Nawawalang babae, nakitang patay sa loob ng isang python sa Indonesia

ni Angela Fernando @Overseas News | June 10, 2024

Natagpuang patay ang isang babae sa loob ng tiyan ng isang python matapos siyang nilamon nang buo sa Indonesia, ayon sa balita ng isang lokal na opisyal.

Ito ang ikalimang kaso ng tao na nilunok ng sawa sa bansa mula nu'ng 2017. Nakita ng asawa ng 45-anyos na pinangalanang si Farida at mga residente ng nayon ng Kalempang sa probinsya ng South Sulawesi ang biktima sa loob ng isang reticulated python na may sukat na limang metro.

Ayon kay Suardi Rosi, pinuno ng nasabing nayon, ang ina ng apat na si Farida ay nawala nu'ng Huwebes ng gabi at hindi nakauwi, kaya agaran silang nagsagawa ng paghahanap at natagpuan itong walang buhay sa loob ng tiyan ng python.

Australia, positibo sa H5N1 bird flu — WHO

ni Eli San Miguel @Overseas News | June 8, 2024

Nagpositibo ang isang 2-anyos na batang babae sa H5N1 bird flu at kailangang sumailalim sa pangmatagalang pangangalaga sa ospital sa Australia matapos bumisita sa India, ayon sa World Health Organization (WHO) noong Biyernes.

"This is the first confirmed human infection caused by avian influenza A(H5N1) virus detected and reported by Australia," pahayag ng WHO. "Although the source of exposure to the virus in this case is currently unknown, the exposure likely occurred in India where the girl had travelled, and where this group of viruses has been detected in birds in the past," dagdag pa ng ahensiya.

Naglakbay ang batang babae papuntang Kolkata sa India, mula Pebrero 12 hanggang 29. Noong Marso 1, bumalik siya sa Australia at dinala sa isang ospital sa timog-silangang estado ng Victoria kinabukasan.

Iniulat na nagpositibo ang bata sa influenza A habang nasa ospital, at ipinadala ang mga sample para sa mas malalim na pag-aaral noong Abril.

"Virus genetic sequence obtained from the samples confirmed the subtype A(H5N1)... which circulates in southeast Asia and has been detected in previous human infections and in poultry," anang WHO.

Iniulat na nasa mabuting kalagayan ang bata habang wala namang kamag-anak sa Australia o India ang nagpakita ng mga sintomas. Nag-abiso rin ang mga otoridad sa India at nagsimula sila ng isang epidemiological investigation.

Vietnam, nababahala sa presensya ng Chinese vessel

ni Eli San Miguel @Overseas News | June 7, 2024

Inihayag ng foreign ministry ng Vietnam noong Huwebes na lubos silang nababahala sa presensya ng isang Chinese survey vessel na Hai Yang 26 sa kanilang exclusive economic zone.

"Vietnam requests China to immediately cease its illegal survey activities in Vietnam's exclusive economic zone and continental shelf," anang foreign ministry spokesperson na si Pham Thu Hang.

Nasa Hainan sa China ang barkong Hai Yang 26 mula pa noong nakaraang buwan. Ito ang unang sasakyang eksklusibo ng China para sa geological surveys at reef research, na may 34 kataong tripulante at hanggang sa 3,500 nautical miles ang kayang lakbayin nito.