NCR at higit 80 lugar, Alert Level 1 pa rin hanggang Mayo 15 — Malacañang

ni Lolet Abania | April 29, 2022

Sa kabila ng pangamba sa posibleng surge ng COVID-19 infections matapos ang May 9 elections, mananatili sa Alert Level 1 classification ang National Capital Region (NCR) hanggang Mayo 15, 2022, ayon sa Malacañang.

Sa isang statement, batay na rin sa Inter-Agency Task Force for the Management of Emerging Infectious Diseases (IATF), sinabi ni acting Presidential Spokesperson Martin Andanar na isasailalim din sa Alert Level 1 mula Mayo 1 hanggang 15 ang mga sumusunod na lugar:

Sa Luzon

• Cordillera Administrative Region: Abra, Apayao, Kalinga, Mountain Province, at Baguio City;

• Region I: Ilocos Norte, Ilocos Sur, La Union, Pangasinan, at Dagupan City;

• Region II: Batanes, Cagayan, Isabela, Quirino, at City of Santiago;

• Region III: Aurora, Bataan, Bulacan, Nueva Ecija, Pampanga, Tarlac, Zambales, Angeles City, at Olongapo City;

• Region IV-A: Batangas, Cavite, Laguna, Rizal, at Lucena City;

• Region IV-B: Marinduque, Oriental Mindoro, Romblon, at Puerto Princesa City;

• Region V: Albay, Catanduanes, Naga City

Sa Visayas

• Region VI: Aklan, Capiz, Guimaras, Iloilo Province, Bacolod City, at Iloilo City;

• Region VII: Siquijor, Cebu City, Lapu-Lapu City, at Mandaue City

• Region VIII: Biliran, Eastern Samar, Southern Leyte, Ormoc City, at Tacloban City

Sa Mindanao

• Region IX: Zamboanga City;

• Region X: Camiguin, Bukidnon, Misamis Oriental, Cagayan de Oro City, at Iligan City;

• Region XI: Davao City;

• CARAGA: Surigao del Sur at Butuan City

Gayundin, ang mga component cities at municipalities ay isasailalim sa Alert Level 1 mula Mayo 1 hanggang 15.

Sa Luzon

• Cordillera Administrative Region: Tublay, Benguet;

• Region IV-A: Candelaria, Quezon; Dolores, Quezon; at San Antonio, Quezon;

• Region IV-B: Cagayancillo, Palawan;

• Region V: Caramoan, Pili, at Tigaon, Camarines Sur; at Capalonga, Camarines Norte

Sa Visayas

• Region VI: Candoni, Negros Occidental at Tobias Fornier (Dao), Antique;

• Region VII: Amlan (Ayuquitan), Negros Oriental at Duero, Bohol;

• Region VIII: Matalom, Leyte

Sa Mindanao

• Region IX: Jose Dalman (Ponot) at Labason, Zamboanga del Norte; Molave at Ramon Magsaysay (Liargo) Zamboanga del Sur; at Buug, Zamboanga Sibugay;

• Region X: Tudela, Misamis Occidental; Baroy, Lanao del Norte; Lala, Lanao del Norte; at Tubod, Lanao del Norte;

• Region XI: Caraga, Davao Oriental;

• Region XII: City of Koronadal, South Cotabato; Arakan, North Cotabato; at Lebak, Sultan Kudarat;

• CARAGA: Kitcharao, Agusan del Norte; Santa Josefa, Agusan del Sur; Libjo (Albor), Dinagat Islands; at General Luna, Surigao del Norte;

• Bangsamoro Autonomous Region in Muslim Mindanao: South Upi, Maguindanao at Turtle Islands, Tawi-Tawi

Una nang sinabi ni Pangulong Rodrigo Duterte na hindi ide-deescalate o isasailalim sa Alert Level 0 ang bansa hanggang aniya, “everything is alright”.

Isasailalim naman sa Alert Level 2 sa parehong petsa, ang mga sumusunod na probinsiya, highly urbanized cities (HUCs), at independent component cities (ICCs(sad)

Sa Luzon

• Cordillera Administrative Region: Benguet, Ifugao;

• Region II: Nueva Vizcaya;

• Region IV-A: Quezon Province;

• Region IV-B: Occidental Mindoro at Palawan;

• Region V: Camarines Norte, Camarines Sur, Masbate, at Sorsogon

Sa Visayas

• Region VI: Antique at Negros Occidental;

• Region VII: Bohol, Cebu, at Negros Oriental;

• Region VIII: Leyte, Northern Samar at Western Samar

Sa Mindanao

• Region IX: City of Isabela, Zamboanga del Sur, Zamboanga del Norte at Zamboanga Sibugay;

• Region X: Lanao del Norte at Misamis Occidental;

• Region XI: Davao del Norte, Davao del Sur, Davao Oriental, Davao de Oro at Davao Occidental;

• Region XII: General Santos City, North Cotabato, Sarangani, Sultan Kudarat at South Cotabato;

• CARAGA: Agusan del Norte, Agusan del Sur, Dinagat Islands at Surigao del Norte;

• Bangsamoro Autonomous Region in Muslim Mindanao: Basilan, Cotabato City, Lanao del Sur, Maguindanao, Sulu at Tawi-Tawi

“Alert Level classifications of component cities and municipalities under IATF Resolution No. 166-A (s.2022) not otherwise affected by this Resolution shall remain in effect until May 15, 2022,” pahayag pa ni Andanar.

