NCR residents na hindi bakunado, bawal lumabas sa ilalim ng Alert Level 3 — Metro Manila Council

ni Jasmin Joy Evangelista | January 3, 2022

Ipinag-utos ng Metro Manila Council na dapat manatili sa bahay ang mga hindi pa bakunadong mga indibidwal, maliban na lamang kung bibili ng essential goods habang nasa ilalim ng Alert Level 3 ang Metro Manila, ayon kay MMDA chair Benhur Abalos.

“Yung mga walang bakuna or unvaccinated, number one, they shall remain in their residences at all times except for the procurement of essential goods and services,” pahayag ni Abalos sa isang press conference.

Ang karagdagang restriction na ito para sa mga hindi bakunado ay inaprubahan ng Metro Manila Council na binubuo ng 17 NCR mayors.

Nang tanungin kung kalian magiging epektibo ang naturang restriction sa mga unvaccinated, sinabi ni Abalos na mag-i-issue ng mga ordinansa ang bawat LGU hinggil sa pagpapatupad nito.

Ang mga hindi pa bakunado ay papayagan lang ding lumabas upang mag-exercise sa lugar na sakop lamang ng residence, village, o barangay, depende sa regulasyon ng LGU.

Samantala, sinabi ni Abalos na ang implementation ng stay-at-home order sa NCR ay ang “pilot case” sa buong bansa.

‘Pag sumirit ang COVID-19... Alert level, posibleng itaas – Malacañang

ni Lolet Abania | December 29, 2021

Ipinahayag ng Malacañang ngayong Miyerkules na maaaring itaas ng gobyerno ang ipinatutupad na alert level anumang oras kung kinakailangan sa gitna ng pagtaas ng COVID-19 positivity rate sa National Capital Region (NCR).

Ito ang naging tugon ni acting presidential spokesperson Karlo Nograles matapos na mai-report ng OCTA Research Group na ang COVID-19 positivity rate sa Metro Manila ay tumaas ng mahigit sa 5% hanggang nitong Lunes, Disyembre 27, habang aniya, ang mas nakahahawang Omicron variant ang posibleng dahilan nito kaysa sa pagdami ng mga lumalabas na mga indibidwal ngayong Christmas season.

“We will make an announcement soon, if not within the day, perhaps tomorrow, for the alert level for January 1 to 15. But I would like to remind the public that while it is for January 1 to 15, hindi po bawal mag-increase later ang alert level in provinces, highly urbanized cities, kung kinakailangan without even completing 15 days,” sabi ni Nograles.

“That is provided under the IATF (Inter-Agency Task Force) guidelines. If the IATF sees a spike, the alert level can be accelerated immediately if it is what is needed,” dagdag pa ng opisyal.

Matatandaang ang bansa ay isinailalim sa Alert Level 2 sa buong buwan ng Disyembre.

Sa ilalim ng Alert Level 2, ikalawa sa pinakamababa sa bagong alert level system ng bansa, may mga ilang establisimyento at aktibidad ang pinapayagan na sa 50% capacity indoors para sa fully vaccinated adults (at minors, kahit hindi pa nababakunahan) at 70% capacity outdoors.

“Let us not waste our previous efforts. Let us get vaccinated, wear face mask, as well as observe hygiene and social distancing,” giit ni Nograles.

Una nang sinabi ng Malacañang na ang mga local government units (LGUs) ang dapat na mag-impose ng granular o small-scale lockdown sakaling magkaroon ng surge ng COVID-19 cases sa kanilang lugar.

“Granular lockdown has never been out of the equation. The LGUs can impose granular lockdown if they see clustering of COVID-19 cases,” saad pa ni Nograles.

Samantala, sa ngayon nakapagtala na ang bansa ng apat na kaso ng Omicron variant ng COVID-19.

Habang tinatayang 48 milyong Pilipino ang fully vaccinated na kontra-COVID-19, subalit hindi pa ito umabot sa target ng gobyerno na ma-fully vaccinate ang 54 milyong Pinoy bago matapos ang taon.

Base sa OCTA Research... NCR, “very low risk” na sa COVID-19

ni Lolet Abania | December 3, 2021

Maaari nang iklasipika ang National Capital Region (NCR) na nasa “very low risk” sa COVID-19, ayon sa independent group na OCTA Research.

Sa isang table na nai-post sa Twitter ni OCTA fellow Dr. Guido David, nagpapakita ito ng improvement sa bilang na naitala noong Nobyembre 26 hanggang Disyembre 2 ngayong taon, kumpara sa parehong panahon noong nakaraang taon.

“Based on our metrics, the NCR is now classified as VERY LOW RISK. The figure compares the numbers this week vs the same week last year,” pahayag ni David ngayong Biyernes.

Ayon sa OCTA, ang average ng bagong kaso ng COVID-19 kada araw ay umabot sa 138 lamang mula Nob. 26-Dis. 2, 2021, kumpara sa 416 sa pareho ring panahon noong nakaraang taon.

Mas mababa naman ang reproduction number na 0.36 ngayong taon, mula sa 0.94 noong 2020.

Ang reproduction rate ay bilang ng mga taong infected ng isang kaso, habang ang reproduction number naman na below 1 ay nagpapahiwatig na bumabagal na ang transmission ng virus.

Paliwanag pa ng OCTA, “The daily attack rate per 100,000 fell to 0.97 this year from 2.94 last year. The same goes with positive rate -- down to 1.2% in 2021 from 3.9% in 2020.”

Gayundin, nagpakita ng pagbaba sa mga okupado ng hospital beds mula sa 1,791 nitong 2021 ay bumaba ito kumpara sa 2,305 noong 2020; ang hospital bed occupancy na may 21% ng 2021 na mababa na mula sa 38% noong 2020; at ang ICU bed occupancy na 27% ng 2021 ay bumaba na mula sa 47% noong 2020.