NCR at higit 80 lugar, Alert Level 1 pa rin hanggang Mayo 15 — Malacañang

ni Lolet Abania | April 29, 2022

Sa kabila ng pangamba sa posibleng surge ng COVID-19 infections matapos ang May 9 elections, mananatili sa Alert Level 1 classification ang National Capital Region (NCR) hanggang Mayo 15, 2022, ayon sa Malacañang.

Sa isang statement, batay na rin sa Inter-Agency Task Force for the Management of Emerging Infectious Diseases (IATF), sinabi ni acting Presidential Spokesperson Martin Andanar na isasailalim din sa Alert Level 1 mula Mayo 1 hanggang 15 ang mga sumusunod na lugar:

Sa Luzon

• Cordillera Administrative Region: Abra, Apayao, Kalinga, Mountain Province, at Baguio City;

• Region I: Ilocos Norte, Ilocos Sur, La Union, Pangasinan, at Dagupan City;

• Region II: Batanes, Cagayan, Isabela, Quirino, at City of Santiago;

• Region III: Aurora, Bataan, Bulacan, Nueva Ecija, Pampanga, Tarlac, Zambales, Angeles City, at Olongapo City;

• Region IV-A: Batangas, Cavite, Laguna, Rizal, at Lucena City;

• Region IV-B: Marinduque, Oriental Mindoro, Romblon, at Puerto Princesa City;

• Region V: Albay, Catanduanes, Naga City

Sa Visayas

• Region VI: Aklan, Capiz, Guimaras, Iloilo Province, Bacolod City, at Iloilo City;

• Region VII: Siquijor, Cebu City, Lapu-Lapu City, at Mandaue City

• Region VIII: Biliran, Eastern Samar, Southern Leyte, Ormoc City, at Tacloban City

Sa Mindanao

• Region IX: Zamboanga City;

• Region X: Camiguin, Bukidnon, Misamis Oriental, Cagayan de Oro City, at Iligan City;

• Region XI: Davao City;

• CARAGA: Surigao del Sur at Butuan City

Gayundin, ang mga component cities at municipalities ay isasailalim sa Alert Level 1 mula Mayo 1 hanggang 15.

Sa Luzon

• Cordillera Administrative Region: Tublay, Benguet;

• Region IV-A: Candelaria, Quezon; Dolores, Quezon; at San Antonio, Quezon;

• Region IV-B: Cagayancillo, Palawan;

• Region V: Caramoan, Pili, at Tigaon, Camarines Sur; at Capalonga, Camarines Norte

Sa Visayas

• Region VI: Candoni, Negros Occidental at Tobias Fornier (Dao), Antique;

• Region VII: Amlan (Ayuquitan), Negros Oriental at Duero, Bohol;

• Region VIII: Matalom, Leyte

Sa Mindanao

• Region IX: Jose Dalman (Ponot) at Labason, Zamboanga del Norte; Molave at Ramon Magsaysay (Liargo) Zamboanga del Sur; at Buug, Zamboanga Sibugay;

• Region X: Tudela, Misamis Occidental; Baroy, Lanao del Norte; Lala, Lanao del Norte; at Tubod, Lanao del Norte;

• Region XI: Caraga, Davao Oriental;

• Region XII: City of Koronadal, South Cotabato; Arakan, North Cotabato; at Lebak, Sultan Kudarat;

• CARAGA: Kitcharao, Agusan del Norte; Santa Josefa, Agusan del Sur; Libjo (Albor), Dinagat Islands; at General Luna, Surigao del Norte;

• Bangsamoro Autonomous Region in Muslim Mindanao: South Upi, Maguindanao at Turtle Islands, Tawi-Tawi

Una nang sinabi ni Pangulong Rodrigo Duterte na hindi ide-deescalate o isasailalim sa Alert Level 0 ang bansa hanggang aniya, “everything is alright”.

