ICC sa arrest warrant vs. Sen. Dela Rosa: Can’t confirm such news

by Info @News | November 10, 2025

Photo: Sen. Ronald Dela Rosa / ICC

Hindi makumpirma ng International Criminal Court (ICC) ang mga ulat na naglabas umano ito ng warrant of arrest laban kay Sen. Ronald “Bato” dela Rosa, ayon sa tagapagsalita ng tribunal na si Dr. Fadi El-Abdallah.

Nilinaw ni Abdallah na maaari lamang makumpirma ang updates ukol sa ICC sa kanilang official communications channels at press releases.

“ICC news can be found only on ICC official communications channels and press releases, where you could see that only one case to date has been opened, against Mr. Duterte,” anito.

Sinabi niya ito kasunod ng pagsisiwalat ni Ombudsman Jesus Crispin “Boying” Remulla na naglabas umano ng warrant ang ICC laban sa senador.

Sa kanilang panig, hindi pa umano nakakakuha ng opisyal na impormasyon ang kampo ni Dela Rosa hinggil sa naturang warrant laban sa kanya.

2 patay kay “Uwan” sa Catanduanes at Samar — OCD

by Info @News | November 10, 2025

Photo: Gatbalogan City FIre Station Samar

Nasa dalawang katao ang naiulat na nasawi sa Viga, Catanduanes at Catbalogan City, Samar dahil sa Super Typhoon Uwan, ayon sa Office of Civil Defense (OCD) ngayong Lunes, November 10, 2025.

“Sa casualty po natin, meron pong reported po sa atin pero subject again for validation pa ito,” saad ni OCD deputy administrator for administration Assistant Secretary Bernardo Rafaelito Alejandro IV.

“Dalawang fatality — one is from Viga, Catanduanes due to drowning and another one from Catbalogan City, Samar na nahulugan ito ng collapsed structure,” dagdag pa niya.

Sinabi rin ni Alejandro na dalawang indibidwal ang nai-report na nasugatan.

Aniya pa, may kabuuang 1.4 milyong katao o 426,000 pamilya ang preemptively evacuated sa Metro Manila, Cordillera Administrative Region, Ilocos Region, Cagayan Valley, Central Luzon, Calabarzon, Mimaropa, Negros Island Region, Bicol, Western Visayas, Central Visayas, at Eastern Visayas. Nasa 318,000 katao o 92,000 pamilya naman ang nananatili sa mga evacuation centers.

Higit 300 flights, kanselado dahil sa Bagyong Uwan

by Info @News | November 9, 2025

Photo: File

Kanselado na ang nasa 324 flights mula nitong Sabado, Nobyembre 8 hanggang Lunes, Nobyembre 10 dahil sa epekto ng Bagyong #UwanPH.

Ayon sa Civil Aviation Authority of the Philippines (CAAP), parehong apektado ang domestic at international flights sa nasabing kanselasyon.

Nakapagtala rin ng tatlong flight na nag-divert at patungo sanang Bicol dahil sa hirap mag-landing dulot ng masamang panahon.