Davao Oriental, nagtala ng 5.8-magnitude na lindol

ni Lolet Abania | May 5, 2022

Niyanig ng 5.8-magnitude na lindol ang baybayin ng Davao Oriental ngayong Huwebes nang hapon, ayon sa Philippine Institute of Volcanology and Seismology (Phivolcs).

Batay sa Phivolcs, alas-4:21 ng hapon naitala ang lindol na may lalim na 2 kilometro, at tinatayang nasa 147 kilometro timog-silangan sa bayan ng Tarragona.

Nai-record ang Intensity 3 sa Malungon at Alabel sa Sarangani; Davao City, at Tampakan, South Cotabato.

Naitala ang Intensity 2 sa Tupi, South Cotabato, General Santos City at Kiamba sa Sarangani, habang Intensity 1 ay naiulat sa Santo Niño, South Cotabato at Palimbang, Sultan Kudarat.

Naramdaman naman ang instrumental intensities sa mga sumusunod na lugar:

• Intensity III - Malungon at Alabel, Sarangani

• Intensity II - Davao City; Tupi, at Koronadal City, South Cotabato; Glan, at Kiamba, Sarangani; Nabunturan, Davao De Oro

• Intensity I - T'boli, South Cotabato; Maasim, Sarangani; Kidapawan City, Cotabato; Kidapawan City

Ayon sa Phivolcs, wala namang napinsala matapos ang lindol. Subalit, nagbabala ng ahensiya sa posibleng mga aftershocks.

Una nang naitala ang magnitude 5.7 na lindol ngayon ding Huwebes nang madaling-araw sa nasabi ring lugar.

Davao Oriental, niyanig ng 5.7-magnitude na lindol

ni Lolet Abania | May 5, 2022

Niyanig ng 5.7-magnitude na lindol ang baybayin ng Davao Oriental ngayong Huwebes nang madaling- araw, ayon sa Philippine Institute of Volcanology and Seismology (Phivolcs).

Unang nai-report ng ahensiya na nasa 6.2-magnitude ang lindol, subalit binago nila ito at na-downgrade sa 5.7-magnitude na pagyanig.

Batay sa Phivolcs, alas-5:41 ng madaling-araw naitala ang lindol na may lalim na 96 kilometro, at tinatayang 136 kilometro timog-silangan ng bayan ng Tarragona, Davao Oriental.

Nai-record naman ang Intensity 2 sa General Santos City, kung saan bahagyang gumalaw ang mga gamit na mga nakasabit.

Naramdaman din ang mga instrumental intensities sa mga sumusunod na lugar:

• Intensity 3 - Malungon and Alabel Sarangani

• Intensity 2 - Nabunturan, Davao De Oro; Davao City; Tupi, South Cotabato; Koronadal City

• Intensity 1 - Malaybalay, Bukidnon; Kidapawan City; Kiamba, Sarangani; Santo Niño at T'boli South Cotabato

Ayon sa Phivolcs, wala namang napinsala matapos ang lindol. Subalit, babala ng ahensiya, posibleng magkaroon ng mga aftershocks.

Davao Oriental, niyanig ng magnitude 6.2 na lindol

ni Lolet Abania | April 19, 2022

Niyanig ng magnitude 6.2 na lindol ang Manay, Davao Oriental ngayong Martes nang umaga, ayon sa Philippine Institute of Volcanology and Seismology (PHIVOLCS).

Batay sa PHIVOLCS, naitala ang lindol nang alas-9:23 ng umaga at tectonic in origin.

Habang ang epicenter ng pagyanig ay nasa layong 07.09°N, 127.04°E - 057 km S 77° silangan ng Manay.

Ayon sa PHIVOLCS, may lalim ang lindol na 018 kilometro.

Naramdaman ang Intensity IV sa Bislig City at sa Hinatuan, Surigao Del Sur, habang Intensity II naman sa Davao City at sa Bansalan, Davao del Sur.

Sinabi pa ng PHIVOLCS, asahan ang mga maaaring pinsala at mga aftershocks matapos ang pagyanig.