Marikina, pabahay at trabaho ang kailangan — Mayor Teodoro

ni Ronalyn Seminiano Reonico | November 17, 2020

Ipinanawagan ni Marikina City Mayor Marcelino Teodoro sa national government na magsagawa ng rehabilitasyon sa Marikina Watershed matapos ang matinding pagbaha na dulot ng Bagyong Ulysses, gayundin ang pagpapatigil sa quarrying.

Pahayag ni Teodoro, “I think we should seriously look into this matter and laws should be properly implemented.

“Quarrying activities in the upstream area at the Marikina River should also be stopped at least at this point in time and be properly regulated.”

Aniya pa, “The utilization of funds should be diverted for mitigation and preparedness, not simply for relief and rehabilitation.”

Nais din ni Teodoro na magkaroon ng programa ang pamahalaan kaugnay ng epekto ng climate change.

Aniya, “We should address this issue now. Not rhetorically or mere pronouncement but there should be a statutory framework that would comply everybody to provide programs and activities to address the effects of climate change.”

Ang river system sa buong Luzon umano ang kailangang isailalim sa rehabilitasyon upang maiwasan ang matinding pagbaha.

Aniya, “Our call really is for an integrated approach. A whole of government approach so we could effectively collaborate and address the problems brought about by climate change.”

Samantala, humingi rin ng tulong si Teodoro para sa pag-ayos at pagtayo ng bahay ng mga naapektuhan ng Bagyong Ulysses.

Aniya, “Ngayon, nakikita na namin ang extent ng damage ng bagyo, we are now requesting for housing materials for those affected and if there will be some volunteers who would like to help, puwede siguro in house rebuilding.

"Ang iba naman totally, dahil light materials 'yung kanilang bahay, inanod at nasira, wala na silang bahay na babalikan."

Tinatayang aabot pa sa 3,880 pamilya ang nananatili sa mga evacuation centers matapos malubog sa putik ang kanilang mga bahay.

Trabaho rin para sa mga residente ng Marikina ang isa pa sa mga panawagan ni Teodoro.

Aniya, “Isang panawagan din namin sa mga employer, maliban doon sa mga itinutulong na mga relief goods, nakakatulong po 'yun sa ngayon, pero ang kailangan po ng aming mga kababayan ay trabaho.

“Ang Department of Labor and Employment (DOLE) ay nagbigay ng mga emergency employment, ‘yung mga cash-for-work ng Department of Social Welfare and Development (DSWD), pero ‘yung emergency employment na ‘yun ay para sa sampung araw lamang. Ang trabaho na gagawin ng employed under the program ay maglinis.”

Klase sa Marikina, 1 month suspendido

ni Ronalyn Seminiano Reonico | November 16, 2020

Suspendido nang isang buwan ang klase sa lahat ng antas, pampubliko at pribadong eskuwelahan, sa Marikina City simula ngayong araw, November 16 dahil sa matinding epekto ng pananalasa ng Bagyong Ulysses.

Ayon kay Mayor Marcelino Teodoro, “unstable” ang internet sa lungsod at nasira rin ang ilang modules ng mga estudyante dahil sa pagbaha matapos umapaw ang Marikina River. Aniya, “One-month suspension [of classes] from this week, starting today (November 16) and for the next four weeks.

“Paano makakapagklase iyong mga bata maski may module at gadget siya kung nakalubog sa putik ang kanyang paa habang nag-aaral?”

Ayon kay Teodoro, prayoridad sa lungsod ang clearing and cleaning operations at kung matatagalan pa ito at lalagpas nang isang buwan, may posibilidad umanong i-extend ang suspension ng klase. Aniya,

“We need to establish a proper environment. ‘Yun ang tingin ko na kailangang-kailangan nating gawin sa ngayon.”

Marikina City, isinailalim na sa state of calamity

ni Thea Janica Teh | November 13, 2020

Isinailalim na ni Marikina City Mayor Marcy Teodoro ang kanilang lungsod sa state of calamity ngayong Biyernes dahil sa naging epekto ng Bagyong Ulysses. Ito umano ay para mabigyan ng pagkakataon ang mga residente na makabawi sa hirap at pinsalang nararanasan ngayon.

Dagdag pa ni Teodoro, hindi lang sa baha apektado ang mga residente ng Marikina kundi pati na rin sa COVID-19 pandemic. Nitong Huwebes, dahil sa malakas na pag-ulan na dala ng bagyo, umapaw ang ilog ng Marikina na naging sanhi ng mabilisang pagtaas ng baha sa lungsod.

Kaya naman idineklara rin sa lungsod na suspendido ang online at distance learning classes hanggang Martes upang mabigyan ng pagkakataon ang mga estudyante na ma-retrieve ang mga modules na nabasa ng baha.

Bukod pa rito, magtatalaga rin ng mga doktor sa bawat barangay ng lungsod upang masiguro ang kaligtasan ng kalusugan ng mga residente.

Sa pagdedeklara ng state of calamity, may karapatan ang lungsod na magkaroon ng calamity fund na makatutulong sa mga residente na makaahon muli.