P-Duterte at iba pang world leaders, nakiramay sa pagpanaw ni Prince Philip

ni Ronalyn Seminiano Reonico | April 10, 2021

Nagpahayag ng pakikiramay ang Malacañang sa pagpanaw ni Prince Philip ng Britanya na asawa ni Queen Elizabeth II noong Biyernes.

Pahayag ni Presidential Spokesperson Harry Roque, "On behalf of the Filipino people, President Rodrigo Roa Duterte extends his deep condolences to Her Majesty Queen Elizabeth II on the passing of her beloved husband, His Royal Highness Prince Philip, Duke of Edinburgh.

"The Philippines and the United Kingdom have strong bilateral ties and we share the grief of the British people in this period of bereavement.

"We pray for the eternal repose of his soul and for The Royal Family to find strength in this time of mourning.”

Maging ang iba pang world leaders ay nagpaabot din ng pakikiramay sa pagpanaw ng 99-anyos na si Prince Philip.

Pahayag ni British Prime Minister Boris Johnson, “We give thanks, as a nation and a kingdom, for the extraordinary life and work of Prince Philip, Duke of Edinburgh.”

Saad naman ni US President Joe Biden, “From his service during World War II, to his 73 years alongside the Queen, and his entire life in the public eye — Prince Philip gladly dedicated himself to the people of the UK, the Commonwealth, and to his family.”

Ikinalungkot din ni Irish Prime Minister Micheal Martin ang pagpanaw ni Prince Philip at aniya pa, “Our thoughts and prayers are with Queen Elizabeth and the people of the United Kingdom.”

Ipinag-utos naman ni Australia’s Prime Minister Scott Morrison na ilagay sa half-mast ang kanilang mga bandila bilang pakikidalamhati sa pagkawala ni Prince Philip.

Aniya pa, “The Commonwealth family joins together in sorrow and thanksgiving for the loss and life of Prince Philip.”

Pahayag naman nina King Philippe at Queen Mathilde ng Belgium, “We wish to express our sincere condolences to Her Majesty the Queen, the British Royal Family, as well as to the people of the United Kingdom.”

Ilan pa sa mga nagpaabot ng pakikiramay ay sina Canadian Prime Minister Justin Trudeau, French President Emmanuel Macron, German Chancellor Angela Merkel, Indian Prime Minister Narendra Modi, Israeli Prime Minister Benjamin Netanyahu, Pakistan Prime Minister Imran Khan, Italian President Sergio Mattarella, Russian President Vladimir Putin, Swedish King Carl XVI Gustaf, Dutch King Willem-Alexander, Queen Maxima at Princess Beatrix, atbp..

Pangulong Duterte, negative sa COVID

ni Mary Gutierrez Almirañez | April 8, 2021

Negatibo si Pangulong Rodrigo Duterte sa pinakahuling COVID-19 swab test na isinagawa sa kanya nitong Mahal na Araw, ayon sa kumpirmasyon ni Senator Bong Go.

Aniya, “Regular naman pong nagpapa-swab test si Pangulong Duterte at so far naman po, sa awa ng Diyos ay negatibo naman po kung pagbabasehan po ‘yung last niya pong swab test.”

Matatandaang 126 na miyembro ng Presidential Security Group ang nagpositibo sa virus kamakailan kaya kinailangang dumaan sa test ng Pangulo. Gayunman, iginiit ni Senator Go na asymptomatic at mild lamang ang nararamdaman ng mga ito.

Sabi pa niya, “Wala po kayong dapat ikabahala pero we cannot take chances.”

“The physical safety of the President remains our utmost concern,” ayon naman kay Presidential Spokesperson Harry Roque.

Quarantine classification para sa April 5-30, iaanunsiyo ni P-Du30

ni Ronalyn Seminiano Reonico | March 29, 2021

Nakatakdang ianunsiyo ni Pangulong Rodrigo Duterte mamayang gabi ang ipapatupad na quarantine classifications sa bansa simula sa April 5 hanggang 30, ayon sa Malacañang.

Ayon kay Presidential Spokesperson Harry Roque, dadalo muna si P-Duterte sa turnover ceremony para sa 1 milyon doses ng Sinovac COVID-19 vaccine mula sa China bago ang kanyang regular na “Talk to People” speech.

Inaasahan ding magiging bahagi ng pahayag ni P-Duterte ang tungkol sa ayuda o financial aid para sa mga naapektuhan ng implementasyon ng enhanced community quarantine (ECQ).

Pahayag ni Roque, “Inaasahan natin na sa ‘Talk to the People', maisasapinal na ‘yung quarantine classification simula April 5 hanggang katapusan sa Abril at saka ‘yung issue ng assistance sa gobyerno [dahil sa ECQ].”

Ang mga lugar na isinailalim sa ECQ ay ang Metro Manila, Rizal, Laguna, Bulacan, at Cavite simula ngayong Lunes dahil sa patuloy na paglobo ng kaso ng COVID-19.