De Guzman nakausad na sa Rnd-of-16 ng Badminton Open

ni MC @Sports | June 9, 2024

Sinimulan ni Mika De Guzman ang pagdepensa sa kanyang titulo sa women's singles ng Philippine Badminton Open 2024 sa bisa ng kinomandong 21-8, 21-7 victory laban kay De La Salle University's Mia Manguilimotan sa First Pacific Leadership Academy sa Antipolo City.

Sa kabila ng mababang iskor, kinailangan pa ng  three-time UAAP MVP ng 22 minuto upang mahawakan ang placing sa Round of 16. Nagpahayag naman ng kakuntentuhan si De Guzman sa kanyang naging solidong laro sa Philippine Super 500 tournament na ito na may basbas ng Philippine Sports Commission at suportado ng MVP Sports Foundation.

"Hindi ko rin po iniisip na defending champion ako, but in my heart and in my mind, sabi ko na I need to give my 100 percent sa game and no regrets. So far, I still got my 100 percent po," ayon sa 2023 APACS Kazakhstan International Series champion.

Haharapin ni De Guzman ang pamilyar nang kalaban na si Anthea Gonzalez ng University of the Philippines, na nagwagi kontra Sarah Joy Barredo ng National University sa scores na 21-23, 21-17, 21-14 sa Round of 16.

"I will just have to give my best every game, kasi kapag binigay ko po 'yun, makikita ko po yung result na gusto kong kalabasan. I know na top players from their schools 'yung makakalaban ko. Kaya kailangan ko talagang ibigay 'yung best ko kasi wala namang kalaban na madali. I'm actually excited to play against everyone po," ayon sa 22-year-old St. Paul College Pasig alumna.

Ang naturang tagumpay ay hindi naduplika sa  men's side, nang talunin ni Clarence Villaflor ng Cadiz-JBA/Apacs ang titleholder na si Mark Velasco sa nakagugulat na 21-17, 21-13 win sa Round of 32 ng kompetisyon.

Batang Pier nilunod ang Bossing sa Caloocan

ni Clyde Mariano @Sports | April 27, 2024

Muling pinatunayan ni Arvin Tolentino na tiyak maaasahan siya pagdating sa kagipitan at dinala ang North Port Batang Pier sa 115-113 na panalo sa Blackwater Bossing sa Philippine Cup sa Caloocan City Sports Complex.

Umiskor ang dating Ginebra hotshot jumper sa huling pitong seconds sa challenging defense ni Chistian David at ibigay ang mahalagang panalo at pigilin ang panglimang sunod na talo at palakasin ang quarterfinals campaign sa kartadang 5-6.

“The final game was designed to Tolentino and he did it in style,” sabi ni coach Bonnie Tan matapos iligtas ni Tolentino ang North Port sa nagbantang panganib.

“He is our franchise player. I instructed him to do the last play. Salamat muli niya uling nagawa ang dalhin sa panalo ang team,” wika ni Tan.

Sinira ni Tolentino ang huling deadlocked 113-all. Umiskor ang dating Gilas Pilipinas stalwart ng game high 27 point, 12 rebounds at seven assists at ang kanyang huling shot ang susi sa panalo ng North Port.

May pag-asa pang maipanalo ng Blackwater.Subalit ang desperate shot ng dating Rain or Shine player ay sumablay at naitakas ng North Port ang panalo.

Umiskor si Tolentino ng 10 points, kasama ang huling walong baskets sa 1:42 seconds. Mayroon siyang dalawang charities sa huling 47 seconds at naitabla ng North Port 113-all matapos maghabol ng six points.

Nag-ambag si Joshua Monzon ng 16 points, limang rebounds at anim na assists at si Danny Cuntapay ay 15 points, kasama ang 5-of-8 sa three-point area.

Umiskor si dating Talk ‘N Text gunner Troy Rosario ng 33 points at si Christian David ay 26 points. Subalit hindi sapat ang kanilang pagsusumikap at sumadsad ang Blackwater sa kartadang 3-9.

Tecno at Echo wagi sa MPL Season 13, PSC, nagdaos ng IP games sa Ilocos

ni MC / Rey Joble @Sports | April 21, 2024

Naiposte ng Tecno ang kanilang ika-anim na sunod na panalo matapos walisin ang Onic Philippines, 2-0, sa MPL Philippines Season 13.

Pinutol naman ng ECHO ang tila lumalakas na laruan ng Smart Omega, ito ay matapos ang mas inspiradong laban nila sa Game 2, dahilan para manaig, 2-0. Sumandal ang ECHO kay Karl "KarlTzy" Nepomuceno, na pinaandar ang  Nolan para tulungan ang Orcas at tuluyang idispatsa ang Omegas.

Para kay  ECHO Coach Harold "Tictac" Reyes, ang mas eksperyensadong manlalaro nila ang siyang nagdala para sa Orcas. “Matibay lang talaga siguro kami mentally,” ang sabi ni Coach Tictac.

Matapos ang panalo, napatibay ng ECHO ang kanilang pagkapit sa ikatlong puwesto kung saan mayroon na silang 6-3 kartada samantalang nalaglag sa 1-8 ang Smart Omega.

Samantala, bukas na sa pagpapa-rehistro para sa Snapdragon Pro Series: Mobile Legends Bang Bang Season 5. Bukas ito para sa lahat ng mga manlalaro sa Timog Hilagang Asya. Muling masusubukan ang kakayanan ng mga Pilipinong manlalaro sa matinding hamong kanilang kakaharapin sa mga dadayong kalaban sa rehiyon.     

Samantala, pormal na binuksan ang Indigenous People’s Games sa Salcedo town Ilocos Sur nang makatanggap ng mainit na pagsalubong ang Philippine Sports Commission sa 271 na mga kalahok sa  14 na bayan sa isang malapiyestang opening ceremony.

Nagpasalamat ang Salcedo Municipal Mayor kay PSC Commissioner Matthew ‘Fritz’ Gaston, ang oversight commissioner ng proyekto sa pagdadala ng laro sa kanilang lugar dahil positibo ang pagtanggap nito sa IP communities.

“Nagpapasalamat ako sa PSC. Hindi ko akalain na mapili ang Salcedo na mag-host ng kauna-unahang IP Games ngayong taon. Sa pamamagitan po nito, mapo-promote pa namin lalo ang aming bayan,” ayon kay Gironella-Itchon, ang alkalde.