1M doses pa ng Sinovac, dumating na

ni Ronalyn Seminiano Reonico | July 30, 2021

Dumating na sa bansa ang karagdagang 1 million doses ng Sinovac COVID-19 vaccine ngayong Biyernes.

Bandang 7:40 AM nang lumapag sa Ninoy Aquino International Airport (NAIA) Terminal 3 ang Cebu Pacific Flight 5J 723 na lulan ang mga naturang bakuna.

Ang mga opisyal naman ng National Task Force Against COVID-19 (NTF) ang sumalubong sa pagdating ng Sinovac COVID-19 vaccines sa airport.

Samantala, noong July 27, umabot na sa 18,174,405 vaccine doses ang naipamahagi na simula nang mag-umpisa ang vaccination program ng pamahalaan.

1.5M doses pa ng Sinovac, dumating na

ni Ronalyn Seminiano Reonico | July 29, 2021

Dumating na sa bansa ang karagdagang 1.5 million doses ng Sinovac COVID-19 vaccines ngayong Huwebes.

Lumapag sa Ninoy Aquino International Airport (NAIA) Terminal 3 ang Cebu Pacific Flight 5J 671 na may lulan ng mga naturang bakuna bandang alas-7:30 nang umaga.

Ang mga opisyal naman ng National Task Force Against COVID-19 ang sumalubong sa pagdating ng Sinovac doses sa airport.

Samantala, noong Martes ay umabot na sa 18,174,405 doses ang naipamahagi na kung saan 11.3 million ang nakatanggap na ng unang dose ng bakuna habang ang 6.8 million naman ang nabakunahan na ng second dose.

Operasyon sa NAIA, sinuspinde dahil sa sama ng panahon

ni Lolet Abania | July 22, 2021

Sinuspinde ang mga operasyon sa Ninoy Aquino International Airport (NAIA) ngayong Huwebes nang hapon dahil sa masamang panahon.

“Flight and ground operations at the NAIA are suspended,” ayon sa inilabas na advisory ng Manila International Airport Authority (MIAA).

Agad na ibinaba ang suspensiyon ng operayon ng NAIA dahil sa inisyung Lightning Red Alert ng PAGASA nang alas-1:39 ng hapon.

“The alert is a safety measure taken to prevent untoward incident from happening when lightnings are prevalent in the immediate area and may endanger personnel, passengers and even flight operations,” pahayag ng pamunuan ng MIAA.

Gayunman, ibinalik din ng MIAA ang mga flight operations matapos na ibaba ng PAGASA ang warning mula sa Lightning Red Alert sa Yellow Alert nang alas-2:19 ng hapon.