Pramis, BFF daw sila, 'di enemies… NADINE, BINIGYAN NI MARIAN NG P50 K LABUBU DOLLS

ni Erlinda Rapadas @Teka Nga | Nov. 9, 2024

Photo: Nadine Samonte at Marian Rivera - Instagram

Halos maiyak sa tuwa si Nadine Samonte nang matanggap ang padalang Pop Mart Doll mula kay Marian Rivera. 

Isang malaking Angel in the Cloud Labubu doll na nagkakahalaga ng higit sa P50K at may personal na dedication mula kay Marian ang ipinadala kay Nadine. 

Matatandaan na naging magkaibigan sila ni Marian nang magkasama sa seryeng Super Twins (ST) ng GMA-7, kung saan si Marian ang gumanap na nanay nina Nadine at Jennylyn Mercado.

At kahit may mga issues noon si Marian, ayos pa rin ang kanilang samahan at napatunayan niyang magkaibigan sila ni Nadine at hindi sila nag-aagawan sa mga Labubu dolls. 

Siguro naman, matitigil na ang pamba-bash kay Nadine Samonte dahil mismong si Marian Rivera na ang nagpapatunay na magkaibigan sila. 

---

Mga starlet at movie produ ang target…

BAGUHANG DIREKTOR, NAMIMIGAY NG MGA IMBENTONG AWARDS PARA KUMITA

BLIND ITEM:

IBANG klase ang raket ngayon ng isang hindi kasikatang direktor. Palibhasa'y wala siyang mga movie projects na ginagawa, naisipan niyang magbigay ng mga “imbentong” awards sa mga baguhang artista at movie producers na willing magbayad para lang makakuha ng award. 

Hindi naman nagtanong o nagduda ang mga binibigyan ng award kung legit at rehistrado ba ang mga ibinibigay nito.

Target ng hindi sikat na direktor ang mga baguhang artista at movie producers na handang magbayad para magka-award lang. 

Bukod sa pagbibigay ng mga imbentong awards, nangongontrata rin siya ng mga shows sa mga probinsiya. Kumukuha siya ng mga artistang jobless at pinapangakuan ng malaking talent fee (TF), pero pagkatapos ng show at nakuha na ang bayad, halos kalahati ng TF ng mga artista ang kinakaltas niya.

Kaya naman sira na ang imahe ng direktor sa ibang mga artista, bistado na kasi ang raket niya. Mas malaki pa ang kita ng nasabing direktor kaysa sa mga artistang napapagod sa mga out-of-town shows. 

Sey ng mga nabiktima ng direktor, “May karmang katapat ang panloloko ni direk!”

---

After umamin sa relasyon… PAG-AMIN NINA COCO AT JULIA SA MGA ANAK NILA, INAABANGAN

NGAYONG inamin na ni Coco Martin na 'katuwang' niya sa buhay na nagmamahal sa kanya si Julia Montes, ang next na inaabangan ng lahat ay ang pag-amin nilang kasal na sila at may tatlo nang anak.

Ilang taon na ring usap-usapan ang relasyong Coco at Julia pero talagang tahimik ang dalawa at pangiti-ngiti lang tuwing inuurirat sa kanilang love life, bagama't ang mga malalapit na kaibigan at katrabaho nila ay alam na alam ang tunay na namamagitan sa dalawa.

Ang ipinagtataka lang ng mga fans nina Coco at Julia, paano nagiging normal ang buhay ng mga anak nila kung totoo mang hindi nila inilalabas ang mga bata para maitago mula sa mata ng publiko?

Naka-homeschooling ba ang mga ito? Paano ipinapasyal nina Coco at Julia ang mga bata para magkaroon ng normal na childhood? 

At kung sakaling nagkakasakit ang mga bata, ang doktor din ba ang pumupunta sa bahay nila?

Well, masasagot lang ang tanong ng bayan kapag finally ay sina Coco at Julia na ang mismong nagsalita at kumumpirma ng matagal nang haka-haka ng taumbayan.

