Deklarasyon ng state of economic emergency, pinag-aaralan – Malacañang

ni Lolet Abania | March 8, 2022

Posibleng magdeklara ng state of economic emergency sa bansa kaugnay sa epekto ng walang tigil na pagtataas ng produktong petrolyo at ng kasalukuyang sigalot sa pagitan ng Russia at Ukraine, ayon sa Malacañang ngayong Martes.

Sa Palace briefing, sinabi ni acting presidential spokesperson Martin Andanar na ang deklarasyon ng state of economic emergency ay kanilang pag-aaralan sa Office of the Executive Secretary.

“Ito ay masusing pag-aaralan ng Palasyo sa pamamagitan ng Office of the Executive Secretary,” sabi ni Andanar.

Ayon kay Andanar, ipinanukala na ng economic team ni Pangulong Rodrigo Duterte nitong Lunes ang tinatawag na government interventions para mapagaan ang epekto ng fuel price hikes at ang nangyayaring labanan ng Ukraine at Russia.

Aniya, ang team ang mag-a-assess kung magiging sapat ito para tugunan ang isyu ng ekonomiya sa bansa.

Ayon din kay Andanar, maaaring magdulot ng isang “full-blown war” o “world war” kapag nagdeklara ng economic emergency.

Tinanong naman ang opisyal hinggil sa ispesipikong sitwasyon na magreresulta sa deklarasyon ng economic emergency.

Paliwanag ni Andanar, “It will require the full Cabinet (members) and it will require the security cluster, the economic cluster to convene on this. And of course, the President will be the one who would chair this meeting…Well, it’s not yet happening.”

Kinuwestiyon din siya kung papasok ba ang gobyerno sa tinatawag na energy resources sa Recto Bank para makatulong sa impact ng sinasabing krisis sa ekonomiya.

“It’s going to need the cooperation of our big private partners in this Republic. Alam mo naman na pagdating doon sa oil exploration, no one government can do this alone,” sabi ni Andanar.

“We need the expertise of other big businesses, expertise of other countries, nations that are used to the exploring of energy from the earth,” saad pa ng opisyal.

63 M Pinoy fully vaccinated na kontra-COVID-19 — Malacañang

ni Lolet Abania | March 1, 2022

Mahigit sa 63 million Filipinos ang fully vaccinated na kontra-COVID-19 sa ngayon, eksaktong isang taon nang simulan ng gobyerno ang vaccine rollout sa bansa, ayon sa Malacañang ngayong Martes.

Sinabi ni Acting Presidential Spokesperson Karlo Nograles, may kabuuang 63,219,221 indibidwal ang nakakumpleto na ng kanilang primary vaccine series hanggang nitong Lunes, Pebrero 28. May kabuuan namang 135,747,294 vaccine doses ang na-administered na sa buong bansa.

Nasa 68,808,944 indibidwal ang nakatanggap ng unang dose, habang 10,214,164 ang nabigyan ng kanilang booster shots matapos na maabot ang tatlo hanggang anim na buwang requirement.

“With more than 80% of our country’s target population now fully vaccinated, we are confident that we can achieve our goal of vaccinating 90 million Filipinos by the end of the second quarter, and administer at least 72.16 million booster shots by the end of the year,” sabi ni National Task Force (NTF) Chief Implementer at vaccine czar Secretary Carlito Galvez Jr. Target ng gobyerno na maging fully vaccinated ang 77 milyong Pinoy kontra-COVID-19 sa pagtatapos ng Marso, at 90 milyon naman sa panahong si Pangulong Rodrigo Duterte ay bumaba na sa puwesto sa Hunyo 30.

Ginunita naman ng NTF, kung saan natanggap ng Pilipinas ang unang vaccine shipment noong Pebrero 28, 2021 na donasyon ng Chinese government. Ang mga bakuna ay agad namang ni-rolled out nang sumunod na araw, Marso 1, 2021.

Ayon pa kay Galvez, simula noong Pebrero nang nakaraang taon, nakatanggap na ang bansa ng mahigit 225 million vaccine doses.

“The key was to work closely with the medical experts, local government units, diplomatic corps, WHO (World Health Organization), and the private sector to maximize our limited inventory of vaccines. We ensured those in the medical field and the vulnerable sectors of society were given primary protection first,” ani Galvez.

8 pang bansa, oks ang COVID-19 vax certificates – Malacañang

ni Lolet Abania | February 21, 2022

Walo pang karagdagang bansa ang kinikilala na ng gobyerno ang kanilang mga national COVID-19 vaccination certificates, ayon sa Malacañang ngayong Lunes.

Sinabi ni acting presidential spokesperson Karlo Nograles na ito ang inilabas ng Inter-Agency Task Force (IATF) sa ilalim ng Resolution 162-B, kung saan nire-recognize na ng pamahalaan ang mga COVID-19 vaccination certificates mula sa Egypt, Maldives, Palau, Albania, Estonia, Greece, Malta at Uruguay, aniya, “for purposes of arrival quarantine protocols, as well as for interzonal/intrazonal movement.”

“This is in addition to other countries/territories/jurisdictions whose proofs of vaccination the IATF has already approved for recognition in the Philippines, and without prejudice to such other proofs of vaccination approved by the IATF for all inbound travelers,” paliwanag ni Nograles.

Ayon pa kay Nograles, nagbigay na rin ng direktiba ang IATF sa Bureau of Quarantine, Department of Transportation - One-Stop-Shop at Bureau of Immigration, na kilalanin lamang ang mga katibayan o patunay ng vaccination na inaprubahan ng IATF.