Todo-deny pa, totoo pala! SHERYL, IBINUKING NG YAYA TUNGKOL KAY JERIC

ni Nitz Miralles - @Bida | June 01, 2021

Napa-react ng “Patay!” si Sheryl Cruz nang ibuking ng Yaya Laynie niya o sa salita ngayon “spill the tea” na nanliligaw nga kay Sheryl si Jeric Gonzales.

Ang yaya ni Sheryl ang guest niya sa vlog ng aktres at napag-usapan ang mga naging boyfriends at suitors ni Sheryl.

Sabi kasi ni Sheryl, kung gusto nating malaman kung sino ang mga naging boyfriends at nanligaw sa kanya, ang mga yaya niya ang tanungin.

Unang tanong ni Sheryl kay Yaya Laynie ay kung sino ang favorite nitong ex-boyfriend ng aktres?

Si Aga Muhlach ang isinagot ni Yaya Laynie at alam naman ito ng mga taga-showbiz. Tsika pa ng yaya, laging sinusundo ni Aga si Sheryl sa bahay nito na noon ay sa Valle Verde pa.

Sa tanong ni Sheryl kung sino ang nanligaw sa kanya na aprubado sa yaya niya, sina Anjo Yllana, Zoren Legaspi at Jeric ang isinagot ni Yaya Laynie.

Dito na napa-react si Sheryl ng “Patay!” dahil itinatanggi nila ni Jeric na may totohanang ligawang namamagitan sa kanila.

Siyempre, kinilig ang mga shippers nina Sheryl at Jeric sa ibinuking ni Yaya Laynie at hindi isyu sa kanila na 47 years old na si Sheryl at 28 years old lang si Jeric at 20 years ang age gap ng dalawa.

Sa mga taong nagmamahalan, hindi isyu ang agwat ng edad.

Sa drama series ng GMA-7 na Magkaagaw nagkakilala sina Sheryl at Jeric na may illicit relationship ang mga roles. Ang dami nilang kissing scenes, may bed scenes at bathtub scene pa at feeling ng fans, doon nagsimulang sila’y ma-develop sa isa't isa.

Kinumpirma ng madir… KC OUT, 3 ANAK LANG ANG MAGHAHATI-HATI SA MANSIYON NINA SHARON AT KIKO

ni Nitz Miralles - @Bida | May 31, 2021

Isang oras umabot ang IG Live ni Sharon Cuneta kung saan nakasama niya si Sen. Kiko Pangilinan kaya ang daming napag-usapan pati ang ipinapatayong mala-mansion na bahay sa Cavite na dahil sa laki ay tinawag na Mega House.

Sabi ni Sharon, puwedeng magsama-sama sa bahay ang mga anak nila ni Kiko na sina Frankie, Miel at Miguel kahit may mga asawa na dahil sa laki ng bahay. Hati-hatiin na lang daw ng tatlo, basta bahala na sila.

Hindi na isinama ni Sharon si KC Concepcion sa makikihati sa bahay dahil may sarili na ito.

“She has a lot of stuff, she has a lot of my mommy’s stuff,” sabi pa nito na ibig sabihin, kakailanganin ni KC ng sariling bahay.

Pero, siguro naman, may kuwarto pa rin si KC sa ipinapatayong Mega House nina Sharon at Kiko.

Nabanggit din ni Sharon na babalik na sa New York si Frankie sa August para ipagpatuloy ang pag-aaral at doon na sila magkikita ng anak.

Naawa si Sharon kay Frankie na gusto lang daw kumanta at happiness nito ang pagkanta pero bina-bash.

Walang kiyeme… SANYA, UMAMING TYPE JOWAIN SINA ALDEN, RAYVER AT GABBY

ni Nitz Miralles - @Bida | May 26, 2021

Masaya ang guesting ni Sanya Lopez sa Sarap, ‘Di Ba? Bahay Edition noong May 22 nang maglaro sila ni Cassy Legaspi ng "Jojowain o Totropahin" Challenge.

Unang binanggit ni Cassy ang pangalan ni Alden Richards na ikinagulat ni Sanya dahil ini-expect nitong ihuhuli ni Cassy ang pagbanggit sa pangalan ng aktor.

Jojowain ang sagot ni Sanya kay Alden dahil kilala niya ito na mabait na tao. “Nakasama ko ‘yan before sa Encantadia. Napakabait na tao niyan, grabe. Feeling ko, siya ay pang-jowa. Sino ba naman ang hindi magsasabing hindi pang-jowa si Alden, ‘di ba? Deserve niya ang lahat ng blessings na natatanggap niya dahil mabait siya.”

Sunod na binanggit ni Cassy ang pangalan ni Rayver Cruz at dito inamin ni Sanya na matagal na niyang crush si Rayver, kaya jojowain niya ito.

“Si Rayver Cruz, bata pa lang ako, talagang ‘pag napapanood ko na siyang sumayaw, grabe, crush na crush ko si Rayver.”

Last na binanggit ni Cassy si Gabby Concepcion na leading man ni Sanya sa First Yaya.

“Nakilala ko siya na parang formal, ‘yan ang first impression ko sa kanya. Noong first locked-in taping namin, doon ko siya nakilala at kung paano siya kabait at gaano siya ka-professional. Kaya naman, jojowain.”

So far, wala pang umaaway kay Sanya na AlDub fans o fans nina Rayver at Janine Gutierrez. Sa kaso ni Gabby, kinikilig ang mga viewers ng First Yaya sa kanila at very private ang wife ni Gabby, hindi nakikialam sa showbiz career ng aktor.

Also, close sina Gabby at Sanya at kita ito sa BTS (behind-the-scenes) sa taping ng rom-com series nila. Komportable si Sanya sa aktor at naimbitahan na nga ni Gabby si Sanya at ibang cast ng series nila sa beach house niya sa Lobo, Batangas.