Roque, atat na, tinanggihang bakunahan ng Sinovac

ni Ronalyn Seminiano Reonico | March 2, 2021

Hindi muna pinayagang makapagpabakuna ng Sinovac COVID-19 vaccine si Presidential Spokesperson Harry Roque, Jr. sa isinagawang vaccination program sa Philippine General Hospital (PGH) dahil inuna ng National Immunization Technical Advisory Group (NITAG) ang mga health workers.

Aniya, “Gusto ko po talagang magpabakuna, kaso hindi po pumayag ang NITAG.

Kahapon po, sa PGH, naghanda na nga po ako.

“Sabi ng NITAG, ang magpapaturok muna [dapat] ay mga medical frontliners. Hindi na ako nakipagtalo. Susunod po ako riyan para wala nang away. Kapag pupuwede na po, kami po ni Dr. Lulu Bravo, mukhang sasabay na ako sa kanila.”

Si Bravo ay 71-anyos na vaccine expert mula sa UP-PGH at UP College of Medicine.

Sinovac, oks sa mga health workers — Usec. Vergeire

ni Mary Gutierrez Almirañez | February 27, 2021

Nagsasagawa ng pagpupulong ang Philippine General Hospital (PGH) ngayong araw, Pebrero 27, na may layuning ipabatid sa mga healthcare workers at mga empleyado ng ospital ang lahat ng impormasyong may kinalaman sa Sinovac COVID-19 vaccine.

Ayon kay PGH Spokesperson Dr. Jonas Del Rosario, “Ino-offer namin ang Sinovac on a voluntary basis, wala pong pilitan at iginagalang po namin lahat. Katawan mo 'yan, personal decision mo 'yan. We just have to make sure na-layout namin 'yung proper context kasi talaga namang kulang ang bakuna and we really have to protect our healthcare workers. Mas maaga kang magpabakuna, mas marami ang protected, hindi kumakalat 'yung sakit...

"Ngayon, ang aming gagawin ay i-explain pa nang mabuti 'yung bakuna na ito na Sinovac dahil na-focus kami sa isang bakuna. So, lahat ng information, naka-pattern doon.”

Bukas, darating na sa bansa ang 600,000 doses ng Sinovac at isa ang PGH sa mga ospital na inaasahang makakatanggap sa unang batch nito.

Nauna na ring inihayag na hindi inirerekomenda ang Sinovac sa mga healthcare workers na may direct exposure sa COVID-19 patients dahil 50.4% lamang ang efficacy rate nito.

Ngunit kahapon, Pebrero 26, inanunsiyo ni Dr. Maria Consorcia Quizon ng National Immunization Technical Advisory Group (NITAG), na ligtas itong gamitin sa mga healthcare workers.

Giit pa ni Department of Health Undersecretary Maria Rosario Vergeire, hindi totoo na walang kuwentang bakuna ang Sinovac. Sa halip ay napapababa pa nito nang 75% ang tsansang magkaroon ng severe infection ang isang indibidwal.

Sinovac sa mga health workers, aprub ng NITAG

ni Ronalyn Seminiano Reonico | February 26, 2021

Aprubado at inirerekomenda ng National Immunization Technical Advisory Group (NITAG) na gamitin ang COVID-19 vaccine ng China na Sinovac Biotech sa mga health workers, ayon sa Department of Health (DOH).

Noong Lunes, binigyan ng FDA ng emergency use authorization ang Sinovac ngunit hindi anila ito inirerekomenda para sa mga health workers dahil sa umano'y mababang efficacy rate nito na 50.4% dahil sa exposure nila sa COVID-19.

Ayon kay Health Undersecretary Maria Rosario Vergeire, ang pagbibigay ng Food and Drug Administration (FDA) ng emergency use authorization sa Sinovac vaccine ay isang katibayan na safe gamitin ang naturang bakuna.

Aniya, “The DOH, the Food and Drug Administration and our panel of experts concurred that current available evidence is enough to establish that the vaccine is safe for use.

“NITAG and the TAG (technical advisory group) has deemed it sufficient to recommend the use of the vaccine for health care workers as it bears to reiterate that our goal for prioritizing health care workers for vaccination is to reduce morbidity and mortality among their group, while they maintain the most critical essential health services.”

Saad naman ni Dr. Maria Consorcia Quizon, member ng NITAG, “[Sinovac] is safe for use for health care workers. We need to protect them. Since ito ang available ngayon, kailangan nating gamitin para sa kanila.”