by Jeff Tumbado @News | September 7, 2026
Iinspeksyon nina DPWH Sec. Vince Dizon at NLEX Corporation President at General Manager Luis Reñon ang bagong gawang sheet piles at modular flood barriers sa bahagi ng NLEX Tulaoc section sa San Simon, Pampanga na ngayon ay wala nang baha at maluwag na nadadaanan ng mga sasakyan.
ni Jeff Tumbado @News | June 28, 2026
Photo: Circulated
Nagkaroon ng engkuwentro sa pagitan ng mga pulis at tatlong hinihinalang sangkot sa serye ng nakawan, sa kahabaan ng North Luzon Expressway (NLEX) nitong Biyernes, na nauwi sa pagkakaaresto sa mga suspek.
Ayon kay Police Regional Office 3 Regional Director Brig. Gen. Jess Mendez, tinutugis ng pulisya ang mga suspek kaugnay sa magkakahiwalay na insidente ng panghoholdap sa mga minimart na naganap noong Lunes at Miyerkules sa Magalang, Pampanga at Victoria, Tarlac.
Dito namataan umano ang mga suspek sa Rosales, Pangasinan bago nagtungo sa Tarlac at Bulacan.
Nagpakalat ang pulisya ng mga operatiba sa iba't ibang toll plaza at exit ng NLEX upang harangin ang kanilang sasakyan.
Sinabi ni Mendez, nang papalapit ang sasakyan ng mga suspek sa barrier ng Bocaue Toll Plaza, dito na pinaputukan ang mga nakapuwestong miyembro ng SWAT, dahilan upang gumanti ng putok ang mga pulis.
Sugatan ang mga suspek matapos ang ilang minutong engkuwentro kung saan agad silang nabigyan ng paunang lunas ng medical team ng NLEX.
Nilinaw din ng opisyal na wala pa silang natatanggap na ulat na may sibilyan o motorista na tinamaan ng ligaw na bala sa kasagsagan ng engkuwentro.
ni Mylene Alfonso @News | July 22, 2023
Nagkakaroon ng mahigpit na daloy ng trapiko matapos na magsagawa ng "caravan protest" ang grupo ng truckers sa Bonigavio Drive kahapon ng umaga sa Port Area, Maynila.
Nagsimula ang protesta, alas-7 ng umaga sa Anda Circle kung saan tinututulan ng mga truck company ang ipinatutupad na toll hike increase sa North Luzon Expressway.
Umabot sa 100 trak o dalawang kilometro ang haba ng isinagawang protesta malapit sa Manila North Harbour hanggang sa Anda Circle.
Balak din ng grupo na ibalagbag ang kanilang mga truck sa bukana ng NLEX upang ipakita ang kanilang pagtutol.
Nabatid sa Central Luzon Alliance of Concerned Truck Owners Organization (ACTOO) na naging epektibo ang toll hike noong Hunyo 15.
Umaabot umano sa P19 hanggang P100 ang ipinatutupad na taas- singil sa toll fee.
