National Land Use Act, Agricultural Land Conversion Ban Act, isinusulong ni De Lima

by Info @News | November 11, 2025

Photo: Leila de Lima / FB

‘Para sa food security at proteksyon sa sakuna’

Isinusulong ni Mamamayang Liberal Partylist Rep. Leila de Lima ang pagsasabatas ng mga panukalang National Land Use Act at Agricultural Land Conversion Ban Act upang protektahan ang kalikasan at lupang agrikultura para sa seguridad sa pagkain at panangga sa mga kalamidad.

Kasunod ito ng mga tumamang kalamidad sa bansa na nagdulot ng matitinding pinsala sa ilang lugar.

“Kasabay ng tapat na implementasyon ng tamang mga imprastraktura, ng pagpapanagot sa mga tiwaling ibinubulsa ang pondo para sa kinakailangan at de-kalidad na mga proyekto, ipasa na ang matagal na dapat naisabatas na National Land Use Act, at Agricultural Land Conversion Ban Act,” ani De Lima.

Protektahan ang Sierra Madre — Sen. Ejercito

by Info @News | November 11, 2025

Photo: Sen. JV Ejercito / FB

Nakiisa si Sen. JV Ejercito sa panawagang protektahan ang bundok ng Sierra Madre kasunod ng pagpapahina umano nito sa Bagyong #UwanPH nitong Lunes, Nobyembre 10.

“Just as the Sierra Madre shields us from the storm by weakening its power, we must also protect it from those who seek to destroy it,” ayon kay Ejercito.

Ang Sierra Madre ay itinuturing bilang isang ‘shield’ ng mga taga-Luzon tuwing may paparating na bagyo.

6 patay sa Bagyong Uwan — NDRRMC

by Info @News | November 11, 2025

Photo: Bonifacio Pascua Fronda / FB

Anim ang naitalang patay matapos ang pananalasa ng Bagyong #UwanPH, ayon sa inilabas na ulat ng National Disaster Risk Reduction and Management Council (NDRRMC) ngayong Martes, Nobyembre 11,

Kasabay nito, nasa 13 ang naitalang sugatan habang wala pa umanong naipapaulat na nawawala.

Batay din sa inilabas na datos ng ahensya, nasa higit 2.3 milyong indibidwal ang naapektuhan ng bagyo kung saan higit isang milyon naman ang na-displaced.