Party-list registration sa 2022 elections, hanggang Marso 31 — Comelec

ni Lolet Abania | February 4, 2021

Hanggang sa Marso 31, 2021 ang itinakdang deadline ng Commission on Elections (Comelec) para sa party-list registration sa darating na 2022 elections.

Sa isang statement na inilabas ni Comelec Spokesperson James Jimenez, “Under Comelec Resolution No. 10690, the deadline for the filing of Petitions for Registration and Manifestation of Intent to Participate of registering party-list groups, organizations and coalitions is on March 31, 2021.”

Gayundin ang deadline para sa kasalukuyang party-list groups, organizations at coalitions na magpa-file ng kanilang manifestation of intent na lumahok sa eleksiyon.

“Opposition to Petitions for Registration must be filed not later than the date when the case is submitted for resolution, while Petitions to Deny Due Course to a Manifestation of Intent to Participate must be filed within ten days from its date of publication,” ani Jimenez.

“Within the same period designated for the filing of Certificates of Candidacy under the Calendar of Activities for the 2022 NLE, a complete list of at least five nominees for Party-List representatives and other required documents in Section 3 of Resolution No. 10690 must be filed with the COMELEC,” dagdag ni Jimenez.

Gayunman, sakaling magkaroon ng substitusyon ng party-list nominees sa dahilan ng withdrawal, itinakda naman ng Comelec ang deadline sa November 15.

“However, if it’s by reason of death or incapacity, substitution is allowed until mid-day of election day,” saad ni Jimenez.

Ang mga kaso lang daw ng valid withdrawal at substitution o namatay o incapacity ang maaaring magkaroon ng pagbabago sa order ng nominees na kanilang papayagan matapos ang filing.

Ilalagay sa hulihan ng listahan ang pangalan ng substitute-nominee.

Aniya, kinakailangan din ng mga parties na i-publish ang bagong listahan ng substitute-nominees, at dapat na isumite ang proof of publication sa COMELEC.

Binanggit din ni Jimenez na ang petisyon na tinatawag na to deny due course at/o kanselasyon ng nominasyon ng party-list nominees ay kinakailangang isumite sa loob ng 10 araw mula sa publication nito, o sa loob ng 10 araw mula sa submisyon ng proof of publication ng substitute-nominees sa COMELEC.

Samantala, ang petisyon para sa disqualification ng party-list nominees ay kinakailangang ihain na hindi lalampas sa petsa ng proklamasyon nito.

“The Commission now has broader powers to disqualify or cancel the Certificate of Nomination and Acceptance (CONA) of a nominee. At any time before proclamation, any nominee who is disqualified, ineligible, or lacks the qualification provided by law, or whose nomination is contrary to law and the rules, may be motu propio disqualified,” sabi pa ni Jimenez.

Libreng dialysis sa senior citizens, oks na sa Kamara

ni Lolet Abania | February 4, 2021

Inaprubahan na ng House Special Committee on Senior Citizens ang panukalang naglalayon ng libreng hemodialysis, peritoneal dialysis at iba pang katulad nito sa lahat ng mga senior citizens ngayong Huwebes.

Sa naganap na pulong, aprub na sa panel ang House Bill 7859 o ang panukalang "Free Dialysis for Senior Citizens Act" na ang may-akda ay ang chairperson na si Senior Citizens party-list Representative Rodolfo Ordanes.

Sa ilalim ng panukala, ang mga gastusin na kailangan para sa hemodialysis, peritoneal dialysis at iba pang Department of Health-approved na dialysis procedures ay sasagutin ng PhilHealth kung saan gagawin ang treatment o gamutan nito sa mga PhilHealth accredited hospitals at nakatalagang dialysis centers.

Subalit ang mga procedures na gumagamit ng dialysis solutions na kabilang sa pinakabagong edisyon ng Philippine National Drug Formulary at mga kailangang laboratoryo at iba pang dapat na supplies lamang ang sasagutin at maaaring i-reimburse ng PhilHealth.

Ayon kay Ordanes, inihain niya ang naturang panukala dahil sa pagnanais na masiguro ang kalusugan at kapakanan ng mga senior citizens.

"It is only by providing them a higher degree of care and protection can we ensure that we stay true to our mandate of upholding social justice and their right to life," sabi ni Ordanes.

"In view of this, the passage of the bill is sought," dagdag niya.

Matapos maaprubahan sa committee level, ang measure ay dadalhin sa plenaryo para sa gagawing deliberasyon.

Wanted: 120 para sa VCO clinical trials kontra COVID-19

ni Lolet Abania | February 3, 2021

Nagsimula nang mangalap ng mga volunteers para sa isasagawang clinical trial ng virgin coconut oil (VCO) bilang dietary supplement sa mga pasyenteng may COVID-19 ang lokal na pamahalaan ng Valenzuela City.

Ayon kay Department of Science and Technology (DOST) Secretary Fortunato dela Peña, “(They’re in) recruitment phase.”

Target ng ahensiya na makapag-recruit ng 120 participants na mga asymptomatic at symptomatic patients para sa magiging trials, ayon sa kalihim.

Umabot sa P2.12 milyong pondo ang inilaan ng DOST at iba pang kabilang na ahensiya para sa VCO study na ito ng naturang lungsod.

Gayundin, ang local government unit (LGU) ng Valenzuela ay naglaan ng hiwalay na alokasyon upang makatulong sa pag-aaral na ito.

“Nag-uumpisa na ‘yung VCO study natin dito sa Valenzuela. Nakakatuwa kasi kayo mismo ang nag-volunteer na gawin dito ‘yung study,” ayon kay DOST Usec. Rowena Guevara kung saan ngayong Miyerkules sinimulan ang VCO clinical trial sa lungsod.

Samantala, nagpapatuloy sa ngayon ang VCO clinical trial sa Philippine General Hospital (PGH) sa mga COVID-19 patients na severe at moderate cases at sa mga may comorbidities o iba pang sakit.

Matatandaang noong Disyembre natapos ang unang bahagi ng pag-aaral na isinagawa sa mga suspects at probable cases sa Sta. Rosa Community Hospital sa Laguna. Inaasahan naman ngayong buwan na ilalabas ng DOST ang resulta ng clinical trial at pag-aaral ng dalawang medicinal plants na lagundi at tawa-tawa kontra COVID-19.