Isasailalim naman sa Alert Level 2 sa parehong petsa, ang mga sumusunod na probinsiya, highly urbanized cities (HUCs), at independent component cities (ICCs(sad)

Sa Luzon

• Cordillera Administrative Region: Benguet, Ifugao;

• Region II: Nueva Vizcaya;

• Region IV-A: Quezon Province;

• Region IV-B: Occidental Mindoro at Palawan;

• Region V: Camarines Norte, Camarines Sur, Masbate, at Sorsogon

Sa Visayas

• Region VI: Antique at Negros Occidental;

• Region VII: Bohol, Cebu, at Negros Oriental;

• Region VIII: Leyte, Northern Samar at Western Samar

Sa Mindanao

• Region IX: City of Isabela, Zamboanga del Sur, Zamboanga del Norte at Zamboanga Sibugay;

• Region X: Lanao del Norte at Misamis Occidental;

• Region XI: Davao del Norte, Davao del Sur, Davao Oriental, Davao de Oro at Davao Occidental;

• Region XII: General Santos City, North Cotabato, Sarangani, Sultan Kudarat at South Cotabato;

• CARAGA: Agusan del Norte, Agusan del Sur, Dinagat Islands at Surigao del Norte;

• Bangsamoro Autonomous Region in Muslim Mindanao: Basilan, Cotabato City, Lanao del Sur, Maguindanao, Sulu at Tawi-Tawi

“Alert Level classifications of component cities and municipalities under IATF Resolution No. 166-A (s.2022) not otherwise affected by this Resolution shall remain in effect until May 15, 2022,” pahayag pa ni Andanar.

Kulong at multa sa mahuhuli — Malacañang... Pagbili at pagbenta ng boto, bawal

ni Lolet Abania | March 25, 2022

Nagbabala ang Malacañang sa publiko patungkol sa pagbili at pagbenta ng kanilang mga boto para sa 2022 national and local elections dahil may katumbas itong mga election offenses o kaparusahan.

Nag-isyu si acting Deputy Presidential Spokesperson Kristian Ablan ng paalala, 45-araw bago pa bumoto ang mga Pilipino ng mga susunod na mga lider ng bansa, mula sa pangulo hanggang sa municipal councilors, sa Mayo 9, 2022.

“The Palace reminds the Filipino people that vote-buying and vote-selling are prohibited acts under the Omnibus Election Code so bawal po tumanggap at bawal din po bumili ng boto,” pahayag ni Ablan sa isang news conference ngayong Biyernes.

“Anyone found guilty of these prohibited acts under the Omnibus Election Code will face penalties of imprisonment and fine,” dagdag ni Ablan.

Batay sa nakasaad sa batas, “any person found guilty of any election offense shall be punished with imprisonment of not less than one year but not more than six years. He or she is also denied the right to vote and is prohibited from entering public office. A fine is imposed on any political party found guilty.”

Iginiit naman ng Commission on Elections (Comelec) na kahit na walang pormal na reklamo hinggil dito, aaksiyunan agad nila ang mga insidente ng vote-buying.

Ayon kay Comelec Commissioner George Garcia, ang pagkilos ng poll body ay nakabase sa mga reports mula sa kanilang field personnel na silang nagsasagawa ng imbestigasyon kaugnay sa mga insidente ng vote-buying.

Pamamahagi ng P200 monthly ayuda start na ngayong buwan — Palasyo

ni Jasmin Joy Evangelista | March 17, 2022

Ang mga benepisyaryo ng P200 monthly ayuda mula sa gobyerno ay puwede nang makakuha simula ngayong buwan, ayon sa Malacañang ngayong Huwebes.

Sa isang interview, sinabi ni acting presidential spokesperson Martin Andanar na ang mga benepisyaryo ay ang mga nakakatanggap ng subsidiya sa gobyerno sa ilalim ng Pantawid Pamilyang Pilipino Program o 4Ps.

"That's about 12 million individuals," aniya.

Sa ilalim ng 4Ps program, ang isang household ay maaaring makatanggap ng P1,400 hanggang P3,000 kada buwan bilang health at education grants depende sa bilang ng anak at nakadepende kung pasok sa mga kondisyon ng gobyerno.

Ang monthly P200 subsidy — na ibibigay bilang "unconditional" cash transfer, ayon kay Andanar — ay ipamamahagi sa buong taon.

"Ito pa ay on top of the 4Ps na ibibigay doon sa ating beneficiaries ng Pantawid Pamilyang Pilipino Program," ani Andanar.

Nang tanungin kung kailan sisimulan ang distribusyon, sinabi ni Andanar, "Once na ma-download yung pera na nagkakahalaga ng P33 billion ay ibibigay na po talaga at ang target po ay this month masimulan na."

Kahapon, Miyerkules, nnaprubahan ni Pangulong Rodrigo Duterte ang pagbibigay ng P200 monthly allowance o ayuda sa buong taon para sa mga mahihirap na pamilya sa bansa dahil sa patuloy na pagtaas ng presyo ng petrolyo dahil sa giyera sa pagitan ng Ukraine at Russia.