructure (ICI) na isapubliko ang isinagawa nilang imbestigasyon sa mga sangkot sa flood control projects scam dahil nga kaduda-duda ang ginagawa nilang secret o closed-door investigation sa mga nasasangkot na mga politician, DPWH officials at mga kontraktor sa anomalya.

Huwag nang hintayin ng ICI na mag-rally sa kanilang tanggapan ang milyun-milyong Katoliko, kapatiran ng INC at iba’t ibang sektor para sila ay kalampagin na isapubliko ang imbestigasyon nila sa mga sangkot sa flood control projects scam, period!

XXX

ANG GULO NG STATEMENT NI USEC. CASTRO, SUPORTADO RAW NG MALACAÑANG I-OPEN SA PUBLIKO ANG IMBESTIGASYON NG ICI, PERO AYAW DAW NG PRESIDENTE MAKIALAM SA DESISYON NG ICI NA CLOSED-DOOR HEARING -- Sabi ni Presidential Communications Office (PCO) spokesperson, Usec. Claire Castro ay suportado raw ng Malacañang ang panawagan ng CBCP, INC at civil society groups na isapubliko ng ICI ang imbestigasyon sa flood control projects scam, kaya lang daw ay ayaw pakialaman ni Pres. Bongbong Marcos (PBBM) ang naging desisyon ng ICI na gawing closed-door ang imbestigasyon nito sa anomalya.

Ang gulo ng statement ni Usec. Castro, suportado raw ng Malacañang na i-open sa public ang imbestigasyon, pero ayaw daw ni PBBM na makialam, aba’y lintik, eh sino ba ang nasa Palasyo, ‘di ba ang Presidente? Buset!

XXX

MAG-ASAWANG DISCAYA, FEELING MAKAPANGYARIHANG TAO SA MUNDO, MGA PRESIDENTE NG MGA BANSA NAGBABAYAD NG TAX, SILA AYAW MAGBAYAD - -Sinampahan ng Bureau of Internal Revenue (BIR) ng P7.1B tax evasion case ang mag-asawang Curlee at Sarah Discaya dahil sa hindi pagbabayad ng buwis galing sa mga "kinita" ng kanilang mga construction firms mula year 2018 hanggang 2021.

Aba’y sa panahon pala na iyan (year 2018-2021) ay nag-feeling makapangyarihang tao sa buong mundo itong mag-asawang Discaya, dahil ang mga presidente sa mga bansa sa mundo ay nagkukusang magbayad ng tax, tapos sila (mag-asawang Discaya) ayaw magbayad ng tax, mga pwe!

Mayor Magalong, ipa-raid na ang mini-Casino, Color games, drop balls sa Baguio para di masabihang ‘nganga’ lang

ni Pablo Hernandez @Prangkahan | October 9, 2025

KUNG ANG MGA TIWALI TINAMAAN SA KOMITE NI SEN. LACSON, SIGURADO KAPAG SI SEN. ERWIN TULFO ANG CHAIRMAN NG SENATE BLUE RIBBON COMMITTEE, LAGOT DIN ANG MGA ‘BUWAYA’ -- Sabi ni Senate President Tito Sotto kung sakaling walang magkainteres na senador na maging chairman ng Senate Blue Ribbon Committee ay awtomatiko na si Sen. Erwin Tulfo, vice chairman ng komiteng ito ang siyang mamumuno sa komite na binakante ni Sen. Ping Lacson, at ayon sa Senate president, puwedeng-puwede niya (Sen. Tulfo) itong pamunuan dahil bukod sa pagiging investigative journalist, matapang din. Na sa ngayon ay tinanggap na rin ni Sen. Tulfo ang posisyon bilang acting chairman nito.    

May punto si Tito Sen na bagay kay Sen. Tulfo ang maging chairman ng Senate Blue Ribbon Committee dahil wala naman talagang sinasanto ang baguhang senador sa paglaban sa corruption, bukod pa sa wala ring bahid ng katiwalian at katunayan kahit noong kongresista siya ng ACT-CIS Partylist ay wala siyang isyu ng insertion sa national budget.

‘Ika nga, iyong mga tiwali kung sila man ay tinamaan kay Sen. Lacson, lagot din ang mga ‘buwaya’, tiyak sapul din sila kay Sen. Tulfo, period!