Gov’t assistance para sa mga pamilya sa bumagsak na Bohol bridge – Palasyo

ni Lolet Abania | April 28, 2022

Nangako ang pamahalaan na magbibigay ng tulong sa mga apektadong indibidwal sa nangyaring pagbagsak ng tulay sa Loboc River sa Loay, Bohol nitong Miyerkules, ayon sa Malacañang.

Sa isang statement, nagpahayag din si acting Presidential Spokesperson Martin Andanar ng pakikiramay sa mga pamilya ng mga biktima na nasawi sa insidente.

“We express our condolences to the families of the victims who perished with the collapse of a bridge in Loay town in Bohol. We likewise pray for the swift recovery of those who got injured,” ani Andanar.

“Authorities are currently conducting an investigation even as we assure everyone, especially affected residents and communities, of government assistance,” dagdag niya.

Sa paunang ulat, apat na katao ang namatay habang 15 ang nasaktan matapos na ang lumang Clarin Bridge ay bumagsak habang maraming sasakyan ang dumaraan dito.

Noong 2013 na lindol, ang tulay ay na-damage subalit ginagamit pa rin ito habang ang mga motorista ay naghihintay sa bagong tulay sa tabi nito na matapos na magawa.

Ayon sa National Disaster Risk Reduction and Management Council (NDRRMC), patuloy ang kanilang search and rescue operations sa lugar.

Sa initial report ng NDRRMC ngayong Huwebes, lumabas sa imbestigasyon na 12 utility vehicles at isang delivery truck, na may kargang graba at buhangin para sa konstruksyon ng bagong magkadugtong na tulay, ang bumabagtas sa naturang lumang tulay.

“This caused serious tension and the collapse of the bridge,” saad ng NDRRMC.

“The old Clarin Bridge was damaged during the 2013 Bohol earthquake and recently served as a detour bridge for the on-going new Clarin Bridge, a Nielsen-type bridge adjacent to the old bridge,” dagdag nito.

Nakilala ang mga nasawi na isang 65-anyos na babae mula sa Loay, isang 30-anyos na lalaking Austrian national na nanunuluyan sa Panglao, isang 29-anyos na lalaki mula sa Tagbilaran City, at isang 33-anyos na lalaki mula sa Dauis.

Batay pa sa NDRRMC, ang bilang ng mga nasaktan sa ngayon ay nasa 17 na.

Samantala, tinatayang nasa 23 indibidwal ang nailigtas sa insidente.

Sa report ng GMA News nitong Miyerkules, sinabi ng Philippine Coast Guard (PCG) na ang mga survivors ay nasa loob ng kanilang mga sasakyan nang mag-collapse ang tulay.

Isinisi naman ni Bohol Governor Art Yap na ang pagbagsak ng tulay ay sanhi ng matinding trapiko.

“According to Engineer Magiting Cruz of the DPWH, the possible cause why the bridge collapse was because the bridge is only for flowing traffic,” giit ni Yap.

“There were a lot of cargo vehicles on the bridge, and the bridge could not take the weight. That’s the reason why they collapsed,” dagdag pa ng governor.

Angeline Quinto, nagsilang ng baby boy

ni Lolet Abania | April 28, 2022

Isinilang na ng singer-actress na si Angeline Quinto ang kanyang panganay na isang baby boy.

Sa post ni Angeline sa kanyang Instagram stories, makikita ang isang orasan na nasa loob ng isang ospital kung saan siya nanganak, habang may caption na “10:22 p.m., 27 April 2022… HELLO, BABY SYLVIO!”

Makikita rin ang larawan ng singer-actress bago siya magsilang na nakasulat sa maumbok niyang tiyan, “Ready to pop!!”

May kuha rin ng kinaroroonan ng kanyang baby boy matapos siyang manganak at nakasaad na, “Love at first sight.”

Matatandaan na noong nakaraang Disyembre ibinalita ni Angeline ang kanyang pagbubuntis ng first baby nila ng kanyang non-showbiz partner.

Maraming mga kaibigan naman ang bumati kay Angeline.

Welcome to the Christian world, Baby Sylvio!