Taas-toll fee ng NLEX, start sa May 18

ni Lolet Abania | May 16, 2021

Naglabas ng anunsiyo ang North Luzon Expressway (NLEX) sa lahat ng motorista para sa karagdagang toll fee na ipapatupad sa Mayo 18, kasabay ng pag-apruba ng Toll Regulatory Board (TRB).

Simula sa Martes, magtataas ang NLEX ng kanilang toll fees ng 2 hanggang 3 percent. Para sa mga motorista na bumibiyahe mula Mindanao Avenue o Balintawak at sa Bocaue ang exit, ang nakatakdang toll fee ay ayon sa mga sumusunod:

• Class I vehicles o ordinary cars ay magbabayad ng karagdagang P2.00;

• Class II vehicles o buses at maliliit na commercial trucks ay magbabayad ng karagdagang P3.00; at

• Class III vehicles ay magbabayad ng karagdagang P4.00.

Para naman sa end-to-end travels, ang Class 1 vehicles ay may dagdag na bayad na P6.00; Class 2 ay P14.00; at Class 3 ay P16.00.

“The regular adjustment is primarily intended to allow the investor to keep on operating the expressway to the standards that we require them,” ani TRB Spokesperson Julius Corpuz.

“It also allows the investor to continue doing the widening and expansion work for the facility to be more efficient,” dagdag nito.

Samantala, ang 105-kilometer NLEX ay nagko-connect sa Metro Manila patungong central at northern Luzon, kung saan ang nag-o-operate nito ay NLEX Corp. Gayundin, ang NLEX Corp. ang may hawak ng concession ng 8-kilometer NLEX Connector Road, isang all-elevated highway na naka-link naman sa NLEX at South Luzon Expressway.

Traffic sa NLEX, tumagal nang mahigit apat na oras

ni Mary Gutierrez Almirañez | February 24, 2021

Isinarado ang kinukumpuning bahagi ng southbound lane sa North Luzon Expressway (NLEX) na nagdulot nang mabigat na daloy ng trapiko kaninang madaling-araw, Pebrero 24.

Mula Tabang exit ay mayroong nakalagay na zipper lane kung saan umabot hanggang Sta. Rita Exit ang mahigit apat na oras na traffic.

Hindi tinukoy ng NLEX ang eksaktong kinukumpuni sa nasabing lugar.

Wala ring paunang abiso sa kanilang social media pages hinggil sa isinagawang maintenance.

Skyway Stage 3, bubuksan na sa Jan. 15

ni Lolet Abania | January 13, 2021

Ganap nang bubuksan para sa mga motorista ang lahat ng pitong lanes ng 18-kilometer Skyway Stage 3 Elevated Expressway na nagdurugtong sa South Luzon at North Luzon expressways sa Biyernes, January 15, 2021.

Sa isang statement na inilabas ng San Miguel Corp. (SMC), ang nasabing expressway ay isasara mula alas-10:00 ng gabi ng January 13 hanggang January 14 para sa kabuuang inspeksiyon, set-up at paghahanda sa pagbubukas nito.

Ang buong expressway ay magbubukas sa lahat ng motorista simula alas-5:00 ng umaga ng January 15.

"We ask for the kind understanding of motorists, as we prepare to officially open Skyway 3. Following the opening, motorists will be able to experience the benefits of all seven lanes and all the features of this game-changing expressway that will reduce travel time from SLEX to NLEX and vice-versa, to only 30 minutes. It will also help decongest traffic on EDSA and many parts of Metro Manila," ayon sa pamunuan ng Skyway.

"Skyway 3 will remain toll-free until January 29, and we look forward to welcoming our motorists, and letting them experience seamless travel," dagdag ng kumpanya.

Ang SMC ay kumpanya ng CITRA Central Expressway Corporation (CCEC) na nagsasagawa ng P44.86-billion Skyway Stage 3 project.

Ito ay konstruksiyon ng 18.83-km elevated expressway mula Buendia, Makati City hanggang NLEX sa Balintawak, Quezon City. Gayundin, ang nasabing proyekto ang magdurugtong sa SLEX at NLEX, kung saan mababawasan na ang travel time ng mga motorista na bumibiyahe ng Buendia patungong Balintawak ng 15 hanggang 20 minuto.