XXX

GUSTO NG MAMAMAYAN IKULONG LAHAT NG MGA SANGKOT SA FLOOD CONTROL PROJECTS SCAM, AT HINDI ANG SNAP ELECTION -- Kumbaga sa pelikula, semplang sa takilya ang panawagan ni Sen. Alan Cayetano na para raw manumbalik ang tiwala ng publiko sa gobyerno ay dapat daw mag-resign ang lahat ng government elected officials ng Pilipinas, mula presidente, bise presidente, mga senador at kongresista at saka magdaos ng snap election.

Kaya semplang, dahil walang pumatol sa kanyang panawagan.

May punto naman talaga na huwag patulan ang mungkahi ni Sen. Cayetano dahil ang nais ng mamamayan ay makulong ang lahat ng sangkot sa flood control projects scam

at hindi ang snap election, period!

XXX

KUNG SA PANAHON NG NOO’Y OMBUDSMAN MARTIRES TAGO ANG SALN NG MGA POLITICIAN AT GOV'T. OFFICIALS, SA PANAHON NI NEWLY APPOINTED OMBUDSMAN REMULLA ILALANTAD NA -- Sinabi ni newly appointed Ombudsman Boying Remulla na ang una raw niyang gagawin ay ilantad sa publiko ang lahat ng Statement of Assets and Liabilities and Net Worth (SALN) ng mga politcian at gov't. officials na noong panahon ni dating Ombudsman Samuel Martires ay pinakatago-tago.

Dahil sa sinabing iyan ni Ombudsman Remulla, lagot na ngayon ang mga politician at gov't. officials na may mga tagong yaman o hidden wealth na hindi nakadeklara sa kanilang mga SALN, na ‘ika nga kung noong si Martires pa ang Ombudsman tago sa publiko ang mga SALN, ngayon si Remulla na ang Ombudsman, ilalantad na, boom!

XXX

DAPAT IPA-RAID NA NI MAYOR MAGALONG ANG MINI-CASINO, COLOR GAMES AT DROP BALLS, BAKA PASARINGAN ULI NI USEC. CASTRO NA ‘NGANGA’ LANG SIYA SA MGA NANGRARAKET SA BAGUIO CITY -- Ayon kay Baguio City Mayor Benjamin Magalong na si Presidential Communications Office (PCO) spokesperson, Usec. Claire Castro raw ang dahilan kaya siya nag-resign bilang special adviser ng Independent Commission for Infrastructure (ICI) matapos siyang pasaringan na kesyo wala raw siyang karapatang mag-imbestiga sa mga flood control project scam.

Kung ganu’n, aba’y dapat agad-agad atasan ni Mayor Magalong ang kanyang city chief of police na si Col. Ruel Tagel na i-raid at arestuhin sina alyas "Patrick" na may raket na mini-casino sa Legarda Bokawlan Streets at raket na color games at drop balls ni alyas "Nestor" sa Kayang Street, Baguio City dahil baka pasaringan siya uli ni Usec. Castro na "nganga" lang siya sa mga mangraraket sa kanyang nasasakupan, period!

Bangayan nina taklesang Usec. Castro at palabang Manong Chavit, abangan kung sino ang susurender

ni Pablo Hernandez @Prangkahan | October 8, 2025

KAPAG DINIKTAHAN NG TATE ANG WORLD BANK NA HUWAG PAUTANGIN ANG MARCOS ADMIN DAHIL SA LAGANAP NA CORRUPTION, MALAMANG BANGKAROTE ABUTIN NG PHILIPPINE GOV'T. -- Sa 2025 Climate Investment Statement ng United States (US)-State Department ay inilarawan nito ang laganap na corruption sa Pilipinas.

Dapat bilis-bilisan ng Independent Commission for Infrastructure (ICI) ang imbestigasyon sa flood control projects scam para makasuhan, maipakulong ang lahat ng sangkot sa katiwalian dahil kung babagal-bagal ay baka mabuwisit ang Amerika at diktahan ang World Bank (WB) na huwag pautangin ang Pilipinas sa pangambang makurakot lang ang ipauutang.

