Babaeng nagbebenta ng abortion pills, tiklo

ni Gina Pleñago @News | July 19, 2025

Photo File

Nabulilyaso ang isang babae nang mahuli sa patibong ng mga ahente ng National Bureau of Investigation (NBI) ang isang sinasabi umanong abortionist nang magbenta online ng abortion pills sa nagpanggap na buyer sa Makati at nalaman sa Maynila nang ituro ng delivery rider kahapon.

Hindi otorisado o lisensyado ang babaeng suspek na magbenta ng medisina na nahuli sa entrapment operation noong Hulyo 14, 2025 ng mga ahente ng NBI Dangerous Drugs Division, sa Maynila.

Natuklasan ang online selling ng suspek, agad ikinasa ang entrapment, ani NBI Dangerous Drugs Division chief Jonathan Galicia.

Apat na klase ng abortion pills ang nakumpiska na tinawag ng NBI bilang “do-it-yourself” abortion kit with instructions dahil hindi na aniya, kailangan pa ng medical supervision.

Aniya, may inilabas na advisory ang Food and Drug Administration (FDA) laban sa paggamit ng nasabing mga gamot.

Ang naarestong suspek ay nahaharap na sa reklamong paglabag sa Food and Drug Administration (FDA) Law, Cybercrime Prevention Act, Pharmacy Law.

Ilang parte ng katawan ng tao, iniwan sa tapat ng NBI

ni Angela Fernando - Trainee @News | March 2, 2024

Natagpuan sa harap ng National Bureau of Investigation (NBI) sa Bacolod City ang mga putol na katawan ng tao na nakasilid sa supot.

May kalakip na mensahe ang nakitang isang kamay, paa, at isang pares na tenga na nagsasabing isa sa kanilang mga agent sa NBI ay protektor ng drug lord.

Saad ng NBI-Bacolod, maayos magtrabaho ang tinutumbok na ahente sa liham.

Kasalukuyang iniimbestigahan ng mga otoridad ang pinagmulan ng mga putol na parte ng katawan at titingnan nila kung may kinalaman ito sa kanilang ikinasang operasyon laban sa iligal na sugal at online sabong sa Negros Occidental.

P1.5 M mga pekeng produkto, kumpiskado

ni Eli San Miguel - Trainee @News | December 1, 2023

Kinumpiska ng National Bureau of Investigation (NBI) ang may halagang higit sa P1.5 milyon na pekeng mga bag, rash guard, at insecticides na may mga kilalang tatak sa mga operasyon sa buong Maynila, Pasay, at Bulacan.

Ayon sa isang pahayag, sinabi ng NBI na kinumpiska ang pekeng rash products na may mga tatak na "HOPO" at "OOP," bags na may tatak na "Hawk," at insecticides na may mga tatak na "Bao Li Lai" at "100 Hundred."

Sa kanilang pahayag, hindi binanggit ng NBI kung may mga indibidwal na naaresto sa panahon ng raid o paano nito natiyak ang orihinalidad ng mga kinumpiskang produkto na may mga tatak na tila kilala.

Isinagawa ang unang operasyon noong Nobyembre 21 na nagresulta sa pagsamsam ng mga pekeng bag na may halagang P853,140 mula sa dalawang storage facilities sa Brgy. Talampas sa Bustos, Bulacan.

Naganap ang ikalawang operasyon sa Pasay City kung saan kinumpiska ang mga pekeng rash guards na may mga tatak na "HOPO" at "OOP" na may halagang P200,000, ayon din sa pahayag.

Kinumpiska naman ang mga pekeng insecticides na may halagang P450,000 mula sa dalawang warehouse sa Tondo, Maynila, dagdag pa nito.