P-BBM, pinanumpa na ang Cabinet members sa Malacañang

ni Lolet Abania | June 30, 2022

Tumanggap si Pangulong Ferdinand “Bongbong” Marcos Jr. ng military honors sa Malacañang Palace matapos ang kanyang inagurasyon sa National Museum of Fine Arts sa Manila habang pinangunahan ang oathtaking ng kanyang mga Cabinet members ngayong Huwebes.

Kasama ni P-BBM sina First Lady Liza Araneta-Marcos at kanilang mga anak na sina Ilocos Norte Representative Sandro Marcos, Simon Marcos, at Vincent Marcos sa Malacañang.

Pinanumpa naman ng bagong Chief Executive ang mga miyembro ng Cabinet niya na magsisilbi sa ilalim ng kanyang administrasyon, kabilang na si Vice President Sara Duterte na mangunguna sa Department of Education (DepEd).

“This is the first act of actual work that we will be doing for this administration. So let’s get the official part done so that we can get on with the job,” pahayag ni Pangulong Bongbong sa kanyang aides, ilang oras mtapos ang kanyang oathtaking bilang ika-17 pangulo ng Pilipinas.

Pinangalanan din ni P-BBM ang mga personalidad na hahawak ng mga government posts at tutulong sa kanyang pamamahala sa bansa na sina:

• Victor Rodriguez - Executive Secretary

• Vice President Sara Duterte - Department of Education

• Benjamin Diokno - Department of Finance

• Arsenio Balisacan - National Economic and Development Authority

• Jesus Crispin Remulla - Department of Justice

• Emmanuel Bonoan - Department of Public Works and Highways

• Bienvenido Laguesma - Department of Labor and Employment

• Susan Ople - Department of Migrant Workers

• Alfredo Pascual - Department of Trade and Industry

• Erwin Tulfo - Department of Social Welfare and Development

• Christina Garcia-Frasco - Department of Tourism

• Ivan John Enrile Uy - Department of Information and Communications Technology

• Benhur Abalos - Department of the Interior and Local Government

• Jaime Bautista - Department of Transportation

• Amenah Pangandaman - Department of Budget and Management

• Conrado Estrella III - Department of Agrarian Reform

• Jose Faustino Jr. - Department of National Defense

• Clarita Carlos - National Security Adviser

• Juan Ponce Enrile - Presidential Legal Counsel

• Menardo Guevarra - Office of the Solicitor General

• Felipe Medalla - Bangko Sentral ng Pilipinas

• Anton Lagdameo - Special Assistant to the President

• Maria Zenaida Angping - Presidential Management Staff

• Trixie Cruz-Angeles - Presidential Communications Operations Office

Isang araw bago ang inagurasyon, inanunsiyo naman ng kampo ni P-BBM na si outgoing Solicitor General Jose Calida ang uupong chairperson ng Commission on Audit (COA) sa bagong administrasyon habang si Jose Arnulfo “Wick” Veloso bilang pangulo ng Government Service Insurance System (GSIS).

Si Pangulong Bongbong din ang nag-administer ng oath of office ng kanyang anak na si Sandro bilang congressman ng First District ng Ilocos Norte. Habang ang ibang local officials mula sa Ilocos Norte ay pinanumpa rin ni P-BBM.

Utos ni P-Du30, malinaw.. Pagsusuot ng face mask, tuloy — Malacañang

ni Lolet Abania | June 14, 2022

Ipinahayag ng Malacañang ngayong Martes na ‘malinaw’ ang utos ni Pangulong Rodrigo Duterte sa publiko na ‘ipagpatuloy ang pagsusuot ng face masks’, matapos na bumuo ang lalawigan ng Cebu ng ibang polisiya kaugnay dito.

Noong nakaraang linggo, ginawa ni Cebu Governor Gwendolyn Garcia na ang paggamit ng anti-COVID masks ay optional na sa mga well-ventilated at open spaces. Ito ay sa kabila ng direktiba ng gobyerno na pagsusuot ng face masks sa lahat ng pampublikong lugar.

“The Chief Executive’s directive is clear: Continue wearing face masks,” giit ni acting Presidential Spokesperson Martin Andanar sa isang statement.

Ayon kay Andanar, suportado ng Malacañang ang legal na opinyon ni Department of Justice (DOJ) Secretary Menardo Guevarra na ang resolution ng Inter-Agency Task Force (IATF) hinggil sa mandatong pagsusuot ng face masks aniya, “shall prevail over the executive orders by local government units, including the one issued by the provincial government of Cebu.”

Nitong Lunes, sinabi naman ni Guevarra, “the IATF resolution is incorporated in and/or enabled by executive orders issued by the President, who has supervision over local governments.”

Dagdag ni Guevarra, ang IATF ay binubuo ng mga Cabinet secretaries na silang tinatawag na alter egos ng Pangulo.

Ayon pa kay Andanar, inatasan na rin ng Department of the Interior and Local Government (DILG) ang Philippine National Police (PNP) na anito, “to implement the existing IATF resolution on wearing of face masks accordingly.”

Una nang tumangging kilalanin ng DILG ang face mask policy ng Cebu habang nagbabala ang ahensiya sa mga lalabag sa mga health protocols na posibleng sila ay hulihin.

P-Du30, hinarana ang mga Cabinet members sa thanksgiving dinner

ni Lolet Abania | May 31, 2022

Naghanda si Pangulong Rodrigo Duterte ng isang thanksgiving dinner sa Malacañang para sa mga miyembro ng kanyang gabinete nitong Lunes ng gabi, isang buwan bago siya bumaba sa puwesto.

Ayon kay Cabinet Secretary Melvin Matibag, ang dinner ay sponsored ng Pangulo katuwang ang mga asawa ng mga Cabinet members, habang ang kapulungan ay hinarana naman ng Philippine Philharmonic Orchestra.

“We had dinner. It was a light moment, the President rendered some songs, alongside Cabinet members,” pahayag ni Matibag sa mga reporters ngayong Martes, sa sidelines ng Day 2 ng Duterte Legacy Summit.

“It was a celebration. Nagpasalamat siya because for the last six years, a lot of sacrifices were made by Cabinet officials. The achievements of the administration were recognized, and the President also thanked the spouses for allowing the Cabinet members to serve the public,” saad pa ni Matibag.

Hindi naman masabi ni Matibag kung ito na ang huling pagkakataon na makikipagpulong si Pangulo Duterte sa kanyang mga Cabinet members. “There have been a lot of people requesting an audience with him,” sabi ni Matibag.

“We are also looking at [a gathering] with winning candidates of PDP-Laban, and we are hoping it would be accommodated,” dagdag ng opisyal.

Nai-share naman ni Commission on Higher Education (CHED) Chairperson Prospero “Popoy” de Vera III sa Facebook ang ilang larawan at isang video ni Pangulong Duterte na nagho-host sa thanksgiving dinner at kumanta pa ng awiting “Ikaw”.

Sa caption ni De Vera na nai-post, sa larawan ni Pangulong Duterte kasama ang mga Cabinet members ay, “One last fist pump for the Duterte administration.” Bukod sa miyembro ng mga gabinete, naroon din sa event si dating Special Assistant to the President at Senator Christopher “Bong” Go.