Ang Amerika ang pinakamalaking shareholder sa World Bank kaya may impluwensya ito sa WB kaya kapag nagdikta ang Tate na huwag pautangin ang Marcos admin, nakupo, malamang bangkarote abutin ng Philippine government, boom!

XXX

SANA HUWAG TITIGIL ANG AMLC SA PAGBAWI SA KABAN NG BAYAN NA IN-SCAM NG MGA SANGKOT SA FLOOD CONTROL PROJECTS, NA KAHIT SINGKO WALANG DAPAT ITIRA SA MGA NINAKAW SA PERA NG BAYAN -- Sinabi ni Anti-Money Laundering Council (AMLC) Executive Director Matthew David na sa kasalukuyan ay nakikipag-coordinate na raw sila sa kanilang mga foreign counterpart para mabawi sa mga politician, kontraktor at Dept. of Public Works and Highways (DPWH) na sangkot sa flood control projects scam, ang pera ng bayan na idineposito nila sa mga foreign bank, gayundin ang kanilang mga ari-arian tulad ng mga bahay, sasakyan at iba pang kayamanan na nasa ibang bansa.

Ayos ‘yan, at sana huwag titigil ang AMLC sa pagbawi sa lahat ng mga in-scam sa kaban ng bayan ng mga ‘buwayang’ politicians, kontraktor at DPWH officials, na ‘ika nga, kahit singko walang dapat itira sa mga ninakaw nila sa perang bayan, period!

XXX

NANG ALISAN NG DUTERTE ADMIN NG PAPEL ANG MGA LGU SA MGA PROYEKTONG PANG-NATIONAL, DIYAN NA NAGPIYESTA SA FLOOD CONTROL PROJECTS ANG MGA KONTRAKTOR, DPWH OFFICIALS, AT TIWALING SENADOR AT KONGRESISTA -- Sa panahon ng noo’y Pres. Noynoy Aquino ay may papel ang mga local government units (LGUs) sa mga proyektong pang-national na inia-award ng DPWH sa mga construction firms, na ibig sabihin ay kailangang mag-report ang DPWH officials at kontraktor sa gobernador at mayor kung tapos na ang proyekto sa kanilang nasasakupan, at ang gagawin naman ng LGUs ay bubusisiin kung tapos na, at kapag perpekto ay saka pipirmahan ang acceptance, at kapag hindi maayos ang proyekto ay hindi pipirmahan kaya hindi makakasingil ng bayad ang kontratista sa DPWH.

Ganyan kahigpit noong panahon ng Aquino administration, pero pagsapit ng Duterte administration, inalisan na ng papel ang mga LGUs, tanging kontraktor at DPWH officials na lang ang may pakialam sa mga proyektong pang-national, at dahil diyan kung kaya’t nagpiyesta ang mga kontraktor, DPWH officials at mga kasabwat nilang mga tiwaling senador at kongresista sa raket nilang flood control projects scam, tsk!

XXX

SA BANGAYAN NG TAKLESANG USEC. CLAIRE CASTRO AT PALABANG MANONG CHAVIT, SINO SA KANILA ANG SUSURENDER? -- Patuloy ang bangayan sa social media nina Presidential Communications Office (PCO) spokesperson, Usec. Claire Castro at business tycoon, former Ilocos Sur Gov. Chavit Singson.

Ang ugat ng kanilang bangayan ay tungkol sa sinabi ni Usec. Castro na kaya lang daw naghihimutok si Manong Chavit ay dahil hindi naibigay sa kanya ang hinihinging posisyon sa Philippine Charity Sweepstakes Office (PCSO) na itinanggi naman ng dating gobernador, at pagkaraan ay nagpalabas ng statement ang Malacanang spokesperson na paiimbestigahan nila sa Dept. of Justice (DOJ) kung may pananagutan ito (Manong Chavit) sa panawagang mag-resign si Pres. Bongbong Marcos (PBBM), at ang resbak ng former governor ay ang amo raw nito (Usec. Castro) na si PBBM ay talaga naman daw  corrupt, dahil noon raw na senador pa si PBBM nasangkot na ito sa pork barrel scam ni Janet Napoles.

Si Usec. Castro ay kilalang taklesa at si Manong Chavit ay kilalang palaban, kaya’t sino kaya sa kanila ang susurender sa kanilang bangayan sa social media? Abangan!