23 sa Hospicio de San Jose, positive sa COVID

PHOTni Lolet Abania | April 29, 2021

Isinailalim sa lockdown ang Hospicio de San Jose sa Manila matapos na 23 sa kanila ang nagpositibo sa COVID-19 ngayong Huwebes.

Ito ang kinumpirma ng isa sa student-volunteers ng institusyon.

Ayon kay Jenebeth Paniterce, 15 health staff members, 6 na matatandang residente at 2 student-volunteers ang infected ng virus nang simulan nila ang COVID-19 testing noong April 15.

Isa sa mga senior citizens ang namatay sa nasabing sakit habang ang tatlo ay dinala sa ospital ngayong Huwebes nang umaga.

Sa ngayon, mayroong 22 active cases na lahat ay naka-isolate na sa dalawang lugar sa orphanage.

Patuloy din ang isinasagawang swab tests ng pamunuan ng Hospicio hanggang sa lahat ng 450 indibidwal sa compound ang makapag-test.

Gayunman, ayon kay Paniterce, hindi pa nila ma-trace kung saan nagsimula ang virus.

Para matiyak ang kaligtasan ng lahat ng nasa Hospicio, hindi pinapayagang lumabas ng Isla de Convalecencia, kung saan matatagpuan ang mga tirahan ng mga residente.

Humingi naman ng tulong na donasyon ang Hospicio de San Jose upang magpatuloy ang kanilang serbisyo sa ampunan.

Mas ninanais nilang mabigyan ng in-kind goods gaya ng de-lata, mga gatas para sa mga sanggol, toddlers at matatanda, infant meals, bigas, tinapay at noodles.

Kinakailangan din nila ang mga hygiene kits kabilang na ang mga diapers, gamot at medical equipment tulad ng personal protective equipment (PPE) at face masks.

Nanawagan na rin sa Facebook ang Archdiocesan Shrine of Santo Niño-Tondo Manila para sa donasyong ibibigay sa Hospicio.

“They are running out of food because nobody is donating to them and the sisters are worried about the children and elders. They are appealing to your kind generosity,” ayon sa post ng simbahan.

Maaari ring direktang ibigay ang mga donations kay Sister Marcelita Catarina D.C. sa Hospicio de San Jose, Ayala Bridge, Quiapo, San Miguel, Manila.

Turkey, naka-full lockdown

ni Ronalyn Seminiano Reonico | April 27, 2021

Isasailalim sa “full lockdown” ang Turkey simula sa April 29 hanggang May 17 dahil sa paglobo ng kaso ng COVID-19, ayon kay Turkish President Recep Tayyip Erdogan.

Noong Lunes, nakapagtala ang Turkey ng 37,312 bagong kaso ng COVID-19 at 350 na mga pumanaw sa loob lamang ng 24 oras, ayon sa datos ng health ministry.

Pahayag ni Erdogan, “We must quickly reduce the number of cases to less than 5,000 a day.”

Upang maabot ang naturang target, ipinag-utos ni Erdogan ang full lockdown para mapanatili ang mga tao sa loob ng bahay at ipinasara rin ang mga non-essential businesses.

Ipinasara rin ang mga paaralan at sa online muna isinasagawa ang mga klase. Nilimitahan din ang mga pampublikong transportasyon. Tuwing Linggo naman ay isasara rin ang mga supermarkets sa naturang bansa.

Lockdown sa New Delhi, India, extended

ni Ronalyn Seminiano Reonico | April 26, 2021

Pinalawig pa ang lockdown sa New Delhi, India dahil sa patuloy na pagtaas ng kaso ng COVID-19 sa naturang bansa.

Pahayag ni Delhi Chief Minister Arvind Kejriwal, “We have decided to extend the lockdown by one week.

“The havoc of corona(virus) continues and there is no respite. Everyone is in favor of extending the lockdown.”

Puno na rin ang mga ospital ng mga pasyente at bukod sa kakulangan sa mga gamot, nakararanas din ang naturang bansa ng severe oxygen shortages.

Samantala, sa nakaraang 24 oras, nakapagtala ang India ng 349,691 bagong kaso ng COVID-19 at 2,767 na bilang ng mga pumanaw, ayon sa Union Health Ministry.