Pagtanggal ng mga visual aids sa klasrum, pag-aralan muna

ni Nancy Binay @Be Nice Tayo | September 3, 2023

Noong nakaraang linggo ay balik-eskwela na ang mga mag-aaral sa mga pampublikong paaralan.

Ngunit marami ang nagulat dahil tila nawala na ang mga dekorasyon at mga visual aids na karaniwang nakikita sa mga silid-aralan.

Naglabas kasi ang Department of Education (DepEd) ng isang order na inoobliga ang lahat ng eskwelahan na linisin ang dingding ng mga school grounds at classroom, at tanggalin ang anumang “unnecessary artwork, decorations, tarpaulin and posters.”

☻☻☻

Sa tingin ko, puwede pa ring i-reconsider ang visual aids, pero mas standardized na ito at rationalized based sa bawat grade level.

Malaking bagay ang visual aids sa mga batang estudyante dahil ‘yung mga complex na aralin ay madaling naiintindihan kung may charts, graphs, pictures at illustrations.

Siguro maganda ring ikonsidera ng DepEd ang paggawa ng isang special committee na pag-aaralan kung anong mga visual tools ang akma at maaaring ilagay sa mga classrooms.

Kung kaya naman nito, DepEd na ang gumawa at mamahagi ng omnibus visual aids sa mga paaralan para standardized na sa lahat ng classrooms.

Since magiging standardized ito, bawat classroom ay may angkop na content depende sa track, grade level or laboratory.

☻☻☻

Naiintindihan natin na kaya inilabas ng DepEd ang utos na ito ay dahil gusto nito na mag-focus ang mga estudyante sa kanilang mga aralin.

Ngunit hindi naman pareho-pareho ang pangangailangan ng lahat ng mag-aaral.

Malaking bagay ang mga visual aids para sa mga visual learners na mas naiintindihan ang mga lessons sa tulong ng mga larawan.

Kaya naman hinihimok natin ang DepEd na balikan at pag-aralan nang mabuti ang utos na ito at magdesisyon ng angkop sa ikabubuti ng ating mga mag-aaral.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang halaga ang kalusugan, at huwag kalilimutang magdasal. Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Technology vs. human trafficking, oks!

ni Nancy Binay @Be Nice Tayo | August 31, 2023

Hinihikayat natin ang Inter-Agency Council Against Trafficking na samantalahin ang mga available technology para mapabuti ang profiling system nito kaysa dagdagan ang documentary requirements na magiging pabigat sa mga biyahero.

Kamakailan ay inanunsyo ng IACAT na simula September 3, mag-iimplementa ng mga bagong hakbang sa mga airport upang pigilan ang human trafficking.

Ayon sa bagong guidelines, kailangan na ng mga mangingibang-bansa ng dagdag na travel documents para sa self-funded travel gaya ng confirmed roundtrip ticket, proof of accommodation, financial capacity, purpose of travel, proof of employment, at iba pang katumbas na dokumento.

Para naman sa mga sponsored travel, kailangan ng original PSA-issued birth o marriage certificate, confirmed roundtrip ticket, at notarized copies ng sulat mula sa sponsor, valid work visa/permit, at iba pa.

☻☻☻

Ngunit, may katiyakan ba na makatutulong talaga sa pagpigil ng human trafficking ang mga dagdag na dokumentong ito?

Sa pagsulong ng teknolohiya sa mga airport at ang integration ng immigration watchlist ng iba’t ibang bansa, maaari sana tayong gumamit ng analytics o ‘risk scoring algorithms’ bilang dagdag na safeguard sa pag-assess ng mga high-risk individual base sa kumbinasyon ng mga salik gaya ng travel behavioral pattern na maaaring magbunsod ng dagdag na imbestigasyon.

At dahil inter-agency naman ang konsepto ng international law enforcement sa human trafficking, dapat predictive analytics at facial recognition na ang profiling ng mga biyahero.

Naririyan ang teknolohiya para safe, secured at convenient ang karanasan ng mga pasahero.

Kung kaduda-duda talaga ang background ng biyahero at kasamang biktima — saka dapat mag-cross-checking ang Immigration sa impormasyon na nasa database nila at dokumentong ipinipresenta ng person of interest.

☻☻☻

Kinikilala natin ang pagsisikap ng IACAT na gawin ang trabaho nito at maprotektahan ang mga mamamayan sa banta ng human trafficking.

Ngunit sana’y sa halip na dagdagan ang pasanin ng mga biyahero, mag-invest na lang tayo sa mas maganda at mas updated na sistema na magiging mas epektibo pa.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Pagpanaw ni Sec. Toots Ople, malaking kawalan sa pamahalaan

ni Nancy Binay @Be Nice Tayo | August 27, 2023

Pumanaw noong nakaraang Martes, Agosto 22, ang kalihim ng Department of Migrant Workers (DMW) na si Susan “Toots” Ople.

Si Sec. Toots ang kauna-unahang kalihim ng DMW, at sa isang taon niya bilang kalihim ng DMW, naipatupad niya ang mga programang nagbigay kasagutan sa mga pangangailangan ng mga overseas Filipino workers (OFWs).

Isang ahensyang may puso at tunay na malasakit sa mga OFW, ‘yan ang direksyon na gusto niyang tahakin ng DMW.

Tunay nga na sa kanyang mapagkalingang pamumuno, masasabi nating naging tahanan ng OFW ang DMW.

☻☻☻

Bago pa maging kalihim ng DMW, kilala na si Sec. Toots sa kanyang adbokasiya na ipaglaban ang karapatan ng mga manggagawa at OFWs.

Itinatag niya ang Blas Ople Policy Center (BOPC) na naging takbuhan ng mga OFW na nangangailangan.

Noong naging OFW czar ang aking ama na si former Vice President Jojo Binay, isa siya sa mga mahalagang katuwang sa laban kontra human trafficking at illegal recruitment sa bansa.

☻☻☻

Malaking kawalan sa pamahalaan ang ‘di inaasahang pagpanaw ni Sec. Toots.

Isa siyang dakilang Pilipino at lingkod-bayan, at marami kaming nagluluksa sa kanyang pagkawala.

Ako at ang aking buong pamilya ay lubos na nakikidalamhati sa kanyang mga mahal sa buhay.

Paalam, Toots, at maraming salamat sa iyong serbisyo sa bayan at pagkakaibigan.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay