by Info @News | September 6, 2025
Photo: PTV / Circulated / SS
Maghahain umano ng kasong kriminal ang kampo ng mga Discaya laban sa organizers ng dalawang araw na kilos-protesta sa compound ng pamilya sa Pasig, ayon sa kanilang legal counsel na si Atty. Cornelio Samaniego III.
Sa panayam kay Atty. Samaniego sa ‘Sa Totoo Lang’ ng One PH, plano umano ng kampo na magsampa ng malicious mischief at unjust vexation laban sa mga organizer ng rally.
by Info @News | September 6, 2025
Larawan mula sa Instagram ni FL Liza Marcos
“Mahiya naman kayo! Pati ito, ninakawan n'yo ng dignidad”
Dismayado at ikinagalit ni First Lady Liza Araneta-Marcos ang nadatnang hindi pa tapos at may mga depekto pa ang bagong Philippine Film Heritage Building na magiging tanggapan ng Film Development Council of the Philippines (FDCP) sa Intramuros, Maynila.
Sa kanyang personal na pag-inspeksyon, nakita niya ang mga tumutulong bubong, mga bitak-bitak sa pader, hindi pa tapos na theaters, at mga water stains sa ceiling ng naturang pasilidad.
Ang Great Pacific Builders, na pag-aari ng pamilya Discaya, ang contractor ng nasabing proyekto.
“Our artists deserve respect — not this rotten monument of incompetence,” ani FL Liza.
ni Gina Pleñago @News | September 6, 2025
Larawan: Ang mag-ina na inaresto ng mga operatiba ng Taguig City Police na sinasabing magkasabwat sa online exploitation sa 7 menor-de-edad. (Gina Pleñago)
Sa entrapment at rescue operation ng mga tauhan ng Taguig City Police Station, hinuli ang isang ina at dalagang anak na magkasabwat umano sa online exploitation sa pitong menor-de-edad kabilang ang sariling anak, nitong Miyerkules ng gabi.
Ayon sa ulat ni Taguig CPS OIC P/Col. Byron Allatog, sina alyas Hazel, 42, at Joylyn, 19, ng Calzada-Tipas, Taguig City, ay nakakulong na habang inihahanda ang isasampang reklamong paglabag sa Republic Act 9208 (Anti-Trafficking in Persons Act of 2003), na inamyendahan ng RA 10364, RA 11862, RA 11930 (Anti-Online Sexual Abuse or Exploitation of Children and Anti-Child Sexual Abuse or Exploitation Materials Act).
Alas 10:20 ng gabi nitong Setyembre 3, nang isagawa ang operasyon sa bahay ng mga suspek kung saan nailigtas ang pitong menor-de-edad.
Natuklasan ang ginagawa ng mag-ina nang isa sa biktima ang nagkwento sa kanyang guro na agad ipinaalam naman sa pulisya.
Matapos ang validation at koordinasyon sa Women and Children Protection Desk (WCPD), nakumpirma sa operasyon ang ilegal na gawain nang makuha ang mga hubad na larawan at video online ng mga batang may edad 3-17.
Nakumpiska rin ang ilang sexual gadgets at cellphone na ginamit sa online sexual exploitation.
Kasama ng kapulisan ang City Social Welfare and Development Office (CSWDO) para kumilos bilang pansamantalang tagapag-alaga. Pinadali ang medico-legal na eksaminasyon at medikal na pagsusuri, at nagbigay ng kagyat na psychosocial intervention.
Nakipag-ugnayan na rin ang Lungsod ng Taguig sa child-caring facility kung saan ililipat ang mga biktima para sa pangmatagalang rehabilitasyon pagkatapos ng inquest proceedings.
Mariing kinondena ni Taguig City Mayor Lani Cayetano ang panibagong kaso ng child exploitation at nangako na walang humpay ang gagawing pagbabantay laban sa child exploitation na katunayan ay nasa 50 menor-de-edad na ang nailigtas simula noong 2022.
Lumalabas sa inisyal na imbestigasyon na ang ina ng mga biktima ay nagre-record ng malalaswang video ng kanyang mga anak at ibinebenta ito online o sa mga dayuhan sa halagang P2,500 kada transaksyon.
Iniulat na siya ay tinulungan ng kanyang 19-anyos na anak na babae, na pinilit din ang kanyang 3-anyos na anak, apo ng suspek, sa pagsasamantala.