---

Gusto ng parents na maging lawyer… 

VICE, YUMAMAN NANG TODO SA PAGIGING COMEDIAN

PANGARAP noon ng mga magulang ni Vice Ganda na maging abogado siya, pero sa showbiz nga luminya si Vice at dito siya sumikat nang husto. 

Abogado raw kasi noon ang lolo ni Vice at ang tatay niya ay sinubukang mag-aral upang maging abogado.

Hindi man naging lawyer si Vice, malayo naman ang narating niya at nakapagpundar ng maraming properties. Siya na rin ang tumatayong mentor ng mga baguhang stand-up comedians na nangangarap ding mapansin at mabigyan ng break. 

May ilang artista ring malalapit kay Vice Ganda tulad nina Ryan Bang at Awra Briguela na itinuring niyang mga anak-anakan. Nagtayo pa siya ng comedy bar upang bigyan ng break ang mga aspiring comedians. 

Araw-araw na nagho-host si Vice Ganda sa It's Showtime (IS) at natapos pa niya ang pelikulang entry sa MMFF 2024, ang And The Breadwinner Is.

Nasa peak ng kanyang tagumpay sa career si Vice Ganda ngayon. Isa rin siya sa Top 10 highest-earning showbiz personalities at masaya siya sa kanyang love life.

Ano nga ba ang legacy na maiiwan ni Vice Ganda sa showbiz sakaling magretiro siya? Meron kaya? 

Misis ni Dingdong, parang bumalik sa pagkabata… NETIZENS KAY MARIAN: IPINAMBILI NG LABUBU DOLLS, I-DONATE NA LANG

ni Erlinda Rapadas @Teka Nga | Nov. 8, 2024

Photo: Marian Rivera at mga Labubu dolls - Instagram

Marami ang labis na naiinggit ngayon sa tagumpay at kasikatan ng Primetime Queen na si Marian Rivera. Sa kabila ng pagiging mommy at wife, mabenta pa rin siyang product endorser at kumikita sa takilya ang kanyang mga pelikula. 

Nagkamit na rin siya ng ilang acting awards, bukod pa sa pagiging Box Office Queen. 

At ngayon, ang kanyang collection ng Pop Mart Labubu dolls ay ginagawan ng isyu ng mga bashers. Dapat daw ay i-donate na lang ni Marian ang perang ipinambili niya ng mga Labubu dolls na sobrang mahal.

Depensa naman ng mga fans at supporters ni Marian, pati ba naman ang libangang ito ng aktres ay kailangan pang pakialaman ng mga inggiterong bashers? 

Sariling pera naman ni Marian ang ginagamit niya sa pagbili ng mga Labubu dolls. At kung charity projects ang pag-uusapan, matagal na itong ginagawa nina Marian at Dingdong Dantes. Lagi silang nagdo-donate kapag may kalamidad na dumarating sa bansa.

Katulad ng kanilang pagbibigay ng ayuda sa mga binaha noong Bagyong Kristine. Hindi nga lang nila ibinabandera sa publiko ang kanilang pagkakawanggawa.

Deserve naman ni Marian Rivera ang sumaya sa pagkakaroon ng collection ng Labubu dolls, para siyang bumalik sa pagkabata. Sobra lang ang inggit ng mga bashers sa kanya pero wala namang masama kung gusto niyang mag-collect nito.

---

SOSYAL at yayamanin ang impresyon ng marami kay Gabbi Garcia. Ka-level daw niya si Heart Evangelista na may image na “richie rich” dahil likas na mayaman ang kanyang pamilya bago pa siya naging artista.

Ang tulad daw ni Gabbi ay hindi puwedeng bigyan ng role na anak-mahirap na inaalipin. Malakas ang personalidad nito at pang-beauty queen ang porma. 

