NCR at iba pang lugar, Alert Level 1 hanggang Hunyo 30 — IATF

ni Lolet Abania | June 15, 2022

Inaprubahan ng Inter-Agency Task Force of Emerging Infectious Diseases (IATF) ang rekomendasyon na isailalim ang National Capital Region (NCR) at marami pang lugar sa bansa sa Alert Level 1 mula Hunyo 16 hanggang Hunyo 30.

Ginawa ng IATF ang desisyon sa kabila ng mga nai-report na pagtaas ng bilang ng mga kaso ng COVID-19 sa NCR at iba pang lugar sa nakalipas na mga araw.

Ayon kay Presidential Spokesman Martin Andanar, ang mga sumusunod na lalawigan, highly urbanized cities at ICCs na isasailalim sa Alert Level 1 ay:

NCR: Caloocan, Malabon, Navotas, Valenzuela, Pateros, Pasig, Marikina, Taguig, Quezon, Manila, Makati, Mandaluyong, San Juan, Muntinlupa, Parañaque, Las Piñas, at Pasay;

Cordillera Administrative Region (CAR): Abra, Apayao, Baguio City, Kalinga, at Mountain Province;

Region I: Dagupan City, Ilocos Norte, Ilocos Sur, La Union, at Pangasinan;

Region II: Batanes, Cagayan, Santiago City, Isabela, Nueva Vizcaya, at Quirino;

Region III: Angeles City, Aurora, Bataan, Bulacan, Nueva Ecija, Olongapo City, Pampanga, Tarlac, at Zambales;

Region IV-A: Batangas, Cavite, Laguna, Lucena City, at Rizal;

Region IV-B: Marinduque, Oriental Mindoro, Puerto Princesa City, at Romblon;

Region V: Albay, Catanduanes, Naga City, at Sorsogon;

Region VI: Aklan, Bacolod City, Capiz, Guimaras, Iloilo, at Iloilo City;

Region VII: Cebu City, Lapu-Lapu City (Opon), Mandaue City, at Siquijor;

Region VIII: Biliran, Eastern Samar, Ormoc City, Southern Leyte, at Tacloban City;

Region IX: Zamboanga City

Region X: Bukidnon, Cagayan de Oro City, Camiguin, Iligan City, Misamis Occidental, at Misamis Oriental;

Region XI: Davao City at Davao Oriental;

Region XII: South Cotabato

CARAGA: Butuan City, Surigao del Sur, at Agusan del Norte;

Bangsamoro Autonomous Region In Muslim Mindanao (BARMM): Cotabato City

Gun ban sa NCR at Davao City para sa inagurasyon nina P-BBM at VP Sara — PNP

ni Lolet Abania | June 15, 2022

Magpapatupad ng gun ban ang Philippine National Police (PNP) para sa magkahiwalay na inauguration rites nina President-elect Ferdinand “Bongbong” Marcos, Jr. sa Manila at Vice President-elect Sara Duterte sa Davao City.

Ayon kay PNP Director for Operations, Police Major General Valeriano de Leon, ang gun ban sa Davao Region ay magiging epektibo mula Hunyo 16 hanggang 21 para sa inaugural ceremony ni VP Sara sa Hunyo 19 habang sa Hunyo 27 hanggang Hulyo 2 sa Metro Manila para sa oathtaking ni P-BBM na nakatakda sa Hunyo 30.

“That [gun ban] is three days before [the event] and two days [after the event] because we have clearing areas... if ever there is an incident that warrants investigation,” pahayag ni De Leon sa isang press conference ngayong Miyerkules.

Ang June 19 event ay magaganap sa San Pedro Square sa Davao City, habang ang June 30 ceremony ay isasagawa sa National Museum sa Manila.

“The suspension (gun ban) covers the period of full preparations, deployment and implementation of the security measures for the oath-taking events of the two highest ranking officials of the country,” giit ni De Leon.

“That was our recommendation that was approved (by PNP officer in charge Police Lieutenant General Vicente Danao Jr.),” dagdag ng opisyal. Nang tanungin siya, kung ang gun ban ay senyales ng anumang nai-report na threat o banta kaugnay sa magaganap na mga inagurasyon, saad ni De Leon, mas makabubuting manatiling mapagbantay.

“We are validating raw information. We do not discount any information that reaches our office. We quickly send them to Directorate of Intelligence for validation,” sabi ni De Leon. “Be that as it may, we are ready for anything,” aniya.

Ayon pa kay De Leon, nasa tinatayang 3,700 pulis ang itatalaga sa seguridad ng oathtaking ni VP Sara habang humigit-kumulang sa 6,000 ang ide-deploy para sa oathtaking ni P-BBM.

NCR, Alert Level 1 pa rin hanggang Hunyo 15

ni Lolet Abania | May 27, 2022

Mananatili ang National Capital Region (NCR) sa Alert Level 1 mula Hunyo 1 hanggang 15 sa gitna pa rin ng COVID-19 pandemic, ayon sa Malacañang ngayong Biyernes.

Sinabi ni Deputy Presidential Spokesperson Kris Ablan na batay ito sa Inter-Agency Task Force (IATF) Resolution 168-A.

Bukod sa NCR, kabilang sa mga lugar na isasailalim din sa Alert Level 1 ay Abra, Ilocos Norte, Batanes, Aurora, Bataan, Bulacan, Nueva Ecija, Pampanga, Tarlac, Angeles City, Olongapo City, Batangas, Cavite, Laguna, Rizal, Lucena City, Marinduque, Albay, Aklan, Siquijor, Biliran, Zamboanga City, Bukidnon, Iligan City, Surigao del Sur, Butuan City at iba pa.

Sa ilalim ng Alert Level 1, pinapayagan ang intrazonal at interzonal travel anuman ang edad at comorbidities, habang lahat ng establisimyento, mga indibidwal, o aktibidad para mag-operate, magtrabaho at full on-site capacity ay nagpapatupad ng minimum public health standards.