P-BBM, wala nang COVID symptoms – Malacañang

ni Lolet Abania | July 13, 2022

Wala na ng anumang sintomas ng COVID-19 si Pangulong Ferdinand “Bongbong” Marcos Jr., ayon sa Malacañang ngayong Miyerkules.

Sinuri si Pangulong Marcos ng kanyang lead doctor na si Dr. Samuel Zacate ngayong Miyerkules ng umaga at sinabi nitong “[President Marcos had] no cough, no fever, no nasal stuffiness, and no nasal itchiness and basically asymptomatic as of this time being.”

“Dr. Zacate gave the happy news that on the fifth and sixth day of his isolation, the President is now free from all symptoms of COVID-19,” pahayag naman ni Press Secretary Trixie Cruz-Angeles.

Ayon kay Angeles, natapos na ni Pangulong Marcos ang kanyang medications at handa nang bumalik sa kanyang face-to-face activities at engagements.

Gayunman, kailangan pa rin ng Pangulo na makumpleto ang kanyang 7-araw na isolation.

“Dr. Zacate told the President that that he still needs to complete his seven-day isolation as mandated by the health department’s protocol,” saad ni Angeles.

Sinabi rin ni Angeles, base sa pahayag at obserbasyon ni Zacate, na ang vital signs ni Pangulong Marcos lahat ay normal at wala siyang respiratory distress.

Binanggit pa ni Angeles na maaaring lumabas mula sa isolation ang Pangulo sa Biyernes kung aniya, “no reappearance of any sign and symptoms related to COVID-19, and provided further that he has no fever for the next 24 hours.”

Noong Hulyo 8, nagpositibo si Pangulong Marcos sa test sa COVID-19.

Gayunman, pinangunahan niya ang kanyang ikalawang Cabinet meeting nitong Martes sa pamamagitan ng teleconferencing.

EDSA-Kamuning flyover, bubuksan na sa Hulyo 23 – DPWH

ni Lolet Abania | July 13, 2022

Bubuksan na sa mga motorista ang EDSA-Kamuning flyover southbound lane sa Quezon City sa Hulyo 23 ng alas-5:00 ng hapon, ayon sa Department of Public and Works and Highways (DPWH) ngayong Miyerkules.

Sa isang press briefing, sinabi ni DPWH-NCR District Engineer Eduardo Santos na kanilang tatapusin ang rehabilitasyon ng nasabing flyover ng “mas maaga sa iskedyul.”

“We are planning to open the EDSA-Kamuning flyover to the transporting public on July 23 at 5 p.m.,” pahayag ni Santos.

“As of now, tapos na namin halos lahat ng layer structures and bigger structures. ‘Yung approach na lang sa down rack sa Nepa Q. side na dalawang lane ang ginagawa namin,” dagdag niya.

Matatandaan noong Hunyo 25, isinara ang flyover sa mga motorista para i-repair ang mga bitak o crack at mga butas sa naturang istraktura.

Una nang sinabi ni Metro Manila Development Authority (MMDA) chairman Atty. Romando Artes na kakailanganin ng 30-meter stretch ng flyover ng 30 araw para ito maisaayos.

Ayon din kay Artes, tinatayang 140,000 sasakyan ang gumagamit ng EDSA-Kamuning flyover araw-araw.

Dahil sa ‘attitude’2 empleyado, tanggal sa puwesto – DSWD

ni Lolet Abania | July 13, 2022

Dalawang empleyado ng Department of Social Welfare and Development (DSWD) ang na-relieve sa posisyon dahil umano sa kanilang “attitude.”

Hindi binanggit ni DSWD Secretary Erwin Tulfo ang pangalan ng mga empleyado subalit aniya, mula ang mga ito sa DSWD office sa Ninoy Aquino International Airport at sa opisina ng Tagbilaran City.

Ayon kay Tulfo, ang dalawa ay inalis o na-relieve sa puwesto dahil sa kanilang “attitude.”

“Common kasi in a government agency, hindi naman lahat ng employees namin, pero karamihan are professionals, they come in at 8 o’clock, they work until 4 o’clock,” pahayag ni Tulfo sa isang interview ngayong Miyerkules.

“Unfortunately, may iilan na they will just come in, 8 to 4, then punched in, hintayin lang ‘yung punch out ng 4 o’clock then may sinasabi because of stress daw dealing with these people, the elderly, and the poor, nakukulitan na so medyo hindi na maganda ‘yung kanilang pakikitungo o attitude,” saad pa ni Tulfo.

Sinabi ni Tulfo na ang na-relieve na empleyado mula sa Tagbilaran City ay naka-assign sa complaints o grievances section ng opisina.

“’Yung sa Tagbilaran naman very unfortunate, she’s in our complaints section, tumatanggap ng reklamo tapos ganoon ang attitude...” ani Tulfo.

Kaugnay nito, nagbabala naman si Tulfo sa limang hotline operators na umano’y hindi tumatanggap ng mga tawag.

Sa ngayon, abala ang kalihim na i-check kung may sapat na food packs bilang paghahanda sa gitna ng typhoon season.

Aniya, sa mga susunod na linggo, kakausapin niya ang mga regional directors upang i-address ang mga isyu hinggil sa mga pag-uugali o attitude ng mga empleyado.