NANCY BINAY | Bulgar Online 44/125

P10B kaltas sa 2024 DOH budget, dapat ibalik

BULGAR

ni Nancy Binay @Be Nice Tayo | August 24, 2023

Nabalitaan natin na babawasan ng P10 billion ang budget ng Department of Health sa panukalang 2024 national budget.

Mariin nating tinututulan ito. Sa totoo lang, dapat ay pinoprotektahan sa pagkaltas ng pondo ang mga health services.

Dapat nga laging top priority ang mga programang pangkalusugan.

Hindi maaaring makompromiso ang mga mahahalagang programa ng DOH, lalo na iyong mga nagbibigay ng tulong sa mga mahihirap.

Kung tutuusin, baka nga kailangan pa nating dagdagan ang budget ng DOH dahil marami pa tayong dapat lagyan ng pondo. Ang direksyon na dapat nating tahakin ay pagpapalakas pa lalo ng public health system.

Makakaasa kayo na pipilitin ng Senado na maibalik ang P10 billion na ikinaltas sa budget ng DOH.

☻☻☻

Noong Martes, August 22, ay pumanaw ang kalihim ng Department of Migrant Workers na si Susan "Toots" Ople.

Lubos kong ikinalulungkot ang pagpanaw ng isang mabuting kaibigan at dakilang Pilipino.

Inialay ni Sec. Toots ang buong buhay niya sa paglilingkod sa kanyang mga Kababayan, lalo na sa mga overseas Filipino workers.

Paalam, Toots, at maraming salamat sa serbisyo at pagkakaibigan.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang halaga ang kalusugan, at huwag kalilimutang magdasal. Malalagpasan din natin ito.

Be Safe. Be Well. Be Nice!

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US! Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

First 1,000 Days Law, ipatupad para sa kapakanan nina baby at mommy

BULGAR

ni Nancy Binay @Be Nice Tayo | August 20, 2023

Tuwing buwan ng Agosto ipinagdiriwang natin ang National Breastfeeding Awareness Month.

Sa buwan na ito, ating hina-highlight ang maraming benepisyong makukuha hindi lamang ng mga sanggol kundi pati na rin ang nanay sa pagpapasuso.

Ayon sa Department of Health, malaki ang impact ng maaga at exclusive na breastfeeding para masigurong magiging malusog at iwas-sakit ang mga sanggol.

Pero bukod sa mga sanggol, malaki rin ang benepisyo ng breastfeeding sa mga nanay.

Ayon sa mga pag-aaral nakakatulong ang pagpapasuso sa pagprotekta laban sa breast at ovarian cancer, depression, diabetes, at hypertension.

☻☻☻

Sa ating pagdiriwang ng National Breastfeeding Awareness Month, mahalaga ring bigyang pansin ang First 1,000 Days Law (Republic Act 11148).

Co-author ng batas na ito ang inyong lingkod at layon natin na magbigay suporta ang pamahalaan sa nanay at baby mula conception hanggang sa umabot ng dalawang taong gulang ang sanggol.

Sa batas na ito nakamandato ang exclusive breastfeeding mula sa unang oras ng pagkapanganak hanggang anim na buwan ng sanggol. Nakasaad din dito ang patuloy na pagpapasuso hanggang umabot sa dalawang taong gulang si baby.

Hindi makakaila na malaki ang papel na ginagampanan ng breastfeeding para masiguro na maayos ang paglaki ni baby.

Kaya nananawagan tayo sa Department of Health, local government units, at iba pang ahensya ng pamahalaan na patuloy na ipatupad ang mga nakasaad sa First 1,000 Days Law.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

Social services sector, may pinakamalaking budget sa 2024

BULGAR

ni Nancy Binay @Be Nice Tayo | August 17, 2023

Nitong Martes ay nagsimula na ang deliberasyon para sa 2024 national budget.

Ayon sa briefing na isinagawa ng Development Budget Coordination Committee, nasa P5.768 trillion ang panukalang budget para sa susunod taon, na mas mataas ng 9.5% sa P5.268 trillion na budget ngayong 2023.

Sinabi ng Department of Budget and Management na ang layunin daw ng 2024 budget ay siguruhin ang isang future-proof at sustainable community para sa mga Pilipino.

Dinisenyo rin daw ang budget upang makamit ang target ng gobyerno na maging upper-middle income na bansa ang Pilipinas sa 2025.

☻☻☻

Ang social services sector ang makatatanggap ng pinakamalaking alokasyon sa 2024 National Expenditure Program, na aabot sa P2.183 trillion o nasa 37.9% ng panukalang budget.

Ang sektor na ito ay binubuo ng health, education, culture, manpower development, social security, welfare, at employment.

Ang iba pang sektor na bumubuo ng budget ay economic services (29.6%), general public services (15.5%), debt burden (12.1%), at defense (4.9%).

☻☻☻

Ayon sa DBM, ang sumusunod ay panukalang alokasyon para sa mga priority sector: Education (P924.7 billion); Public Works (P822.2 billion); Health (P306.1 billion); Interior and Local Government (P259.5 billion); Defense (P232.2 billion).

Transportation (P214.3 billion); Social Welfare (P209.9 billion); Agriculture (P181.4 billion); Judiciary (P57.8 billion); at Labor and Employment (P40.5 billion).

☻☻☻

Makakaasa ang ating mga kababayan na tututukan natin ang panukalang budget upang masiguro na mananaig ang interes ng sambayanan.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

. .

P10B kaltas sa 2024 DOH budget, dapat ibalik

First 1,000 Days Law, ipatupad para sa kapakanan nina baby at mommy

Social services sector, may pinakamalaking budget sa 2024

RECOMMENDED