Malaysia bubuksan na ang borders sa April 1

ni Jasmin Joy Evangelista | March 10, 2022

Muling bubuksan ng Malaysia ang borders at lahat ng biyaherong papasok dito ay hindi na kailangan pang mag-apply sa MyTravelPass.

Kailangan na lang i-download ng mga biyahero ang MySejahtera application at sagutan ang pre-departure form sa ilalim ng “Traveller” section, ayon kay Prime Minister Datuk Seri Ismail Sabri Yaakob.

“The reopening of the country’s borders was one of the much-awaited announcements among the rakyat.”

“We believe that the reopening of the borders on April 1 will not only bring freedom for the rakyat (ordinary people) to travel abroad but also allow those from other countries to visit Malaysia,” pahayag ng Prime Minister sa isang press conference.

Ang mga turista at Malaysians na fully vaccinated na kontra COVID-19 ay hindi na kailangan pang mag-quarantine pagdating doon.

Gayunman, required silang magpa-RT-PCR test dalawang araw bago ang kanilang departure at professional rapid test (RTK-Antigen) pagdating sa Malaysia.

“They can do the RTK test at the airport or at a health facility outside, but it must be done within 24 hours,” ani Ismail Sabri.

Para naman sa mga biyaherong hindi pa fully vaccinated, nakatakda pang ianunsiyo ni

Health Minister Khairy Jamaluddin ang entry procedures.

“The country wants to provide comfort to travelers and not complicate their travel process,” dagdag pa ng Prime Minister.

Para naman sa mga Malaysians, malayang makabiyahe sa ibang bansa ang mga mayroong valid documents.

Travel restrictions sa 10 bansa, extended sa Agosto 15

ni Ronalyn Seminiano Reonico | July 30, 2021

Pinalawig ng Pilipinas ang travel restrictions sa mga biyahero mula sa sampung bansa hanggang sa Agosto 15 upang maiwasan ang pagkalat ng COVID-19 Delta variant, ayon sa Malacañang.

Saad ni Presidential Spokesperson Harry Roque, "President Rodrigo Duterte approved the recommendation of the Inter-Agency Task Force (IATF) to extend the travel restrictions currently imposed to 10 countries until August 15. These countries include India, Pakistan, Nepal, Sri Lanka, Bangladesh, Oman, United Arab Emirates, Indonesia, Malaysia and Thailand."

Samantala, inilabas na rin ng Malacañang ang listahan ng mga bansang ikinokonsidera bilang “green countries” o ang mga low-risk sa COVID-19 na binubuo ng: Albania, Antigua and Barbuda, Benin, Brunei, Cayman Islands, Comoros, Djibouti, Gabon, American Samoa, Australia, Bermuda, Bulgaria, Chad, Ivory Coast, Equatorial Guinea, Gambia, Anguilla, Azerbaijan, Bosnia and Herzegovina, Burkina Faso, China, Dominica, Falkland Islands, Ghana, Grenada, Kosovo, Marshall Islands, Montserrat, Niger, Northern Mariana Islands, Romania, Saint Pierre and Miquelon, Slovakia, Hong Kong, Laos, Federated States of Micronesia, New Caledonia, Nigeria, Palau, Saba, Singapore, Taiwan, Hungary, Mali, Moldova, New Zealand, North Macedonia, Poland, Saint Barthelemy, Sint Eustatius, at Togo.

Mga biyahero mula Malaysia at Thailand, bawal sa ‘Pinas

ni Ronalyn Seminiano Reonico | July 23, 2021

Isinama na sa ipinatutupad na travel ban ang Malaysia at Thailand dahil sa banta ng COVID-19 Delta variant, ayon kay Presidential Spokesperon Harry Roque.

Saad ni Roque, “Inaprubahan po ng ating presidente na ang lahat po ng mga biyahero na galing sa Malaysia or Thailand or mayroong history of travel sa Malaysia o Thailand sa nakalipas na 14 days ay hindi po puwedeng papasukin ng Pilipinas. Ito po ay magsisimula nang 12:01 AM of July 25 hanggang 11:59 PM ng July 31.”

Ang mga biyaherong naka-transit na o papunta na sa bansa bago pa ang 12:01 AM ng July 25 ay maaari pang makapasok sa Pilipinas “Subject to full 14-days facility quarantine notwithstanding po kung negatibo ang kanilang Reverse Transcription - Polymerase Chain Reaction (RT-PCR) result," ayon kay Roque.

Samantala, una nang nagpatupad ang Pilipinas ng travel ban sa India, Pakistan, Bangladesh, Sri Lanka, Nepal, United Arab Emirates, Oman, at Indonesia dahil sa mataas na kaso ng COVID-19 Delta variant.