13 M Moderna vaccine, darating sa 'Pinas

ni Ronalyn Seminiano Reonico | March 7, 2021

Nagkasundo na ang Pilipinas at Moderna Inc. sa 13 million doses ng COVID-19 vaccine na ide-deliver umano sa bansa sa kalagitnaan ng 2021.

Ayon sa Moderna, inaasahan ding magkakaroon ng karagdagang 7 million doses dahil sa hiwalay na pakikipagkasunduan sa kanila ng private sector sa bansa.

Saad ni Moderna Chief Executive Officer Stéphane Bancel, “We thank the government and the private sector for their collaboration to bring the COVID-19 vaccine Moderna to the Philippines.

“We appreciate the confidence in Moderna, and our mRNA platform demonstrated by the Government of the Philippines. We remain committed to making our vaccine available on every continent to help end this global pandemic.”

Kinumpirma rin ni Philippine Ambassador to the United States Jose Manuel Romualdez ang pagdating ng Moderna COVID-19 vaccine sa Pilipinas.

Aniya, "Ang gobyerno, they just were able to conclude mga 13 million doses so malaking bagay 'yan. "Hopefully, darating 'yan by June of this year.” Samantala, ang efficacy rate ng Moderna COVID-19 vaccines ay tinatayang aabot sa 94%.

Moderna vaccine laban sa COVID-19, aprub na sa US

ni Thea Janica Teh | December 19, 2020

Inaprubahan na ng United States nitong Biyernes ang paggamit ng COVID-19 vaccine na Moderna, ang ikalawang vaccine na gagamitin bilang emergency use.

Ayon kay Food and Drug Administration (FDA) Chief Stephen Hahn, "With the availability of two vaccines now for the prevention of COVID-19, the FDA has taken another crucial step in the fight against this global pandemic."

Agad din itong inanunsiyo ni US President Donald Trump sa kanyang Twitter account at sinabing "Congratulations, the Moderna vaccine is now available!"

Ang US ang kauna-unahang nag-authorize ng two-dose regimen sa Moderna, na ngayon ay ikalawang vaccine na ipamamahagi sa Western country sumunod sa Pfizer-BioNTech.

Nitong Disyembre 2, inaprubahan ng Britain ang Pfizer-BioNTech vaccine at sinundan na ito ng iba pang bansa sa buong mundo kabilang ang US.

Ang Pfizer at Moderna vaccine ay parehong base sa cutting edge mRNA (messenger ribonucleic acid) technology at pareho ring nagpakita ng 95% effectivity laban sa COVID-19.

May ilang side effects na naitala sa mga vaccine na ito tulad ng pain at the injection site, tiredness, headache, muscle pain, chills, joint pain, swollen lymph nodes, nausea, vomiting at fever.

Pero ayon sa US FDA, walang dapat ikabahala ang publiko dahil under monitoring na nila ang mga nakaranas ng side effects.

Plano nang ipadala sa US ang 20 milyong Moderna vaccine ngayong buwan at 80 milyon sa unang quarter ng 2021.

Samantala, ipamamahagi naman ang 100 milyong dose ng Moderna vaccine sa second quarter ng taon.

Distribusyon ng COVID-19 vaccine sa US, sisimulan na sa Disyembre

ni Thea Janica Teh | November 23, 2020

Sisimulan na ngayong Disyembre ang distribusyon ng COVID-19 vaccine sa US habang patuloy na tumataas ang bilang ng kaso rito.

Ayon kay Moncef Slaoui na isang American researcher, plano nito na maipadala ang mga vaccine sa immunization site sa loob ng 24 oras matapos itong aprubahan ng US Food and Drug Administration.

Nakatakdang magmiting ang mga US Food and Drug Administration advisers sa Disyembre 10 upang pag-usapan at mabigyan ng approval ang vaccine na gawa ng Pfizer at Moderna na napag-alamang epektibo na ng 95%.

Nasa 20 milyong residente ng US ang inaasahang mabibigyan ng vaccine ngayong Disyembre at may target na 30 milyon kada buwan. Pagdating ng Mayo, maaaring nasa 70% na ng populasyon sa US ang nabigyan ng vaccine.

Ito na rin umano ang simula na bumalik sa dating buhay ang mga tao bago magkaroon ng COVID-19. Samantala, pinag-iingat pa rin ni Slaoui ang lahat at sinabing "I really hope and look forward to seeing that the level of negative perception of the vaccine decreases and people's acceptance increase. That is going to be critical to help us."

Sa ngayon, hindi pa nasusubukan sa mga bata ang vaccine ngunit, ayon sa mga doktor, sisimulan na ang trial na ito at maaaring mag-umpisa ang pamamahagi ng vaccine sa mga bata sa ikalawang quarter ng taong 2021.