Legarda inaming nagkamali sa pagpanig kay Cayetano

by BRT @News | October 5, 2026

Photo: Sens. Loren Legarda at Alan Peter Cayetano - Senate PH

Inamin umano ni Sen. Loren Legarda na nagkamali siya nang sumama sa grupo ni Sen. Alan Peter Cayetano na nagpatalsik kay dating Senate President Vicente Sotto III noong Mayo 11.

Ayon kay Sen. Panfilo Lacson, sinabi mismo sa kanya ni Legarda na mali ang naging desisyon niya.

“The last time we talked, she admitted that she made a mistake,” ani Lacson sa panayam sa dwIZ.

Sinabi rin ni Lacson na bukas ang majority bloc na muling tanggapin si Legarda.

“She is welcome to come back,” ani Lacson.

Si Legarda ay naka-medical leave mula Agosto 3.

Sen. Loren, may malubhang sakit — SP Win

ni Mylene Alfonso @News | August 28, 2026

Photo: Loren Legarda - FB

Ibinunyag ni Senate President Sherwin Gatchalian na may “serious illness” si Senadora Loren Legarda, dahilan ng paulit-ulit nitong pagpapalawig ng medical leave at hindi pagtanggap ng suweldo habang nagpapagaling.

Ayon kay Gatchalian, apat na beses nang nag-extend ng leave si Legarda mula noong Agosto. 

Ang pinakahuling leave nito ay para sa Setyembre 1 hanggang 2, kaya muli na namang naantala ang kanyang pagbabalik sa Senado.

“She's been filing her medical leave. She also has not been receiving her salary,” ani Gatchalian.

Sinabi ng Senate President na personal niyang nalalaman ang kondisyon ni Legarda dahil magkaibigan sila.

“We’re personal friends as well so she's shared that she had a serious illness,” dagdag niya.

Hanggang sa kasalukuyan, wala pang inilalabas na detalye tungkol sa eksaktong karamdaman ni Legarda at kung kailan siya muling makababalik sa trabaho.

Bilang Senate President... Sotto out, Legarda in

by Mylene Alfonso @News | February 5, 2026

File Photo: Vicente Tito Sotto III / FB

Lumutang ang posibilidad na term-sharing agreement sa pagitan nina Senate President Vicente "Tito" Sotto III at Sen. Loren Legarda sa gitna ng ugong na kudeta sa Senado. 

Napag-usapan ang term-sharing agreement sa isang lounge talk sa Senado na dinaluhan ng siyam na miyembro ng Majority bloc, kabilang sina Sotto at Legarda. 

Sa larawang ipinost sa Meta (dating Facebook) ni Senador Francis "Kiko" Pangilinan, makikita siya kasama si Sen. Legarda na nakaupo sa tabi ni SP Sotto, gayundin sina Senate President Pro Tempore Panfilo Lacson, Majority Leader Juan Miguel Zubiri, at sina Senators JV Ejercito, Sherwin Gatchalian, Risa Hontiveros, at Bam Aquino. 

Ang nasabing larawan ay may hashtag na #PowerSharing. 

“May usapan ng term-sharing between [Sen. Pres. Tito] Sotto and [Senator) Loren [Legarda]...” wika ni Ejercito sa mga mamamahayag hinggil sa pulong. 

“Parang 'yun ang usapan kanina eh. Ganun lang, lounge talk. Para daw all’s well that ends well na at least maganda,  walang away, term-sharing kung sakali. Lounge talk naman 'yun. Nothing formal,” ayon pa kay Ejercito. 

Para naman kay Sotto, “Nagbibiro lang siya. Ibig sabihin niya siguro ‘yung group ng majority.” “Hindi. Wala, katuwaan lang namin”. 

Bagama't kinumpirma naman ni Sotto ang term sharing sa pagitan nila ni Legarda. "We plan to make her SP before 20th Congress ends," ayon kay Sotto sa isang Viber message.

Samantala, tinawag ni Zubiri si Legarda na “Madam President” nang siya ang manguna sa sesyon bago mag-adjourn ang Senado kahapon. Sinabi ni Legarda na siya lamang ang nagsilbing presiding officer. 

Binanggit din ni Zubiri na maaaring maging “future president” ng Senado si Legarda. 

“All’s well that ends well. The group is more solid than ever,” saad ni Zubiri.

Nang tanungin tungkol sa umano’y power sharing, tugon ni Zubiri, “in the near future.” 

Dagdag ni Zubiri na sila ay “all one big and happy family” nang tanungin kung may pagtatangkang baguhin ang liderato.