Riot sa Mendiola, organized attack, ‘di tunay na protesta — DILG

by Info @News | September 23, 2025

Photo: Manila DRRMO BG / DILG

Sinabi ni Department of the Interior and Local Government (DILG) Sec. Jonvic Remulla na isa umanong organized attack at hindi tunay na pagprotesta ang nangyaring riot sa Mendiola kasabay ng kilos-protesta laban sa korupsiyon nitong Linggo, Setyembre 21.

Ayon kay Remulla, binayaran daw ng P3,000 ang mga kabataang nasa 11-anyos pataas mula sa paligid ng Quiapo para sumali sa nangyaring riot.

“Mukhang lumalabas organized group… ang bayad nila sa mga bata ay 3,000 each. May mga videos pa kami na pinapakita nila mga pera nila at niyayabang sa social media,” ayon kay Remulla.

Dagdag pa niya, “Ang instruction [sa mga kabataan], kung kaya niyo umabot ng Palasyo, sunugin niyo. Ganoon lang.”

Gayunpaman, hindi umano sila puwedeng magturo basta-basta sa mastermind ng nasabing gulo.

Dating DPWH Asst. Engr. Brice Hernandez, inihayag ang katotohanan sa substandard na proyekto

by Info @News | September 23, 2025

Courtesy: Senate of the Philippines / FB

Inamin ni dating DPWH Bulacan 1st District Assistant Engineer Brice Hernandez na sinasadya nilang maging substandard o palpak ang mga proyekto na hinahawakan ng kanilang opisina sa kanilang mga distrito sa Bulacan.

AQUINO: Brice, sinasabi mo ba na lahat ng proyekto niyo ay substandard?

HERNANDEZ: Opo, Your Honor.

AQUINO: Lahat? As in hindi lang flood control? Pati classrooms kasama?

HERNANDEZ: Opo. Hindi po nami-meet kung ano ‘yung eksaktong nasa plano.

AQUINO: Meron ba kayong proyekto na walang porsyentuhan? Na maayos o matino?

HERNANDEZ: Sa aming nasasakupan, wala po, Your Honor.

Ayon kay Hernandez, nagsimula ang ganitong kalakaran nang maupo sa puwesto si dating DPWH District Engineer Henry Alcantara noong 2019.

Remulla vs Marcoleta

by Info @News | September 23, 2025

Courtesy: Senate of the Philippines / FB

Nagkasagutan sina Senator Rodante Marcoleta at Department of Justice (DOJ) Sec. Jesus Crispin “Boying” Remulla hinggil sa "restitution" o pagbabalik ng mga kinuhang pondo ng mga gustong sumailalim sa witness protection program.