Marami ang nagpu-push kay Gabbi na mag-join sa malalaking beauty pageants, pero marami pa siyang showbiz commitments na dapat tapusin, isa na rito ang major role niya sa Sang’gre: The Encantadia Chronicles.

Hinahasa na rin ng GMA-7 ang kanyang hosting skills na ginagamit niya sa mga malalaking events. 

Happy ang love life ni Gabbi Garcia sa piling ng kanyang long-time BF na si Khalil Ramos. May common interest sila — ang hilig sa pagta-travel abroad.

Recently, nagbakasyon sila sa China at dito sila nag-enjoy sa pamamasyal. 

Laging naglalaan ng oras sina Gabbi at Khalil para sa kanilang bonding. Ito ang sikreto kung bakit tumagal ang kanilang relasyon.

---

BAGAMA’T isa siya sa mga napiling nominees ng TUPAD Partylist, hindi rito nakasentro ang pansin ni Bayani Agbayani. 

Marami siyang shows na tinanggap sa lalawigan ng La Union, bukod pa sa mga shows niya sa mga casinos. Super-hataw si Bayani upang kumita para sa future ng kanyang pamilya. 

At kahit na busy sa kanyang mga out-of-town shows, hindi pinababayaan ni Bayani ang kanyang taping sa Da Pers Family (DPF) ng TV5 at ang programa nilang Goodwill sa Net25. 

Nag-e-enjoy si Bayani sa taping ng DPF dahil nagkakasama sila ng BFF niyang si Aga Muhlach. Hinahanap-hanap pa rin niya ang pag-arte sa sitcom.

Masaya ang buong cast ng DPF kapag nagte-taping sila dahil parang pamilya silang nagkukulitan sa set.

Ang hindi lang matanggap ngayon ni Bayani ay ang hindi paglabas sa pelikula dahil sa nalalapit na midterm elections.

Nagko-collect din ng Labubu dolls… NADINE, 'DI RAW INIMBITA SA GMA GALA DAHIL SA PANGGAGAYA KAY MARIAN

ni Erlinda Rapadas @Teka Nga | Nov. 1, 2024

Photo: Ang Labubu dolls nina Nadine Samonte at Marian Rivera / Instagram

Bina-bash ngayon ang Kapuso actress na si Nadine Samonte at inaakusahang nanggagaya kay Marian Rivera na nangongolekta na rin ng nauusong Labubu dolls. Hindi alam ni Nadine na may collection din ng Labubu dolls si Marian. 

Matagal na siyang may mga Labubu dolls, kaya unfair na siya ay laitin at i-bash ng ilang mga fans ni Marian at pagbintangang gaya-gaya lang. Tiyak na hindi rin gusto ni Marian ang ginagawa ng kanyang mga fans kay Nadine. 

Nabanggit naman ni Nadine Samonte na si Marian mismo ang nagsabi sa kanya kung sino ang mga suppliers niya ng mga rare at hard-to-find Labubu dolls. 

Aminado si Nadine na nasasaktan siya sa mga comments ng ilang bashers sa kanya. May isang basher kasi na pati 'yung insidente sa GMA Grand Ball ay binanggit pa, sabay sabing, “Kaya ka pala nawalan ng seat sa GMA Gala.” 

Ang tanong, ano'ng connect nito sa kanyang pagko-collect ng Labubu dolls? 

Well, bakit nga kaya si Nadine lang ang isini-single out at inaaway ng mga fans ni Marian Rivera dahil lang sa Labubu dolls? Marami naman sila, tulad nina Heart Evangelista, Vice Ganda, Anne Curtis at Jinkee Pacquiao na Labubu dolls collectors din. 

Si Heart, hindi bumibili dahil pinadadalhan siya ng mga suppliers ng orihinal na Labubu dolls. 

'Kakalokah ang mga bashers ngayon, umaastang mga "Monster Dolls" na rin!

