Ilang lugar sa Makati at QC, may water service interruption — Manila Water

ni Lolet Abania | July 3, 2022

Nag-anunsiyo ang Manila Water Company, Inc. na makararanas ang ilang mga kostumer sa Makati City at Quezon City ng water service interruption simula Hulyo 4 hanggang 5, 2022.

Sa isang advisory na ipinost sa Twitter, ayon sa Manila Water, ang mararanasang water service interruption ay dahil sa line maintenance activities na nakaiskedyul sa mga itinakdang araw.

Ang ang apektadong lugar ay ang mga sumusunod:

• Bahagi ng Bgy. Pembo, Makati City: mula 10PM ng Hulyo 4 hanggang 4AM ng Hulyo 5

• Bahagi ng Bgy. Blue Ridge B, Quezon City: mula 10PM ng Hulyo 4 hanggang 5AM ng Hulyo 5

• Bahagi ng Bgy. Horseshoe, Quezon City: mula 10PM ng Hulyo 5 hanggang 5AM ng Hulyo 6.

“Manila Water is advising all residents of the affected areas to store enough water to supply their needs during the service improvement activity,” pahayag ng kumpanya.

Paalala naman ng Manila Water sa mga apektadong residente na hayaan munang dumaloy ng ilang minuto ang tubig sa kanilang mga gripo kapag bumalik na ang serbisyo nito hanggang sa maging malinaw na ang tubig.

Ayon pa sa kumpanya, ang mga kostumer ay maaaring tumawag sa kanilang hotline 1627 o via Facebook o Twitter para sa iba pang katanungan.

Walang tubig mula Hunyo 7-10

ni Lolet Abania | June 4, 2021

Makararanas ng pagkawala ng serbisyo ng tubig ang mga kustomer ng Maynilad Water Services, Inc. sa bahagi ng Makati, Pasay, Parañaque, Quezon City at Valenzuela simula sa Lunes (Hunyo 7) hanggang Huwebes (Hunyo 10).

Sa isang advisory, ayon sa Maynilad, ang Bangkal, Magallanes, Pio del Pilar at San Isidro sa Makati ay mawawalan ng tubig simula 11 PM ng Lunes (Hunyo 7) hanggang 7 AM ng Martes (Hunyo 8).

Ayon sa Maynilad, ang water interruption ay dahil sa pagkakabit ng isang 1.3 feet diameter flowmeter sa Arnaiz corner Manila South Diversion Road sa Barangay Pio Del Pilar.

Ang Don Bosco, Marcelo Green Village, Merville, Moonwalk, San Antonio, San Isidro, San Martin De Porres, at Sun Valley sa Parañaque ay walang supply ng tubig mula 7 PM ng Hunyo 7 hanggang 7 AM ng Hunyo 8, habang sa Barangays 181 hanggang 185 at Barangay 201 sa Pasay City ay may water interruptions sa pareho ring oras at petsa.

Sinabi ng Maynilad na magsasagawa sila ng mga repairs ng isang leak sa 3 feet diameter water pipeline sa kahabaan ng West Service Road at maintenance activities para sa Villamor Pumping Station sa Barangay 183.

Samantala, ilang kustomer sa Quezon City at Ugong, Valenzuela City ang mawawalan ng supply ng tubig simula 9 PM ng Martes (Hunyo 8 hanggang 1 AM ng Huwebes (Hunyo 10).

Apektado ang mga lugar sa Quezon City kabilang ang Bagbag, Bagong Silangan, Batasan Hills, Commonwealth, Greater Fairview, Gulod, Holy Spirit, Nagkaisang Nayon, North Fairview, Payatas, San Bartolome, Santa Lucia, Santa Monica, Sauyo, at Talipapa dahil sa water interruptions.

Pansamantalang isa-shutdown ng Maynilad ang kanilang North C Pumping Station at North C Annex sa Quezon City para sa gagawing leak repair, kasabay ng maintenance works sa naturang pasilidad.

Magsasagawa rin ng interconnection sa mga bagong installed water pipelines sa Barangay Batasan Hills, Commonwealth at Payatas, gayundin, ang decommissioning ng mga kasalukuyang water pipeline sa Barangay Santa Lucia, Quezon City.

Pinapayuhan ng Maynilad ang lahat ng kustomer na mag-ipon ng sapat na tubig.

10-oras na walang tubig sa ilang lugar sa MM

ni Lolet Abania | May 31, 2021

Aabot sa 500,000 customers ng Manila Water Company Inc. ang makararanas ng 10-oras na service interruption ngayong linggo dahil sa pagsasagawa ng kumpanya ng maintenance operations.

Sa isang advisory, ayon sa Manila Water, puputulin muna nila ang mga linya at ikakabit ang lumang 500mm mainline sa kahabaan ng Ortigas Avenue malapit sa EDSA sa Barangay Ugong Norte, Quezon City.

Magsisimula ang interruption ng alas-11:00 ng Miyerkules, June 2, hanggang alas-9:00 ng umaga ng Huwebes, June 3.

Apektado ang nasa 500,000 indibidwal sa 110,355 kabahayan, at commercial at business na establisimyento sa 39 mga barangay sa Metro Manila.

Narito ang mga sumusunod na lugar:

Sa Mandaluyong -- Addition Hills, Barangka Drive, Barangka Ibaba, Barangka Ilaya, Barangka Itaas, Buayang Bato, Hagdang Bato Itaas, Hagdang Bato Libis, Highway Hills, Hulo, Malamig, Maumay, San Jose, Plainview, Plesant Hills, Wack-Wack East Greenhills.

Sa Pasig City-Bagong Ilog, Oranbo, at mga parte Kapitolyo, San Antonio, at Ugong.

Sa Quezon City- Bagong Lipunan ng Crame, Horseshoe, Immaculate Concepcion, Kaunlaran, Pinagkaisahan, San Martin de Porres, Ugong Norte, Valencia

Sa San Juan City-Addition Hills, Corazon de Jesus, Greenhills, Isabelita, Little Baguio, Maytunas, Onse, Santa Lucia, St. Joseph, West Crame.

"Manila Water is advising residents of the said barangays to store enough water to supply their needs only during the interruption period," ayon pa sa Manila Water.

Paalala ng kumpanya sa mga customers, ilang minuto munang buksan ang tubig bago gamitin.

Ang Manila Water ay ang east zone na concessionaire kung saan nagseserbisyo sa 23 lungsod at munisipalidad sa Metro Manila at Rizal.

Kabilang dito ang Mandaluyong, Makati, Pasig, Pateros, San Juan, Taguig, Marikina, at mga parte ng Quezon City at Manila. Kasama rin ang bayan ng Angono, Baras, Binangonan, Cainta, Cardona, Jalajala, Morong, Pililia, Rodriguez, Tanay, Taytay, Teresa, San Mateo at Antipolo sa lalawigan ng Rizal.