Inoperahan sa lalamunan si Fajardo

ni MC - @Sports | October 16, 2022

Inaasahang ilang games na hindi makalalaro ang San Miguel Beer superstar na si June Mar Fajardo matapos sumailalim sa operasyon sa kanyang lalamunan.

Ito ay matapos siyang tamaan ng wayward elbow sa leeg ng import ng Rain or Shine na si Steve Taylor Jr. Isiniwalat ni San Miguel coach Leo Austria na kinailangang sumailalim sa operasyon ang kanilang star player para iayos ang cartilage sa kanyang larynx.

Inaasahang makakaapekto ito sa kampanya ng Beermen’s PBA Commissioner’s Cup dahil ang 6-time MVP ay gumaganap ng mahalagang bahagi sa kanilang pag-ikot.

Nangangahulugan din ito na ang reinforcement ng SMB na Diamond Stone ay bibigyan ng mas maraming pagkakataon upang patunayan ang kanyang sarili.

Si Stone, isang huling minutong kapalit sa nasugatang si Thomas Robinson ay umiskor ng 42 puntos sa kanilang 113-105 panalo laban sa Painters.

Figure skater Martinez, coach ng PSU; Escollante at NYBL sa TOPS

ni MC - @Sports | October 13, 2022

Tila nag-eenjoy ngayon ang beterano ng Sochi Olympic Winter Games na si Michael Christian Martinez sa kanyang bagong tungkulin bilang coach ng mga bata at promising figure skaters sa ilalim ng Philippine Skating Union (PSU).

Matapos manatili sa US ng ilang taon, bumalik si Martinez sa bansa noong nakaraang linggo sa imbitasyon ni PSU president Nikki Cheng, na nag-alok sa atleta ng trabaho pagkatapos ng exodus ng PSU-accredited coaches sa ibang mga trabaho sa nakalipas na dalawang taon dahil sa mga lockdown na dulot ng pandemya ng COVID-19.

“Napaka-short-handed namin, lalo na sa mga high level na coach, kaya napapanahon ang pagdating ni Michael para tulungan kami,” sabi ni Cheng, idinagdag na sinimulan ni Fernandez ang kanyang bagong coaching stint sa SM Megamall skating rink kasama ng mga skater sa developmental pool ng PSU .

Samantala, usapang basketball at kayaking ang sentro ng talakayan sa Tabloids Organization in Philippine Sports, Inc. (TOPS) ‘Usapang Sports’ ngayong Huwebes (Oct. 13) sa Behrouz Persian Cuisine sa Sct. Tobias, Brgy. Laging Handa, Quezon City.

Inaasahang magbibigay ng kanilang prediksyon, programa at kahandaan ang ilang mga coach ng mga kalahok na koponan sa ilulunsad na National Youth Basketball League (NYBL) Season tulad nina JC Docto ng Cavite, Raul Bicol ng Batangas, Mel Alas ng Quezon, Cindrey Balignasay ng Antipolo City, Pablo Lucas ng Laguna, Emerick Sajote ng Makati at Zia Dela Cruz Poquiz ng Marikina.

Ateneo, champ sa MPS; Adiwang, balik Octagon

ni MC - @Sports | October 13, 2022

Naghari ang Ateneo de Manila University's Loyola Gaming Helios sa Mobile Legends: Bang Bang Pro Series (MPS) SEA Campus Invitational Summer 2022 mula sa isang Filipino-Vietnamese tournament na idinaos nitong weekend.

Winalis ng Ateneo ang kapwa Pinoys na San Sebastian College-Recoletos Golden Stags, 2-0 tungo sa invitational title. Ang Ateneo rin ang defending champion sa Collegiate Center for Esports’ (CCE) University Clash Invitationals.

Sa kabuuan, 4 na teams mula sa Pilipinas at 4 na teams mula Vietnam ang lumahok sa kompetisyon kung saan ang semifinals ay binuo ng all-Pinoy showdown.

Pumasok sa final 4 ang Collegiate powerhouse Lyceum of the Philippines University Pirates at University of Santo Tomas’ Teletigers Esports Club na pawang mga tinalo rin ng Ateneo para makapasok sa finals. Naiuwi ng Ateneo ang $600 (P36,000) bilang premyo. Lumahok din ang Vietnamese squads na Dangerous Guys Team, Chi Thơ Ngok, Nextplay Esports, at CĐ Kinh Tê TP Ho Chi Minh sa kompetisyon.

Samantala, halos magaling na ang natamong ACL injury ni hard-hitting mixed martial arts strawweight Lito Adiwang matapos ang 7 buwang pagpapagaling at rehabilitasyon.

Huling sumabak sa aksyon ang 29-anyos na si Adiwang nang matalo siya sa kapwa Pinoy na si Jeremy Miado noong Marso sa ONE X kung saan nakuha niya ang kanyang injury.

Nanalo ang kinatawan ng Team Lakay sa laban hanggang sa mapunit niya ang kanyang kanang ACL sa ikalawang round na nagresulta sa anticlimactic na pagtatapos sa paligsahan sa pamamagitan ng technical knockout. “Kaunting push pa at babalik na ako.

Nagpapalakas na lang at ibinabalik ang reflexes. Nagulat ang doktor ko kasi mabilis ang recovery ko,” ani Adiwang.