Filipina rider Krog, nagmalupit sa Stage 10 ng Biwase Cup

ni MC @Sports | March 19, 2023

Napagkait man sa Team Philippines ang podium finish sa 10th at final stage ng 13th Biwase Cup noong Biyernes nagawa pa rin ng Filipinas riders na patalasin ang kanyang performance para sa kanilang kampanya sa Cambodia sa 32nd Southeast Asian Games sa May.

Lahat ng 5 miyembro ng national women’s team na sina Avegail Rombaon, Mhay Ann Linda, Marianne Dacumos, Mathilda Krog at Kate Yasmin Velasco ay tumagpas ng isang minuto na kabuntot ng stage winner na si Lam Thi Kim Ngan ng host country na naghari sa 120-km final stage sa 2 oras at 44 minutes.

Ang dalawang iba pang Filipinas - dating national riders na sina Maura de los Reyes at Jelsie Sabado na pumedal para sa Mixed Team ay nasa big group din sa stage noong Biyernes subalit dumanas ng ilang sunod na pagsemplang, maging si Velasco.

Pero si Velasco-ayon sa coaching staff na binubuo nina Alfie Catalan, Marita Lucas at Joey de los Reyes ay nakabawi matapos ang pagsemplang. Itinakda ang pagsusuri sa kanyang kalagayan kahapon pagkauwi ng Pilipinas.

Sa kabuuan, mabunga ang pagpedal ng Team Philippines sa karera na inorganisa ng Vietnam Cycling Federation (VCF) na binubuo nina Velasco, Krog, de los Reyes at maging ng international first-timer sa intermediate sprints.

Ang Team Philippines na isinabak sa karera ng PhilCycling bilang paghahanda para sa Cambodia SEA Games ay suportado ng Philippine Olympic Committee, Philippine Sports Commission at Tagaytay City.

Pumampito sa 18 teams sa team general classification na pinangunahan ng home squad Tuyen Biwase-BinhDurong

Ang Filipinas na nakatakdang pumedal sa ibang bansa bilang bahagi ng pagpapalakas sa women's program ng Philcycling ay nakitaan ng potensiyal nang tumersera sa Stage 1 at 2nd sa Stage 9.

Krog at Team PHL, umariba sa Stage 9 ng Biwase Cup

ni MC @Sports | March 18, 2023

Nagawang umangat ni Mathilda Krog sa intermediate podium maging ang Team Philippines na maabot ang best finish sa penultimate Stage 9 ng 13th Biwase Cup sa Vietnam noong Huwebes.

Naungusan ni Krog, mainstay ng Philippine Navy-Standard Insurance squad ang tatlong Vietnamese sa isang makapigil-hiningang yugto na pumangalawa sa dalawang intermediate sprints ng 115-km stage na nagsimula sa Lagi Town sa Binh Thuan hanggang VungTau City.

Nanguna rin ang anak ng PhilCycling national team coach na si Marita Lucas sa tatlong Philippine top 10 finish nang pumangpito na nauna kay Marianne Dacumos (eighth) at Jelsie Sabado (ninth) sa karera na pinagharian ni Vietnamese Tran Thi Thuy Trang sa pagtatapos na 2 oras, 54 minuto at 42 segundo.

Dumating si Kate Yasmin Velasco, Avegail Rombaon, Maura de los Reyes at Mhay Ann Linda sa malaking sixth group na dikit sa isa at kalahating oras na bumubuntot sa Team Philippines na isinabak sa karera ng PhilCycling bilang paghahanda sa Cambodia 31st Southeast Asian Games na suportado ng Philippine Olympic Committee, Philippine Sports Commission, Tagaytay City at MVP Sports Foundation.

With the Filipinas on the attack, Team Philippines took second place for team stage honors behind overall leader Tuyen Biwase-Binh Duong. Team Philippines, however, remained at seventh place in the team general classification by more than 38 minutes behind the top Vietnamese squad.

Bahagyang nakausad ang Filipinas sa general classification, umibayo si Dacumos para sa No. 16, lumayo sa tatlong posisyon si Velasco sa No. 25 habang si De los Reyes ay nalagay sa No. 27.

Si Rombaon ay nasa 34 mula sa 30th, si Sabado ay nasa 37 mula 38th, Krog 39th mula 42nd at si Linda ay 58 mula 57th sa general classification.

Team PHL rookie Linda, sprint podium sa Biwase 7th Stage

ni MC @Sports | March 16, 2023

Sa wakas ang ganda ng naging resulta ng laro ni Mhay Ann Linda sa una niyang international race sa Stage 7 ng 13th Biwase Cup sa Vietnam noong Martes.

Bagito ng Team PHL na humalibas na sa labas para sa Team Excellent Noodles, malakas sa una sa dalawang intermediate sprint ng 135-km stage at nagtapos na 3rd kasunod ng Vietnamese at una sa ka-teammate na si Kate Yasmin Velasco.

Ang nakasosorpresang karera na iyon ni Linda ang nagmarka sa matinik na pedal ng Nationals at tumersera sa yugtong ito na idinaos sa Phan Rang City at natapos sa Phan Thiet City ng Binh Thuan Province.

Nag-1-2 ang Vietnam team Tuyen Tp Hcm Vinama at Malaysian squad at bumuntot ang Pinay team na pinadala rine ng PhilCycling bilang paghahanda sa Cambodia 31st Southeast Asian Games na sinuportahan ng ng Philippine Olympic Committee, Philippine Sports Commission, Tagaytay City at MVP Sports Foundation.

Magilas din si captain Avegail Rombaon para sa bansa na tumersera sa mga team sa karerang dinomina nina Taiwan’s Lei Ying-Hsiu at Vietnaese Nguyen Thi Thu Mai at Bui Thi Quynh. Isa pang pulutong na pagtatapos sa lahat ng mga siklista na may pare-parehong 3 oras, 5 minuto at 34 segundo. May time bonus para sa unang tatlo sa stage at intermediate sprints.

Nasa 11th place si Pinay Maura De los Reyes ng Mixed Team habang halos mauna si Velasco na pumang-14 sa yugtong ito. Pinakamataas na puwesto ni Linda ang pang-19, kasunod sina Mathilda Krog (pang-28), Mixed Team rider Jelsie Sabado (42) at Marianne Dacumos (48).

Si Batriya Chaniporn ang nakapuwesto sa general classification 23 segundo ang layo sa kapwaThai Somrat Phetdarin at 1:05 kay Quynh.