top of page
Search

Mula Mayo 16 – Hunyo 1.. 10 lugar, nagpatupad ng water service interruptions — Maynilad

  • BULGAR
  • May 16, 2022

ni Lolet Abania | May 16, 2022



Sinimulan na ng Maynilad Water Services Inc. (Maynilad) ngayong Lunes, Mayo 16, ang kanilang implementasyon ng service interruptions sa 10 lugar upang mapangasiwaan ang lebel ng tubig sa reservoirs.


Ayon sa Maynilad, ang mga kostumer ay makararanas ng service interruptions mula alas-10:00 ng gabi hanggang alas-4:00 ng madaling-araw sa ilang bahagi ng mga sumusunod na lugar mula Mayo 16 hanggang Hunyo 1:


• Caloocan

• Makati

• Malabon

• Manila

• Navotas

• Parañaque

• Pasay

• Quezon

• Valenzuela

• Bulacan


Ayon sa Maynilad, ito ay para ma-manage nang maayos ang mabilis na pagbaba ng lebel ng tubig mula sa reservoirs sanhi ng mataas na demand ng tubig sa umaga.


“This will enable us to refill our reservoirs at night in preparation for the daytime peak demand,” paliwanag ng Maynilad.


Pinapayuhan naman ng Maynilad ang mga apektadong kostumer na agad na mag-ipon ng sapat na tubig habang available pa ito sa umaga.


Paalala ng Maynilad sa mga kostumer, kapag bumalik na ang serbisyo ng tubig, hayaan muna na dumaloy saglit ito hanggang sa maging malinaw na ang lumalabas na tubig.


Sinabi rin ng Maynilad, ang mga mobile water tankers ay naka-stand-by lamang at handang mag-deliver ng potable water kung kinakailangan. Alas-6:00 ng umaga ngayong Lunes, nai-record ang water level sa Angat Dam na nasa 191.11 meters, kung saan mas mababa kumpara sa normal high water level nito na 210 meters.

 
 

Simula bukas hanggang Abril 30... Water interruption sa Maynila

  • BULGAR
  • Apr 24, 2022

ni Zel Fernandez | April 24, 2022



Nag-abiso ang Maynilad sa kanilang isasagawang weekly maintenance activity, na posibleng makaapekto sa suplay ng tubig sa West Zone, simula bukas.


Batay sa anunsiyo, simula bukas, Abril 25 hanggang 30, ipatutupad ng Maynilad Water Services ang weekly maintenance activity sa ilang lugar sa Metro Manila at Bacoor City, Cavite.


Sa detalye ng ulat, kabilang sa maaapektuhan ng water interruption ang 20 barangay sa Malabon,10 barangay sa Maynila, 3 sa Navotas, 4 sa Valenzuela, 8 sa Quezon City at 2 sa Bacoor City.


Ayon sa Maynilad, ang naturang lingguhang pagsasaayos sa mga linya ng tubig sa mga tinukoy na lugar ay bahagi ng patuloy na pagpapahusay pa ng water services sa West Zone area.


Dahil dito, pinapayuhan ang mga apektadong konsumer na mag-imbak ng sapat na tubig sa mga araw na magkakaroon ng water interruption.


Gayunman, tiniyak ng Maynilad na mayroong mga water tanker na naka-standby at handang mag-deliver ng tubig sa mga apektadong komunidad kung kinakailangan.





 
 
RECOMMENDED
bottom of page