Vander Weide, Best Import at MVP, Paat, Finals MVP Awardee

ni Gerard Arce / MC - @Sports | December 8, 2022

Nasungkit ng Petro Gazz ang kampeonato nitong Martes matapos umiskor ng 25-17, 22-25, 25-12, 25-22 panalo laban sa Cignal sa Premier Volleyball League Reinforced Conference sa PhilSports Area sa Pasig City kamakalawa ng gabi.

Kumamada si import na si Lindsey Vander Weide na may 19 puntos para sa Angels, na nakaligtas sa Game One, 25-21, 27-25, 37-35 noong Huwebes. Itinanghal siyang Best Import at Finals MVP awards. “Sobrang saya (we very happy), given the sacrifices by the players. Sulit na sulit (we made it),” ani coach Rald Ricafort.

Nagdagdag si Mary Remy Joy Palma ng 18 puntos, si Myla Pablo ay may 17 at si Mar-Jana Phillips ay umiskor ng 12 puntos.

Sa panig ng HD Spikers, pinangunahan ni Ces Molina ang Cignal na may 14 puntos habang nag-ambag ang import na sina Tai Bierria at Roselyn Doria ng 12 at 11 puntos, ayon sa pagkakasunod. Nakabawi naman ang Creamline mula sa pagkatalo sa ikatlong set para talunin si Chery Tiggo, 25-15, 25-19, 23-25, 25-21, para tumapos sa ikatlo.

“Hindi namin nakuha ang grand slam pero mas maraming pagkakataon para makuha ito,” ani Creamline head coach Sherwin Meneses matapos ang laban. “Hindi naman talo sa amin, one game at a time. Magiging intact pa rin kami kaya may chances.”

Nagawa ng Chery Tiggo Crossovers na dominahin ang ikatlong set, sinamantala ang kawalan ng team captain ng Creamline na si Alyssa Valdez na nagtamo ng kanyang kanang tuhod.

Nangunguna si Mylene Paat na may 19 puntos para sa Crossovers, na nakakuha rin ng 13 puntos mula sa import na si Jelena Cvijovic. Nagdagdag si Ennajie Laure ng 11 puntos habang si Czarina Grace Carandang ay may 10 puntos.

Last 8: Croatia, Morocco, France Portugal at England, aabangan

ni MC - @Sports | December 8, 2022

Opisyal nang natapos ang round-of-16 ng 2022 Qatar World Cup at walong team na lamang ang nalalabi upang pag-agawan ang inaasam na tropeo ng torneo, babanat na sila sa quarterfinals.

Kinatatampukan sila ng pinakamalulupet na elite men's national teams—Brazil (No. 1), Argentina (No. 3), France (No. 4), England (No. 5), Netherlands (No. 8) at Portugal (No. 9)—na nasa top 10 ng FIFA world rankings. Ang Croatia (No. 12) at Morocco (No. 22) ang iba pang teams na nalalabi sa bracket makaraan ang makapigil hiningang paglaglag sa Japan at Spain.

Ang mga astiging team ay maghaharap na para sa semifinals spot na aabangan ay ang Croatia vs. Brazil (10 a.m. ET, sa Education City Stadium) habang ang Netherlands vs. Argentina ng 2 p.m. ET, Lusail Stadium sa Dis. 9.

Pagdako ng Sabado, babanat ang Morocco vs. Portugal (10 a.m. EST, Al Thumama Stadium) at ang England vs. France (2 p.m. EST, Al Bayt Stadium). Unang tinalo ng national football team Brazil ang koponan ng South Korea sa iskor na 4:1 sa 1/8 final match ng World Cup sa Qatar noong Lunes.

Nanguna sa panalo sina Vinicius ng Brazil (ika-7 minuto), Neymar (13, mula sa penalty spot), Richarlison (29), Lucas Paqueta (36). Naiskor ni Paik Seung-ho ang tanging goal para sa South Korea sa ika-76 na minuto.

Ito ang unang pagkakataon mula noong 2010, nang makapasok ang pambansang koponan ng South Korea sa playoff ng World Cup. Nagho-host ang Qatar ng 2022 FIFA World Cup sa pagitan ng Nobyembre 20 at Disyembre 18 sa walong stadium sa limang lungsod sa buong bansa ng Persian Gulf, katulad sa Doha, Lusail, Al Wakrah, Al Khor at Al Rayyan.

Nag-viral na pang-iisnab ng Titans player sa Boracay, ipinaliwanag

ni MC - @Sports | December 7, 2022

Ipinagtanggol ng pamunuan ng Choco Mucho ang Flying Titans laban sa mga bashers sa mga ulat na ini-snub nila ang kanilang mga tagahanga na lumapit sa kanila habang namamasyal sila sa Boracay.

“The team was in Boracay recently for a short break after a busy year of heartbreaking finishes.

A video clip from that trip went viral, with netizens portraying some of our players as snubs who lack good manners and right conduct,” sabi ng management sa isang pahayag na inilabas.

“Sa kasamaang palad, ang hindi kasama sa viral clip ay ang iba pang mga video online na nagpapakita ng pagkilala at pakikipag-usap ng mga manlalaro sa mga tagahanga at pag-accommodate ng mga selfie at video kasama sila habang sinusubukang magpahinga,” dagdag nito.

Sa viral video, nakitang sumasakay ng shuttle ang mga manlalaro ng volleyball habang binabati sila ng fans. Umani ito ng mga batikos mula sa publiko, kabilang ang host ng telebisyon na si Kim Atienza, na nagsabing ito ay “nakakairita ngunit nakakalungkot na tanawin.”

Ngunit sinabi ng pamunuan ng Choco Mucho na alam ng mga tagahanga ng koponan “kung gaano kainit, magalang, mapagpahalaga, at matulungin ang mga kababaihan. “Bagama’t kinikilala namin na mas mahusay na mahawakan ng aming team ang partikular na engkwentro sa video, tinutuligsa namin ang mga nakakahamak na post na naglalagay sa aming mga manlalaro, aming koponan, at aming kumpanya sa pangit na imahe,” dagdag nito.

Nagtapos ang Flying Titans na ikapito sa 2022 Premier Volleyball League Reinforced Conference.