Facebook Boss Zuckerberg, binayaran ang UFC Fight Night

ni MC - @Sports | October 2, 2022

Magdaraos ang UFC fight show nang walang mga tagahanga o miyembro ng media pero tumanggi ang mixed martial arts promotion na sabihin ang dahilan.

Ang UFC ay magtatanghal ng 13-laban sa Fight Night card sa Apex Gym sa corporate campus sa Las Vegas ngayong Linggo, ngunit walang mga tagahanga o reporter na papapasukin.

Nagtatanghal ang UFC ng mga regular na card sa TV sa maliit na gym mula noong simula ng pandemya. Lalaban sa main event ang Strawweight Mackenzie Dern kontra kay Yan Xioanan sa main event.

Sinabi ng UFC na isa lang ang makakapasok sa loob at ito ay si Mark Zuckerberg, ang Facebook cofounder at Meta chief executive officer, na “nirentahan ang buong kaganapan.”

Si Zuckerberg ay isang kilalang tagahanga ng MMA na nagsanay sa isport. “Alam kong pupunta siya roon,” sabi ni Dern. “Pero hindi ko alam kung ito lang, parang literal na siya at ang asawa niya, kung magkakaroon siya ng mga kaibigan, o kung parang maliit na party lang. Hindi ko alam.

Excited ako, and that just makes me more driven to put on a good show. I know everyone’s watching on TV, but for Mark and whoever’s gonna be there, I’ll put on a show. Yun ang gusto nilang makita, is a show. Then we’re going para magbigay ng palabas.”

Tumanggi si UFC President Dana White na ipahayag ang dahilan ng pagsasara ngunit maging sa Twitter ay itinanggi niya na si Zuckerberg ay nag-book ng buong Apex gym para sa kanyang sarili.

Pinahintulutan ang mga reporter na i-cover ang opisyal na weigh-in kahapon ngunit hindi ang mga laban. Ipapalabas pa rin ng ESPN+ ang Fight Night gaya ng dati.

Casimero, may laban kay Japanese Akaho sa Disyembre

ni MC - @Sports | October 1, 2022

Isiniwalat ni dating WBO bantamweight champion John Riel Casimero na nakatakda siyang lumaban kontra sa beteranong Japanese boxer na si Ryo Akaho sa Disyembre.

Ginawa ni Casimero ang anunsiyo sa kanyang Facebook page. “Ito finally na talaga ang hinihintay ng lahat,” ayon sa hard-hitting native ng Ormoc na hindi na nakatuntong sa ring mahigit isang taon simula nang talunin nito si Guillermo Rigondeaux noong Agosto 2021.

Dapat ay ipagtatanggol ni Casimero ang korona ng WBO laban sa mandatory challenger na si Paul Butler ngunit nagkaroon ng mga isyu kaugnay sa weigh-in, na nag-udyok sa WBO na alisin sa kanya ang titulo.

Si Akaho ay isang beterano na may 39 na panalo, 2 pagkatalo na may 26 KOs. Sa kanyang pinakahuling laban, na-knockout niya ang Pinoy na si Edrin Dapudong.

Desidido si Casimero na makuha ang isang nakakakumbinsing panalo laban kay Akaho dahil ito ay maaaring humantong sa kanya sa isang shot laban sa WBA (Super), IBF at WBC bantamweight king Naoya Inoue. “Posibleng maglaban kami ni Naoya Inoue pagkatapos nito, kasi si Naoya Inoue last fight na lang daw niya tapos aakyat ng 122 so kailangan talaga nating matapos ang laban na ito para sa next fight ni Naoya Inoue,” wika ni Casimero.

Ang laban ay maaaring maganap sa alinman sa South Korea o Japan, aniya.

PVL: UA-ARMY ipaparada si Canadian player Condotta

ni VA - @Sports | September 30, 2022

Handa nang mag-ingay ang imamartsang pambatong import ng United Auctioneers-Army Lady Troopers na si Canadian spiker Laura “Loudy” Condotta upang tulungan si star hitter Sgt. Jovelyn Gonzaga na mahigitan ang nakuhang semifinal slot sa Premier Volleyball League (PVL) Reinforced Conference simula Oktubre 8.

Ipinaparada ng 25-anyos na Canadian outside spiker ang kanyang laro sa dalawang bahagi ng volleyball court, kung saan humahataw din ito sa lokal at pandaigdigang beach volleyball tournaments.

Susubukan ng 5-foot-8 Canadian hitter na buhatin ang Lady Troopers na mahigitan ang nakuhang semifinal spot sa pagkuha ng 3-3 kartada sa eliminasyon ng Invitational Conference, subalit lubusang inalat sa semifinal round-robin sa 0-4 para sa kabuuang 5th place finish na tinapos naman ang kanilang samahan sa Black Mamba para sa bagong pakikipagsanib sa United Auctioneers Inc.

“A tougher and reinforced army volleyball team will emerge! We are proud to announce our partnership with the Leading Auction Company in the Philippines, United Auctioneers Inc. Please watch and support us as we journey to grab the crown in the upcoming PVL Reinforced Conference 2022 this October!” ayon sa kanilang official Facebook page.

Bago tapikin si Condotta ng UA-Army ay nauna muna itong nagpasiklab sa Brock University Badgers sa Canada simula 2015-2020. Lumipad ito patungong Switzerland upang maglaro sa Raiffeisen Volley Toggenburg at AEK Larnaca sa Cyprus.

Makakasama rin nina Condotta at Gonzaga sa koponang gagabayan ni coach Emilio “Kungfu” Reyes sina Christine Agno, Mary Jean Balse-Pabayo, Nene Bautista, Joanne Bunag, Jeannie Delos Reyes, Mary Anne Esguerra, Sarah-Jane Gonzales, Jem Gutierrez, Michelle Morente, Angela Nunag, Genie Pabulayan, Audrey Paran, Ivy Perez, Honey Rose Tubino, at Jeanette Villareal.