Alyansa ng US at 'Pinas, pinagtibay

ni Eli San Miguel - Trainee @News | October 24, 2023

Kinumpirma ng mga security adviser ng United States at Pilipinas noong Lunes ang alyansa ng dalawang bansa matapos ang mga mapanganib na aksyon ng mga barko ng China sa West Philippine Sea.

Sinabi ni US National Security Advisor Jake Sullivan na siya'y nakipag-usap sa telepono kay Philippine National Security Advisor Eduardo M. Año at muling ipinaabot ang suporta ng United States para sa mga kaalyadong Pilipino.

"Mr. Sullivan and Mr. Año reaffirmed the enduring alliance and friendship between our nations and discussed upcoming U.S.-Philippine engagements and ways to further strengthen our close partnership," saad sa isang pahayag mula sa White House.

Mababasa rin sa pahayag, "Mr. Sullivan emphasized the ironclad U.S. alliance commitments to the Philippines under the U.S.-Philippines Mutual Defense Treaty, which extends to armed attacks on Philippine public vessels, aircraft, and armed forces—to include those of its Coast Guard—in the Pacific, including in the South China Sea."

Unang inihayag ng United States na suportado at kaalyado nila ang Pilipinas, at sinabing nilabag ng China ang international law sa pamamagitan ng intensyonal na pakikialam sa kalayaan ng Pilipinas na lakbayin ang mga karagatan.

Suporta ni PBBM sa Israel, kinondena

ni Angela Fernando - Trainee @News | October 20, 2023

Kinondena ni Gabriela Rep. Arlene Brosas ang tahasang pagpapahayag ng suporta ni Presidente Bongbong Marcos, Jr. sa bansang Israel nitong nakaraang Oktubre 11.

Pahayag niya nu’ng nakaraang Huwebes, Oktubre 19, hindi raw dapat nagbibigay ng suporta ang gobyerno sa ginagawang karahasan ng Israel bagkus ay ang pagkakaisa ng dalawang bansa ang dapat nitong matulungang makamit.

Ikinalungkot ng marami ang pagbibigay ng suporta ng Pangulo sapagkat marami na ang nawala sa nangyaring sunud-sunod na pag-atake.

Dapat daw kondenahin ang karahasang ginagawa ng Israel ngayon na kumitil sa libu-libong buhay ng mga Palestinians at hindi dapat na tawaging terorista ang mga militanteng Hamas.

Ani Brosas, “Expressing sadness is not enough. While some world leaders express their condemnation against Israel’s actions, it is disheartening to see the Philippine government offering ‘moral support’ to apartheid Israel and declaring Hamas as a terrorist organization.”

“These relentless acts of violence perpetrated by the Israeli Defense Forces (IDF) are clear violations of international humanitarian law and must also be condemned by the international community,” saad nito.

Confi funds ng DICT, tinutulan ni Pimentel

ni Eli San Miguel - Trainee @News | October 19, 2023

Tinabla ni Sen. Aquilino "Koko" Pimentel ang hiling na confidential funds ng DICT sa isang interbyu nitong Huwebes.

Ayon kay Pimentel, dapat maglabas ng mga patakaran ang DICT upang labanan ang mga cybercriminal nang hindi nangangailangan ng confidential funds.

Nagtanggal ang House of Representatives ng confidential funds mula sa ilang ahensiya, kabilang ang DICT sa kabila ng iminungkahing budget ng ahensiya na P300 milyon para sa surveillance funds.

Nang tanungin tungkol sa pagbibigay ng confidential funds sa DICT, sinabi ni Pimentel na hindi kinakailangang itago ang pagbili ng mga kagamitan.

“The DICT’s primary role is not criminal law enforcement. It is not. It may have but it is not the primary role,” pahayag niya sa ANC.

Noong una, sinabi ni DICT Secretary Ivan John Uy na ilalapit nilang muli ang kahilingan na confidential funds sa Senado.

Subalit sinabi ni Uy na kung ililipat ang mga inirerekomendang confidential funds ng DICT sa mga pampublikong ari-arian na ino-audit, maaaring gamitin ito ng mga cybercriminal.

Giit ni Pimentel, “If we push that logic, it's absurd, extreme. Ang buong budget pala ng Philippine National Police, puwede nilang sabihing confidential fund na."

Naging sentro ng pansin kamakailan ang depensa ng Pilipinas laban sa cyber attack matapos ang ilang breach o hindi awtorisadong pag-access sa ilang ahensiya, na maaaring magdulot ng panganib sa sensitibong impormasyon.