Alert level 1 sa NCR, posible sa Disyembre — DOH

ni Jasmin Joy Evangelista | November 14, 2021

Mayroong posibilidad na ibaba sa Alert Level 1 ang Metro Manila sa Disyembre kung magpatuloy ang pagbaba ng COVID-19 cases sa rehiyon.

“Kailangan ‘yung low risk ng National Capital Region, for example, kailangan ma-sustain natin ito ng 2 incubation period," ani Department of Health Undersecretary Maria Rosario Vergeire. 

“Kailangan natin panatilihin na mababa siya for the next siguro 1 week, ituloy-tuloy natin iyang ano na iyan kasi on the 15th actually magkakaroon ng another determination ang data analytics. Isa sa mga titingnan namin, yes, the number of cases, next is iyong 2-week growth rate, we want it negative, ibig sabihin patuloy ‘yung pagbaba ng kaso. So kung mapapanatili iyon puwede nating maipapababa to Alert Level 1 by December,” dagdag niya.

Kung ipapatupad ang Alert Level 1, papayagan sa unang pagkakataon ang operasyon ng lahat ng establisimyento, pagbiyahe at iba pang aktibidad nang walang limitasyon sa bilang ng tao o edad. 

Very low risk naman ang mga karatig-lugar na Cavite, Laguna, Bulacan, at Pampanga.

Alert level system sa bansa mula Nob. 15-30, alamin

ni Jasmin Joy Evangelista | November 14, 2021

Inanunsiyo ng Malacañang ang alert level ng iba't ibang lugar sa bansa para sa Nov. 15-30.

Mananatili ang NCR sa alert level 2 mula Nov. 15-30 kabilang ang mga sumusunod na lalawigan:

-Nueva Ecija

-Bataan

-Aurora

-Pampanga

-Bulacan

-Tarlac

-Zambales

-Olongapo

-Angeles City

-Rizal

-Cavite

-Laguna

-Batangas

-Quezon

-Lucena City

-Bacolod City

-Iloilo City

-Negros Occidental

-Capiz

-Antique

-Aklan

-Iloilo Province

-Guimaras

-Negros Oriental

-Lapu-Lapu City

-Cebu City

-Mandaue City

-Cebu Province

-Bohol

-Cagayan de Oro City

-Misamis Occidental

-Lanao del Norte

-Bukidnon

-Camiguin

-Misamis Oriental

-Iligan City

-Davao del Norte

-Davao de Oro

-Davao Occidental

-Davao City

-Davao del Sur

-Davao Oriental

Nauna nang isinailalim ang NCR sa alert level 2 simula November 5 hanggang November 21.

Sa ilalim ng Alert Level 2, ang mga establisimyento ay pinapayagang mag-operate nang 50% capacity para sa indoors at may additional 10% capacity kung mayroong safety seal. Para naman sa outdoors, pinapayagan ang 70% capacity.

Isinailalim naman sa Alert Level 4 mula Nov. 17-30 ang Catanduanes, ayon kay presidential spokesperson Harry Roque.

Alert Level 3 naman mula Nov. 17-30 ang mga sumusunod na lugar:

- Batanes

- Quirino

- Nueva Vizcaya

- City of Isabela

- Zamboanga City

Alert level 3 (Nov. 15-30):

- Baguio City

- Siquijor

Alert level 2, effective immediately hanggang Nov. 30:

- Ilocos l Sur

- La Union

- Pangasinan

- Dagupan

- Ilocos Norte

- Tacloban

- Southern Leyte

- Samar (Western Samar)

- Ormoc City

- Eastern Samar

- Northern Samar

- Leyte

- Biliran

- South Cotabato

- Sarangani

- General Santos City

- Sultan Kudarat

- and Cotabato (North Cotabato)

Alert Level 2, mula November 17 to 30:

- Santiago City

- Cagayan

- Isabela province

- Albay

- Sorsogon

- Naga City

- Camarines Sur

- Camarines Norte

- Masbate

- Zamboanga del Norte

- Zamboanga Sibugay

- Zamboanga del Sur

Inaprubahan ni Pangulong Rodrigo Duterte noong Huwebes ang nationwide implementation ng Alert Level System upang maging panuntunan sa gitna ng COVID-19 pandemic.

Minors na papayagan sa malls, rerepasuhin ng NCR mayors — DILG

ni Lolet Abania | November 12, 2021

Ipinahayag ni Department of Interior and Local Government (DILG) Secretary Eduardo Año nakatakdang i-review o repasuhin ng Metro Manila mayors ang age restrictions para sa mga menor-de-edad sa pagbisita sa mga malls matapos ang mga naiulat na isang 2-taon-gulang na lalaki ay magpositibo umano sa test sa COVID-19 makaraang bumisita sa isang mall.

“That’s very unfortunate. That’s why we are still reminding everyone to follow the public health protocols and for the parents to discern in bringing their kids to the mall to be careful and only if it’s necessary,” sabi ni Año sa isang mensahe.

“The MMDA (Metropolitan Manila Development Authority) mayors are also reviewing the age restrictions to be allowed to go to the mall. While we have low COVID-19 cases, pandemic is still not over. It’s within the authority of LGUs (local government units) to put restrictions as the situation may call for,” dagdag ni Año.

Ang naturang report ay mula sa isang doktor na nai-share sa isang social media post nitong Nobyembre 10 na aniya, isang 2-anyos na bata ay nagpositibo sa test sa COVID-19 matapos na bumisita sa isang mall tatlong araw na ang nakalilipas.

Matatandaang sinabi ni MMDA chairperson Benhur Abalos na ang mga minors sa National Capital Region (NCR) ay papayagan nang lumabas ng bahay matapos ang halos dalawang taon na pananatili ng mga ito sa loob ng bahay dahil sa banta ng COVID-19.

Ayon pa kay Abalos, ang intrazonal at interzonal travel ay papayagan na rin mga minors matapos naman na ang NCR ay isinailalim sa Alert Level 2 quarantine classification.