P0.30 bawas sa gasoline... P1.20 dagdag-presyo sa diesel, P0.50 kerosene

ni Mervin Reyes @News | October 27, 2026

Photo: File

Magpapatupad ng magkakaibang paggalaw sa presyo ng mga produktong petrolyo ang mga kumpanya ng langis simula ngayong araw, Oktubre 27, hanggang Nobyembre 2, ayon sa Department of Energy (DOE).

Batay sa anunsyo ni Energy Secretary Sharon Garin, P1.20 kada litro ang itataas sa presyo ng diesel, habang P0.50 kada litro naman ang itataas sa kerosene.

Samantala, P0.30 kada litro ang ibabawas sa presyo ng gasolina.

Noong nakaraang linggo, nagkaroon din ng magkakaibang galaw sa presyo ng petrolyo, kung saan bumaba ang presyo ng gasolina at kerosene habang tumaas naman ang diesel.

P2.50 dagdag-presyo sa diesel, P1.50 rollback sa gasoline

by Jeff Tumbado @News | October 24, 2026

Photo: File

Inaasahang magkakaroon ng magkakaibang paggalaw sa presyo ng mga produktong petrolyo sa susunod na linggo.

Ayon kay Jetti Petroleum President Leo Bellas sa isang advisory nitong Biyernes, posibleng tumaas ng P2 hanggang P2.50 kada litro ang presyo ng diesel sa susunod na linggo.

Samantala, inaasahang bababa naman ng P1 hanggang P1.50 kada litro ang presyo ng gasolina.

Patuloy umanong umaakyat ang presyo ng langis sa pandaigdigang merkado dahil sa tumitinding mga pag-atake ng Houthi sa mga imprastraktura ng Saudi Arabia at sa mga sasakyang pandagat sa Gulf, na nagdudulot ng pangamba sa posibleng pagkaantala ng suplay ng langis.

Gayunman, sinabi ni Bellas na hindi pa kabilang sa pagtataya ang lingguhang pagbabago sa singil sa kargamento o freight costs.

Ang naturang price forecast ay nakabatay sa unang apat na araw ng trading sa Mean of Platts Singapore (MOPS) at sa paggalaw ng palitan ng piso at dolyar.

P4.20 rollback sa gasoline, P0.40 taas diesel

by Jeff Tumbado @News | October 17, 2026

Posibleng bumaba ng P4 hanggang P4.20 kada litro ang presyo ng gasolina sa susunod na linggo, simula Oktubre 19, habang inaasahang tataas naman ng P0.20 hanggang P0.40 kada litro ang diesel.

Batay sa pagtataya ng oil industry, dulot ng pagbuti ng suplay ng gasolina sa Asya ang inaasahang rollback. Samantala, nananatiling mataas ang presyo ng diesel dahil sa limitadong pandaigdigang imbentaryo.

Maaari pang magbago ang mga pagtataya depende sa galaw ng pandaigdigang merkado ng langis.