Red Lions at Blazers sa F4, laglagan sa Altas at Chiefs

ni GA - @Sports | May 1, 2022

Mag-aagawan sa 3rd spot sa Final 4 ang San Beda Red Lions at DLSU St. Benilde Blazers sa unang laro, habang pilit na maglalaglagan ang Perpetual Altas at Arellano Chiefs sa pagsisimula ng play-in round ngayong araw ng 97th NCAA men’s basketball tournament “Stronger Together, Buo ang Puso” sa Fil-Oil Flying V-Centre sa San Juan City.

Muling maghaharap ang Red Lions at Altas na nagtapat noong elimination round na pumabor sa Mendiola-based squad sa first game sa 12:00 n.t. para sa karapatang masungkit ang ikatlong silya sa Final 4 katapat ang No.2 at may twice-to-beat advantage na Mapua Cardinals.

Ang sinumang koponan na mabibigo sa pagitan ng San Beda at CSB ay makakalaban ng magwawagi sa main game battle ng Perpetual at Arellano na magsasagupa sa 3 p.m.

Tinalo ng Red Lions ang Blazers noong Abril 26 nang matakasan ito sa bisa ng 67-63 nang bumuhos ng 13pts si Filipino-Canadian James Kwekuteye na nagsagawa ng balanseng atake sa bench scoring na may 43 puntos, kung saan nakilala ang bagong pausbong na si Jacob Cortez na gumawa ng 7 puntos at ilang mahahalagang off-ball na galaw, gayundin kina JV Gallego, JB Bahio Ralph Penuela, Winston Ynot, Yukien Andrada at Peter Alfaro.

Kinakailangang magdoble-kayod ni Gozum na may 10 puntos na produksiyon ngunit humablot ng 13 boards, habang sasandal muli sa iskoring nina Robi Nayve, AJ Benson, Prince Carlos, Ladis Lepalam at Miggy Corteza.

Tiyak na hindi susuko si Justin Arana na paniguradong babanat muli ng double-double figures kasunod ng career-high 29 rebounds kasama ang 18pts kontra sa napatalsik nang JRU Bombers, habang sasaklolo sina Kalen Doromal, Raymart Sablan, Jordan Sta. Ana, Stefan Steinl at Art Oliva.

Mga laro ngayong araw (Linggo) Fil-Oil Flying-V Centre, San Juan City: 12:00 n.t. – San Beda Red Lions vs. College of St. Benilde Blazers: 3:00 n.h. – Arellano University Chiefs vs. University of Perpetual Help Altas.

Red Lions, may tsansa sa semis; Yu, bida sa Knights

ni GA / VA - @Sports | April 21, 2022

Ipagdiriwang ni dating juniors Mythical Team member Yukien Andrada ang kanyang kaarawan na may malaking regalo kasunod ng pagpapanatili ng undefeated winning streak ng San Beda Red Lions laban sa University of Perpetual Help Altas sa 78-71, at lumapit sa tsansa ng twice-to-beat semis berth, kahapon sa 97th NCAA men's basketball tournament “Stronger Together, Buo ang Puso", sa La Salle Greenhills St. Benilde Gym, Mandaluyong City.

Bumanat ng career-high 15pts si Andrada kasama ang 4 rebounds upang maging malaking bagay para sa Red Lions na magapi ang masigasig na Altas na sumubok na maghabol sa huling sandali ng 4th period.

Ibinuslo ni Peter Alfaro ang mahalagang alley-oop pass mula kay Andrada sa 1:24 upang pigilan ang pagbabanta ng Altas na makalapit pa sa laro. Patuloy na nagbida para sa Red Lions si James Kwekuteye sa 18pts, habang may tig-9pts sina Rhayyan Amsali at Alfaro na kinakailangan na lang ng isang panalo upang masiguro ang semis berth.

“Ginawa ko lang 'yung best ko kase sabi ni coach, limited minutes kaya kailangan mag-contribute ka pa rin lalong-lalo na 'yung bench namin. Play most of my minutes and do my best sa court,” wika ng 6-foot-5 na si Andrada na magdiriwang ng ika-21 kaarawan.

“Lagi namang sinasabi sa amin ni Coach Boyet, especially na if our starters don’t play good in the first quarter, kailangan talaga pagpasok nu'ng sunod na lima, kailangang maka-convert agad sa depensa at do your best talaga,” dagdag niya.

Bumanat ng mainit na 15-0 blast ang Letran Knights upang tuhugin ang Emilio Aguinaldo College Generals sa pamamagitan ng 83-62 sa ikalawang laro upang patuloy na maging undefeated kasama ang San Beda sa tuktok ng team standings.

Bumitaw ng mahahalagang three-point baskets si guard Fran Yu para paamuhin ang EAC Generals sa pagtatangka nitong makahabol sa laro. Umiskor ng kabuuang 11 puntos si Yu, na pinangunahan nina Brent Paraiso at Kurt Reyson sa tig-15 points, katulong si Rhenz Abando sa 14pts.

National Artist Luz, pumanaw sa edad 94

ni Lolet Abania | May 27, 2021

Pumanaw na ang pintor, iskultor at designer na si Arturo Luz sa edad na 94 kagabi, ayon sa post sa social media ng kanyang pamilya.

“It is with deep sorrow that I announce the passing of my father, our beloved National Artist, Arturo Luz. He peacefully joined his Creator at 8:45 this evening, and I stood by his side as he took his last breath,” post ng kanyang anak na si Angela Luz.

Ayon naman sa National Commission on Culture and the Arts (NCAA), kung saan si Luz ay itinanghal bilang National Artist for Visual Arts, “he created masterpieces that exemplify an ideal of sublime austerity in expression and form.”

“From the Carnival series of the late 1950s to the recent Cyclist paintings, Luz produced works that elevated Filipino aesthetic vision to new heights of sophisticated simplicity,” dagdag ng NCCA.

Buong pagmamalaki ring ipinapahayag ng pamilya ni Luz, kung paanong sumasalamin ang lahat ng kanyang mga obra sa personal niyang buhay.

“We could not have asked for anything more. God blessed my father with 94 of the most wonderful years on earth. He enriched our lives with his art, with his incredible talent and his genius,” sabi ni Angela.

Bukod sa pagiging National Artist, itinatag din ni Arturo ang Luz Gallery, isang venue ito ng pagpapakita ng mga gawa at obra ng mga Filipino artists.