Unang “cancer hospital” sa ‘Pinas, aprubado

ni Eli San Miguel - Trainee @News | November 16, 2023

Nilagdaan ang isang kasunduan upang itayo ang kauna-unahang “cancer hospital” sa Pilipinas sa kasagsagan ng pakikilahok ni Pangulong Ferdinand “Bongbong” Marcos sa Asia-Pacific Economic Cooperation (APEC) Summit ngayong Huwebes.

Sa San Francisco, California ginanap ang APEC Summit kung saan nagkasundo ang AC Health at Varian Medical Systems para pirmahan ang kasunduan.

“The initiative is a vital stride in the fight against cancer, and it reflects the Philippines’ growing potential as a leading healthcare destination in Asia,” pahayag ni Marcos.

Sa pamamagitan ng partnership, itatatayo ng AC Health ang Healthway Cancer Care Hospital sa Pilipinas na magiging isang network ng oncology clinics sa Metro Manila na magbibigay ng komprehensibong pagsugpo sa cancer gamit ang mga advanced technology ng Varian.

Kabilang din sa mga lumagda sa kasunduan sina Jaime Augusto Zobel de Ayala ng Ayala Corp., AC Health CEO and President Paolo Borromeo, Varian Philippines President and Managing Director Heinz-Michael Horst Schmermer, at Varian’s Advanced Oncology Solutions Vice President Chuck Lindley.

P252M puslit na sigarilyo, nakumpiska ng BIR — Lumagui

ni Chit Luna @Brand Zone | November 15, 2023

Naging matagumpay ang operasyon ng Bureau of Internal Revenue, sa pangunguna ni Commissioner Romeo D. Lumagui Jr. laban sa illicit cigarette traders at smugglers noong Nobyembre 6, 2023.

Sa katunayan, may kabuuang 717 master cases o 358,500 pakete ng “illicit cigarette” na tinatayang P252 million sa tax liabilities ang nakumpiska ng BIR.

Ito ay joint enforcement operation kasama ang Naval Forces of Eastern Mindanao Command na nakabase sa Davao City.

“The BIR will continue the fight against illicit tobacco traders or smugglers wherever they may be. The BIR will continue to protect compliant taxpayers while prosecuting illicit trade. We will not stop. Expect more enforcement operations,” ayon kay Commissioner Lumagui.

Natuklasan sa joint operation na ang brands gaya ng Canon, GreenHill, at Bros ay ipinuslit sa Pilipinas nang walang tamang pagbabayad ng excise taxes.

Dahil dito, malinaw na nilabag ng mga mangangalakal ang Seksyon 130 ng National Internal Revenue Code, inamyendahan ng Republic Act 11900, at Revenue Regulations Nos. 7-2021, 18-2021, at 14-2022.

Samantala, isa pang matagumpay na enforcement operation ang isinagawa ng BIR noong Nobyembre 8 na nagresulta ng pagkumpiska sa 51 master cases o 25,500 pakete ng New Orleans smuggled cigarettes kung saan ipinagpapalagay na may tax liabilities na P17.9 milyon.

Ito ay joint operation kasama ang Davao City Police Office PS6 at Task Force Davao sa isinagawang random checkpoint sa Bunawan, Davao City.

Goodbye, Chandler Bing

ni Eli San Miguel - Trainee @News | October 29, 2023

Pumanaw sa edad na 54 ang US actor na si Matthew Perry, na kilala bilang si Chandler Bing sa tanyag na '90s TV sitcom na Friends.

Ayon sa LA Times at TMZ, na unang nag-ulat ng pagpanaw ni Perry, natagpuan ang aktor na walang malay sa hot tub sa kanyang bahay.

Ayon naman sa law enforcement, walang indikasyon ng foul play sa pagkamatay ng aktor.

Umere ang Friends mula 1994 hanggang 2004, na tungkol sa buhay ng anim na magkakaibigan na naninirahan sa New York City.

Napanood ang huling episode nito ng 52.5 milyon sa US, dahilan para maging most watched episode ng TV noong 2000s.

Bukod sa "Friends", lumabas din si Perry sa iba pang pelikula tulad ng "Fools Rush In" at "The Whole Nine Yards".