NANCY BINAY | Bulgar Online 38/125

Gawing makabuluhan ang paggunita ng Undas

BULGAR

ni Nancy Binay @Be Nice Tayo | November 2, 2023

Ang Undas ay makabuluhang tradisyon sa ating bansa.

Malaking bagay sa atin ang gunitain ang mga mahal nating sumakabilang-buhay na, kaya’t nagsisilbing parang reunion para sa marami ang panahong ito.

Pagkatapos ng ilang taon na naantala ang pag-obserba natin sa Undas dahil sa pandemya, full-force na muli ang komemorasyon nito.

Lalo pa’t nasa parehong linggo rin ng pagdaos ng Barangay and SK Elections, marami ang nagsamantala sa pagkakataon na makauwi sa kanilang probinsiya.

☻☻☻

Tapos na ang pandemya, ngunit sana’y mag-ingat pa rin ang mga kababayan natin sa sakit.

Tumataas kasi ang mga flu-like cases sa bansa.

Ayon sa Department of Health, tumaas ng 45 percent kumpara sa nakaraang taon ang bilang ng mga flu-like cases sa bansa.

Nasa 151,375 na ang kasong naitala ng flu, ayon sa datos ng DOH na inilabas noong October.

Nagsimula raw ang pagtaas noong September, kung kailan 26 percent ang pagtaas mula sa nakaraang period.

☻☻☻

Maging makabuluhan nawa ang selebrasyon natin ng Undas. Kasabay nito, manatili sana tayong ligtas.

☻☻☻

Paalala lamang sa lahat na patuloy pa ring mag-ingat sa paglabas ng bahay, magsuot ng face mask, ugaliing maghugas ng kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US! Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Pipiliing tserman at mga kagawad, dapat may ‘K’ sa serbisyo-publiko

BULGAR

ni Nancy Binay @Be Nice Tayo | October 29, 2023

Bukas, ika-30 ng Oktubre, gaganapin na ang Barangay at Sangguniang Kabataan elections.

Ayon sa Comelec, mayroong 93 milyong rehistradong Pilipinong botante ngayong taon.

Inaasahan ang lahat na gagamitin natin ang ating karapatan sa pagboto para pumili ng mga susunod na punong barangay at miyembro ng Sangguniang Barangay pati na ang mga mamumuno ng Sangguniang Kabataan.

☻☻☻

Sa mga hindi nakakaalam, ang Kapitan ng Barangay, o Punong Barangay, ang binibigyan ng tungkulin bilang punong ehekutibong opisyal ng barangay.

Ang mga Kagawad naman ang humahawak sa iba’t ibang tungkulin sa loob ng mga komite ng barangay.

Sila ang tumutugon sa iba’t ibang pangangailangan ng komunidad at sinisiguro na lahat ng boses at hinaing sa barangay ay naririnig.

Sa kabilang banda, ang SK Chairperson naman ang kakatawan at magiging boses ng mga kabataan sa barangay.

Inaasahang sila ang magiging tulay sa pagitan ng pamunuan ng barangay at mga mas nakababatang miyembro ng komunidad.

☻☻☻

Bagama’t pinakamaliit na political unit ang barangay, lubhang malaki pa rin ang ginagampanang papel ng mga namumuno rito.

Sa pagsasabatas ng Local Government Code at Urban Development and Housing Act noong 1992, lalong pinagtibay ang barangay bilang isang matatag na pundasyon ng lokal na pamamahala.

Kaya naman mahalagang makilahok sa botohan at pumili ng karapat-dapat sa darating na Barangay and Sangguniang Kabataan Elections 2023.

☻☻☻

Patuloy pa rin po tayong mag-ingat sa paglabas ng bahay, magsuot ng face mask pag kinakailangan, ugaliing maghugas ng kamay, bigyang-halaga ang kalusugan, at huwag kalilimutang magdasal. Be Safe. Be Well. Be Nice!

Iba’t ibang pakulo ng mga kandidato, ratsada na

BULGAR

ni Nancy Binay @Be Nice Tayo | October 22, 2023

Nagsimula na noong Huwebes, Oktubre 19 ang campaign period para sa Barangay at Sangguniang Kabataan Elections (BSKE).

Ayon sa Comelec, inaasahang aabot sa 1,414,487 ang mga kandidato sa darating na BSKE.

Kabilang dito ang 96,962 kandidato sa pagka-barangay captain; 731,682 para sa Sangguniang Barangay; 92,774 sa Sangguniang Kabataan chairman at 493,069 naman para sa SK council.

Tatagal ng 10-araw o hanggang sa Oktubre 28 ang panahon ng kampanya.

Tandaan, bawal mangampanya ang mga kandidato sa Oktubre 29, na bisperas ng eleksyon hanggang sa Oktubre 30, na mismong araw ng halalan.

☻☻☻

Nauna nang nagpahayag ang COMELEC na mahigpit nilang ipapatupad ang mga panuntunan lalo sa campaign expenditures kaya kailangang magsumite ng mga kandidato ng kanilang Statement of Contributions and Expenditures (SOCE) matapos ang eleksyon.

Ayon sa COMELEC, pinapayagan lamang na gumastos ng P5 kada rehistradong botante ang bawat kandidato.

Bawal din ang pamamahagi ng mga t-shirt, baller, cap at iba pang bagay na may halaga.

Sa mga supporters naman ng mga kandidato, huwag na ring magsuot ng t-shirt na may larawan ng kanilang kandidato at baka iyan pa ang maging dahilan ng kanilang diskuwalipikasyon sa halalan.

Lahat sana ng mga kandidato ay patuloy na sundin ang mga batas at alituntunin ng COMELEC sa pangangampanya.

Nawa’y makiisa tayo upang matiyak ang isang maayos, ligtas, at mapayapang eleksyon.

☻☻☻

Patuloy pa rin tayong mag-ingat sa paglabas ng bahay, magsuot ng face mask ‘pag kinakailangan, ugaliing maghugas ng kamay, bigyang halaga ang kalusugan, at huwag kalilimutang magdasal.

Be Safe. Be Well. Be Nice!

. .

Gawing makabuluhan ang paggunita ng Undas

Pipiliing tserman at mga kagawad, dapat may ‘K’ sa serbisyo-publiko

Iba’t ibang pakulo ng mga kandidato, ratsada na

RECOMMENDED