---

TIYAK na maraming mga fans ni Julie Anne San Jose ang nagulat nang tanggapin niya ang offer upang maging Calendar Girl ng Ginebra. Hindi naman kasi siya sexy star na tulad ng ibang naunang Calendar Girls. 

Nag-umpisa siya bilang wholesome na singer, hanggang naging artista. Bihasa na rin si Julie Anne sa pagho-host ng talent search show tulad ng The Clash (TC), at mentor naman siya sa The Voice Kids (TVK). 

Binansagan din si Julie Anne bilang Limitless Star dahil sa tagumpay ng kanyang mga concerts. 

Well, career move ba para kay Julie Anne San Jose ang kanyang pagtanggap na maging Calendar Girl? At okey naman kaya sa nobyo niyang si Rayver Cruz ang pagbabagong-imahe niya.

Sey naman ng mga netizens, hindi na teenager si Julie Anne. Kailangan na rin na mag-grow at mag-level-up siya bilang artist. Besides, ang mga sexy pictorial naman niya bilang Calendar Girl ay hindi vulgar kundi konting pasilip lang sa kanyang kaseksihan at nasa tamang edad na rin naman siya.

---

MARAMING fans ni Sen. Lito Lapid ang nagtatanong kung ano na raw ang mangyayari sa kanyang karakter bilang si Primo sa Batang Quiapo (BQ), kapag ipinatupad na ang pagpapa-ban na lumabas sa telebisyon ang sinumang artista na kakandidato sa midterm elections 2025. Pagpapahingahin ba ang kanyang role o tuluyan nang papatayin sa istorya ng BQ? 

Tiyak na marami ang maghahanap at magpoprotestang mga viewers kung hindi na mapapanood si Sen. Lito Lapid sa BQ. Importante pa naman ang kanyang partisipasyon sa serye ni Coco Martin dahil siya ang nagsu-supervise ng mga stunts na ginagawa at kinokonsulta rin siya ni Coco kung ano pa ang puwedeng gawin upang mapaganda pa ang serye.

Nami-miss ni Sen. Lito ang pag-arte kaya nalilibang siya sa kanyang role sa BQ.

Samantala, isa si Sen. Lito Lapid sa mga nagpadala ng ayuda sa mga binahang lalawigan nang manalasa ang Bagyong Kristine. Naging aktibo sa pagtulong ang kanyang staff upang mapabilis ang pagpapadala ng tulong sa mga binaha sa Bicol Region. 

Sa Boracay, nagpadala siya ng team upang tulungan ang mga stranded na transport drivers at mga pasyente ng hospital. Namigay din siya ng mga medical kits. 

---

ANG ‘power couple’ na sina Ariel Rivera at Gelli de Belen ang special guests sa birthday episode ng King of Talk na si Boy Abunda sa programang Fast Talk with Boy Abunda (FTWBA), kaya hindi napigilang maging emosyonal nina Ariel at Boy nang sila ay magkaharap. 

Matagal nang mina-manage ni Boy ang career ni Ariel, at malalim ang kanilang pinagsamahan. Hindi man sila madalas na magkita at magkausap, hindi nawawala ang respeto nila sa isa’t isa. 

Sey nga ni Ariel Rivera, malaki ang nagawa ni Tito Boy upang mabago ang kanyang buhay at magkaroon ng singing career. Siya raw ang nagsilbing mentor/adviser niya at marami itong naituro sa kanya. 

Napupuri naman ni Boy Abunda ang tahimik at simpleng pamumuhay ng pamilya nina Gelli at Ariel Rivera. Hindi materialistic ang couple, sa kabila ng kanilang celebrity status. 

Isa pa sa mga napuri ni Tito Boy kay Gelli ay hindi ito naniwala sa kumalat na intriga noon na ayaw sa kanya ni Tito Boy para kay Ariel Rivera. Ngayon ay nakikita naman ng lahat na in good terms sila ni Gelli at masaya ang married life nila at may grown-up kids na!