Talupan sa 2019 SEA Games budget — NBI... Alan: Uubusin talaga kami

ni Mylene Alfonso @News | July 16, 2026

Photo: NBI / Senate PH

Bukas si Senator-Judge Alan Peter Cayetano sa planong imbestigasyon ng National Bureau of Investigation (NBI) kaugnay ng umano'y mga iregularidad sa infrastructure projects para sa 2019 SEA Games, na pinamunuan niya bilang chairman ng organizing committee.

“Binabawasan talaga kami, iniisa-isa,” ani Cayetano, kasabay ng pagsasabing handa siyang humarap sa imbestigasyon.

Nauna nang sinabi ni NBI Director Melvin Matibag na iimbestigahan nila ang umano'y bilyun-bilyong pisong “unliquidated,” kabilang ang pagbabayad sa isang pribadong kumpanya sa pamamagitan ng budget insertions.

"Go ahead and investigate [but] we have to make sure that the integrity of the court is intact," sabi ni Cayetano.

“I hope this issue of the integrity of the court becomes an issue to all of us,” wika pa niya.

Sa pagkamatay ng 2 Ateneo players — NBI... Coach Baldwin, 11 pa, tutuluyan sa DOJ

ni Gina Pleñago @News | July 14, 2026

Photo: Tab Baldwin - Ateneo de Manila University

Sasampahan sa Department of Justice (DOJ) ng kasong reckless imprudence resulting in two counts of homicide ang dating head coach ng men's basketball team ng Ateneo de Manila University at 11 iba pa.

Kahapon, inirekomenda ng NBI ang pagsasampa ng mga kaso sa dating head coach ng Ateneo de Manila University na si Tab Baldwin at 11 iba pa kaugnay ng pagkamatay ng mga estudyanteng atleta na sina Rene Clert Baterbonia at Divine Adili.

Ang nilalaman ng rekomendasyon ng NBI ang reklamong reckless imprudence resulting to two counts of homicide laban kay Baldwin; strengthening at conditioning coaches na sina Ceasar Vincent “CJ” Elumba at Grant Dearns; assistant coaches Reynaldo Jacinto Jr., Dean Caesar Castaño, Sandro Nicholas Soriano, at Hernan Ameer “Buboy” Domingo; at ang Ateneo physical therapist na si John Eric Rueca.

Simple negligence resulting in two counts of homicide ang pinasasampa naman kina Ateneo Athletic Director Emmanuel Fernandez; Francisco Zubia III, operating manager Hermanos Leisure & Agri-Farm Resor, at co-managers na sina Frederick Barangan Zubia, at Yedda Mary Molina Rubio.

Bahagi ng imbestigasyon ang pagkuha ng mga salaysay ng ilang indibidwal kabilang sina Ateneo President Roberto “Bobby” Yap, SJ; Baldwin, iba pang mga coach, pati na rin ang mga dati at kasalukuyang basketball players, mga miyembro ng coaching staff, utility personnel, at mga nangasiwa sa resort, noong Hunyo kaugnay sa pagkamatay nina Baterbonia at Adili sa team-building activity ng basketball team sa Dipaculao, Aurora.

Defensor, kakasuhan ng human trafficking — NBI

ni Gina Pleñago @News | June 25, 2026

Photo: Mike Defensor - FB

Nakatakdang maghain ang National Bureau of Investigation (NBI) ng reklamong human trafficking laban kay dating Cong. Mike Defensor sa Biyernes, Hunyo 26, kaugnay sa naging pagsalakay sa KTV bar, sa Pasig City dahil umano sa sexual exploitation.

Sinabi ni NBI Director Melvin Matibag sa pulong-balitaan nitong Miyerkules na ang mga ebidensiyang nakalap ng isinagawang imbestigasyon ay nagpapakita na may kinalaman si Defensor sa naturang ilegal na gawain ng KTV bar.

Una nang pinabulaanan ni Defensor ang paratang sa pagsasabing “politically motivated” ang pagdadawit sa kanya.

Matatandaang ang maybahay at anak na sina Julie Rose Defensor at Miguel Gabriel Defensor, ay kabilang sa 16 na indibidwal na sinampahan ng kasong paglabag sa Republic Act 9208 (Anti-Trafficking in Persons Act) kasunod ng raid sa Chicago Night Club at Bleu Hotel sa Pasig noong Abril 21, 2026.

Nailigtas ang 54 babae na pawang biktima ng human trafficking at sex exploitation, na karamihan ay mga single mother at ang mga edad ay hindi lalagpas sa 25.