Eroplano ng Cebu Pacific, ‘dumulas’ sa runway ng NAIA

ni Lolet Abania | March 8, 2022

Dumulas umano ang isang Cebu Pacific aircraft sa runway ng Ninoy Aquino International Airport (NAIA) pagkalapag nito sa paliparan sa Pasay City ngayong Martes.

Sa isang advisory, sinabi ng naturang carrier na ang kanilang CebGo flight DG 6112 Naga-Manila flight ay nagkaroon ng slight runway excursion pagsapit nito sa NAIA T3, bandang alas-11:45 ng umaga, oras sa Manila.

Ayon sa Cebu Pacific, ang nasabing eroplano ay na-towed na mula sa runway ilang saglit makalipas ang ala-1:00 ng hapon.

“All 42 passengers and four crew deplaned normally and are safe with no reported injuries,” sabi ng Cebu Pacific.

“The passengers are being looked after and cared for,” dagdag ng kumpanya.

Sinabi ng airline na patuloy silang magbibigay ng mga updates at mas maraming impormasyon hinggil dito.

“We are working on normalizing our operations as soon as possible,” saad ng Cebu Pacific.

Ayon naman sa Philippine Airlines sa hiwalay na advisory, dahil sa naganap na runway obstruction sa NAIA, “there will be delays in flight departures and arrivals.”

Naglabas din ang PAL ng mga flight departures na naka-hold:

PR720 Manila - London

PR5682 Manila - Dammam

PR658 Manila - Dubai

PR684 Manila - Doha

Habang ang mga sumusunod na flights na nakatakdang dumating sa Manila ay na-divert na sa Clark:

PR592 Saigon - Manila

PR2522 Cagayan de Oro - Manila

PR2142 Iloilo - Manila

“We are seeking the patience and understanding of our passengers. We look forward to resuming flights once runway obstruction is cleared,” pahayag ng PAL.

Mula sa 550 airports sa buong mundo… NAIA pasok sa Top 10 Most Improved Airports

ni Jasmin Joy Evangelista | October 29, 2021

Pasok sa Top 10 Most Improved Airports of Skytrax World Airport Awards 2018 ang Ninoy Aquino International Airport (NAIA).

Ito ay mula sa 550 airports sa buong mundo.

Nakatulong umano nang malaki ang pagpapaigting sa Civil Aviation Authority, karagdagang airconditioned system, installation ng dagdag na airfield lighting, pagsasaayos ng runway at marami pang iba.

Nawala na rin ang tanim bala scheme sa paliparan.

Ang mga ito ay kabilang sa pangako ng administrasyong Duterte na pagbibigay ng mas dekalidad na serbisyo para sa mga Pilipino.

Dahil sa Lightning Red Alert NAIA, stop operation muna

ni Lolet Abania | October 11, 2021

Pansamantalang itinigil ang operasyon sa Ninoy Aquino International Airport (NAIA) sa Pasay City matapos na magbaba ng Lightning Red Alert ngayong Lunes ng tanghali.

Sa isang advisory ng Department of Transportation (DOTr), ayon sa ahensiya nag-isyu ng alert ang PAGASA bandang alas-12:37 ng tanghali ngayong Lunes.

Agad na naglabas ang PAGASA ng red lightning alert nang magkaroon ng isang thunderstorm sabayan pa nito ng lightning o pagkidlat sa loob mismo ng 9 kilometers ng paliparan.

Ang alert scheme ay may mga mandato, kung saan suspendido muna ang operasyon at galaw ng parehong aircraft at ramp personnel para na rin sa kaligtasan at seguridad ng lahat.

“The Red Lighting Alert is a safety measure taken to prevent any untoward incident from happening when lightnings are prevalent in the immediate area and may endanger personnel, passenger, and even flight operations," paliwanag ng DOTr.

Ayon sa DOTr, ang alert scheme ay ipinatupad sa NAIA matapos na isang empleyado ang namatay nang tamaan ito ng kidlat sa Terminal 3 tarmac noong 2014.