655 naitalang biktima ng paputok, mas mababa kumpara noong 2025

by Info @News | January 4, 2026

Photo File: Biktima ng paputok - FP

Nakapagtala ang Department of Health (DOH) ng kabuuang 655 fireworks-related injuries (FWRIs) sa buong bansa mula nang magsimula ang monitoring nito noong Disyembre 21.

Ang bilang na ito ay nasa 20% na mas mababa kumpara sa 819 na kabuuang kaso na naiulat noong Enero 3, 2025, batay sa report ng ahensya nitong Sabado.

Sinabi ng DOH na sa 655 cases, 54% o 351 na kaso, ang mga biktima ay nasa 19-taong gulang pababa.

Nasa 19 na biktima ang nangangailangan ng amputation o pagputol ng mga apektadong paa, kung saan 11 sa 19 na biktimang ito ay mga menor-de-edad.

Karamihan sa mga kaso ay sanhi ng hindi kilalang paputok, na sinundan ng kwitis at 5-star.

Nauna rito, mas kaunti ang naiulat na mga kaso ng FWRI noong 2025, subalit mas malala ang mga naidulot na pinsala, ayon sa DOH.

Biktima ng paputok, pumalo sa 235 — DOH

by Info @News | January 2, 2025

Photo File: Biktima ng paputok - FP

Umabot sa 235 ang nabiktima ng mga paputok simula Disyembre 21, ayon sa Department of Health (DOH).

Base sa ulat ng ahensya, karamihan sa bilang ng mga biktima ay nasa edad 19 pababa.

Bagama’t mas mababa ito ng 42% sa naitalang 403 na kaso sa pagsalubong ng 2025, inaasahan pa rin na madadagdagan ang bilang dahil magpapatuloy umano ang surveillance ng ahensya hanggang Enero 5, 2026.

Bakit ipinagdiriwang ang Chinese New Year sa ‘Pinas?

ni Mabel Vieron @Life & Style | Jan.. 29, 2025

Chinese New Year 2025

Kung akala mo’y simpleng holiday lang ito na may masasarap na pagkain at makukulay na mga parada, aba r’yan ka nagkakamali, besh! Dahil sa totoo lang, ang Chinese New Year ay may malalim pang ugat sa ating kultura at kasaysayan.

Magmula sa mga tradisyon ng mga Filipino-Chinese hanggang sa makukulay na selebrasyon, ru’n mo malalaman kung bakit nga ba ito ipinagdiriwang. Kaya naman, sabay-sabay nating alamin kung paano ito naging isang espesyal na okasyon para sa mga Pilipino.

Ready na ba kayo? Let’s go mga Ka-BULGAR! Ang Chinese New Year ay isang pagdiriwang na puno ng tradisyon, suwerte at mga simbolo ng bagong simula! Knows n’yo ba na kilala rin ito rin bilang Spring Festival? Yes, ang Chinese New Year ay hindi lang simpleng holiday, dahil ito rin ang pagkakataon upang magpasalamat sa mga biyaya ng nakaraang taon at magtipun-tipon kasama ang pamilya.

Mula sa makukulay na lion dances, hanggang sa mga red envelopes na puno ng suwerte, ang Chinese New Year ay isang pasabog ng saya at pag-asa na kahit saan ka man sa mundo ay tiyak mararamdaman mo!

Gayunpaman, ang Chinese New Year ay hindi lang tungkol sa mga parades at fireworks, dahil isa rin itong selebrasyon ng masasarap na pagkain!

May mga tradisyunal na pagkaing inihahanda tuwing Chinese New Year na may espesyal na kahulugan para sa kasaganaan, suwerte at long life.

Narito ang ilan sa mga madalas ihanda, kaya naman, halina’t basahin natin ito!

1. DUMPLINGS. Isa ito sa pinaka-iconic na pagkain tuwing sasapit ang Chinese New Year. Ang dumplings ay may hugis na parang mga sinaunang barya, kaya’t itinuturing itong simbolo ng kasaganaan at kayamanan.

2. NOODLES. Ang mga noodles ay sumisimbolo ng mahabang buhay. Karaniwan, pinapahaba ang noodles at iniiwasang putulin, dahil ito umano ang magdadala ng suwerte sa buhay.

3. FISH. Ang pagkaing ito ang magdadala umano ng kasaganaan sa buong taon. Karaniwan, ang isda ay iniiwan nang buo, kasama ang ulo at buntot na sumisimbolo ng pagsisimula at pagtatapos ng taon na may kasaganaan.

4. RICE CAKE. Ang nian gao ay isang matamis na rice cake na gawa sa glutinous rice. Ito naman ay sumisimbolo sa pag-angat ng buhay, antas o ranggo. Karaniwan itong pine-prepare bilang dessert. Oh, ‘di ba pasabog?

5. SWEET ORANGES. Ito naman ay simbolo ng kaligayahan at kasaganaan. Karaniwan, ang mga prutas na ito ay ibinibigay bilang regalo sa mga bisita o kaibigan tuwing Chinese New Year.

6. SPRING ROLLS. Ang spring rolls ay para ding dumplings, subalit ang kahulugan ng pagkain na ito ay new beginnings o bagong oportunidad. Ang crispy, golden brown na itsura nito ay sumisimbolo rin ng kasaganaan.

7. TANGYUAN. Ang tangyuan ay matamis na rice balls na karaniwang may palaman at madalas din itong inihahanda sa huling araw ng Chinese New Year (sa Lantern Festival). Ito naman ay sumisimbolo ng pagkakaisa at good fortune.

8. LUMPIA. Isa pa sa mga paborito ng mga Pilipino tuwing Chinese New Year ay ang lumpia, hindi ba? Ito rin ay simbolo ng kasaganaan, dahil sa maliliit na piraso ng sahog nito na parang mga yaman.

Ang mga pagkaing ito ay hindi lamang para magbigay kasiyahan sa dila, dahil may malalim din itong kahulugan na nag-uugnay sa mga Tsino at Pilipino. Kaya kung magpaplano kang maghanda ngayong Chinese New Year, tiyak na marami kang pagpipilian.

Meron ka bang gustong subukan sa mga pagkaing ito? Ano pang hinihintay mo? I-grab mo na ang pagkakataong ito! Happy Chinese New Year, everyone!

Nawa'y mapuno ang taon na ito ng suwerte, kasaganaan at walang katapusang kaligayahan! Ang mga negative energy na kasalukuyan nating nararamdaman ay isantabi muna natin. Bagkus, sabay-sabay muna nating ipagdiwang ang bawat sandali ngayong araw na puno ng pagmamahal, pag-asa at magandang kapalaran.

Gong Xi Fa Cai!